https://www.facebook.com/104694445859439/

Dr Abdul Aziz naeemi, Afghanistan �, Jalalabad (2025)

29/03/2024

👈🧑🏼‍⚕️😍د ډاکټـر په ژوند کی غوره او خوشحاله کوونکی شېبی!
۱: د یو نوې زیـږېدلی ماشوم ژړا.
۲: د کوما حالت څخه د یو ناروغ راوتل.
۳: د یو ناروغ د زړه ضربان دوبـاره شروع کېدل او نوي ژوند پیل کیدل.
۴: د ناروغ د ښه کېـدو له وجی د مننې الفـاظ اوریدل.
۵: کله چې په عـام محضر کی یو څوک تا وپیژنی او ستا د کورنۍ/اولادونو په وړاندی له تا څخه مننه وکړي.
۶: کله چې د یو غریب ناروغ اعـلاج په وړیـا ډول وکړي، او هغه تاته خـواږه ډالۍ کړی.
۷: کله چې دی زیـات کار له وجي ستړي وی، او څوک ووایی چې بس دی! لـږ دمه وکړئ.
۸: کله چې یو څـوک ووایی " زه غواړم ستا پشـان ډاکټـر شم" ....
ⅅℛ:ℳℍ.

25/05/2023

سکبیس
Scabies
سکبیس د پوستکي یو ساري حالت دی او د پیدا کېدو لامل یې د وړې سپږې یا شني له امله دی کومه چې په پوستکي کې ننوځي او په پوستکي کې هګۍ کوي. علایم یې سخت خارښت دی کوم چې په شپه کې زیاتیږي. د سکبیس سپږې یا شني ته سرکوپټ سکې بي اې (Sarcoptes scabiei) نوم اخلي. خپله خوله او مخکینۍ پښې د خپل ځان د تغذیه کولو او د پوستکي په سطحه کې د سوري وېستلو لپاره کاروي چېرې چې خپلې هګۍ هم کوي. هګۍ یې له دوه یا درې ورځو وروسته په بچیانو بدلیږي او بچیان یې د پوستکي سطحې ته راوځي او په غټ سکبیس بدلیږي. سکبیس په بدن کې ګرم ځایونه خوښوي لکه د ګوتو منځ، د نوکونو لاندې ځای، د کوناټیو چار چاپېره سیمه، په ښځو کې د تیانو لاندې. که چېرې مو ساعت، لاسبند او یا ګوتې په لاس وي د هغو لاندې هم پټیږي.
سکبیس څرنګه انتقالیږي
سکبیس ټوپ نشي وهلی او نه الوتلی شي یوازې کله چې دوه کسان اوږدمهاله فزیکي اړیکه یا نزدیکت لري یو بل ته سکبیس انتقالولای شي. که چېرې سکبیس لرونکي کس سره لاس په لاس ستړې مشې وکړو او لاس یې ډېر وخت لاس کې ونیسو سکبیس ترې انتقالیدای شي، د جنسي اړیکې له لارې انتقالیږي، د سکبیس لرونکي کس بستره، ځان پاکی یا جامې کارول هم سکبیس انتقالولای شي.
د سکبیس شنی یا سپږه د انسان له بدن څخه بهر له ۲۴ تر ۳۶ ساعتونو پورې ژوندۍ پاتې کېدای شي. کله چې انسان سکبیس ونیسي نو تر دوه یا درې اوونیو پورې نه پوهیږي او همدا نه پوهېدا نورو ته د خپرېدو لامل ګرځي.
که تاسې غواړی چې په سکبیس د بیا اخته مخنیوی وکړی نو هغه دوه کسان چې دواړه په سکبیس اخته دي خپلمنځ کې دې جنسي اړیکه نه نیسي ځکه چې جنسي اړیکه د درملنې په وخت کې د بیا اخته کېدو لامل ګرځي.
د سکبیس د درملنې لپاره کریم کاریږي. پرته له سر څخه په ټول بدن وهل کیږي خو له کارولو مخکې باید ستاسې بدن لوند نه وي او یا هم ګرم نه وي. که چېرې مو په ګرمو اوبو حمام کړی وي نو د بدن تر سړېدو پورې دا کریم مه کاروئ. که چېرې یې په ګرم بدن وکاروئ نو ممکن کریم ډېر ژر د پوستکي لخوا جذب شي او په هغې برخې اغیز ونکړي چېرې چې د سکبیس سپږې سوری کړی وي.
مخکې تر دې چې د سکبیس درمل وکاروئ لمړی د تولید د لارښونې پاڼه وګورئ ځکه چې ځینې تولیدونه په مخ، بڼو او داسې نورو برخو هم کاریږي او ځینې پرته له سر په ټول بدن کاریږي.
د کارونې پر وخت ځان مطمن کړی چې په خپلې تناسي الې، د نوکونو لاندې، د تخرګونو لاندې په کوناټیو، د پښو په تلو او د ګوتو په منځونو کې مو هم درمل سم کارولي.
کارول شوي کریم یا درمل مو له ۸ تر ۲۴ ساعتونو پورې په بدن پرېږدئ. په دې وخت کې مو که د بدن کومه برخه ومینځله فوري بیا پرې درمل وکاروئ. درمل تر یوې اوونۍ پورې هره ورځ وکاروئ .
مخکې تر دې چې درمل مو په بدن وکاروئ لمړی د خوب خونې هغه توکي لکه د بړستنې پوښ، د توشکې پوښ او داسې نور په ۵۰ درجو تودوخه کې ومینزی. که چېرې کور کې ځینې توکي نشی مینزلای نو په پلاستیک کې یې تر ۷۲ ساعتونو پورې بند کړی ځکه چې تر ۷۲ ساعتونو پورې د انسان له بدن څخه بهر د سکبیس سپږه ژوندۍ نشي پاتې کېدای. که کور کې برقي جارو لری نو خپل فرش او قالینې پرې جارو کړئ کنه تر ټولو ښه طریقه قالینو او فرشونو ته لمر ورکول او څنډل دي.

16/01/2023

ډیپرییشن (Depression) یا ژور خفګان:

دیپریشن یا ژور خفګان چی روحی انحطاط هم ورته وایی یو له هغو مهمو عقلی یا روحی ناروغیو څخه ده چی زمونږ اوستاسی د ټولنی یو زیات تعداد وګړی په خفیف او یا شدید ډول څه ناڅه ورباندی اخته او له دی روحی پریشانی څخه رنځ وړی .مونږ دلته ددی ناروغی په اسبابو مختلفو کلینکی اشکالو ، اعراضو او علایمو ،په تداوی او ددی ناروغی د مخنیوی په لارو چارو له تاسی سره خپل معلومات شریکوو

لمړی: دیپریشن څه ته وایی:

دا ناروغی عبارت له یو روحی انحطاط یا خفګان څخه ده چی ور باندی اخته کس په دوامداره توګه دیوډول غم او پریشانی احساس کوی دناروغ په احساسا تو عواطفو او خیالاتو کی یو څرګند بدلون رامینڅ ته کیږی دخپل ځان او ضمیر سره همیشه لاس په ګریوان یی پخپلو ورځنیو چارو او کارونو کی زیات خلل لیدل کیږی خپل ځان ورته مقصر او بی وزله ښکاری له تیرو کړنو څخه پیښمان اوسنی حالت ته حیران او اینده ته نګران وی.
د دیپریشن په تشخیص کي د ناروغۍ درو مرحلو ته پام اړول مهم دي څو له مخي یې باید څرګنده شي چي ناروغ د نوموړي ناروغۍ په کومه مرحله دی .
د دیپریشن نښي نښانې په دوو کتیګوریو ( A او B ) وېشل شوي دي . ددې د پاره چي د ناروغۍ شتون تائید شی ، باید په ناروغ کی لږ تر لږه د هري کتیګورۍ څخه دوه نښاني تر سترګو شي . دغه نوموړي نښانې باید په ناروغ کي لږ تر لږه په پرله پسې ډول بی لدی نه چي قطع او وقفه ور پکښې راشي ، دوې هفتې مسلسل دوام وکړي او نه باید د فزیکي ناروغۍ په توګه و پیژندل شي .

لومړی ــ د A کتیګورۍ نښانې :
ـــ د خفګان احساس .
ـــ په تمایل او دلچسپیو کي د پام وړ کمښت .
ـــ د انرژۍ او توان کمښت او د سختي ستړیا احساس .

دویم ــ د B کتیګورۍ نښانې :
ـــ پر ځان باندي د اعتماد او باور کمښت .
ـــ د ځان ملامتیا او د ګناه احساس .
ـــ د مرګ او ځان وژني فکرونه .
ـــ د افکارو د متمرکز کولو مشکلات .
ـــ سخته باطني بې ثباتي او یا برعکس زیات تحمل .

ـــ بې خوبي او د خوب اختلال .
ـــ په وزن او اشتها کي د پام وړ بدلون چي اکثره وختونه د وزن د کمښت سره مل وي .

په ناروغ کي د دیپریشن شدت او د حالت څرنګوالي ته درې مرحلې د پام وړ ګڼلي شوي دي ، لکه :

لومړۍ مرحله ـــ ساده یا سپک دیپریشن :

ددې د پاره چي ددې مرحلې شتون تائید شي ، اړینه ده د دواړو ( A ) او ( B ) کتیګوریو د نښو نښانو څخه کم تر کمه دوې دوې نښانې په ناروغ کي و لیدلي شي.
پدې مرحله کي د ناروغ حالت داسی وی چي درملني ته اړتیا نه لیدل کیږي . د کورنۍ د غړو او ملګرو لخوا دده معنوي ملاتړ کولای شي د درملني ځای و نیسي . همدارنګه د خپل ډاکتر او ارواح پوه ( روانشناس ) لخوا د سترس( داخلي روحي تشنج ) په کمولو کي ګټوري مشورې، ورزش او سالم خوب ډیره ښه او په زړه پوري مرسته کولای شی .

د ګټورو مشورو په لړ دا هم راځي چي باید مصاب ( ناروغ ) پدې پوه کړل شي ، چي تر څو کولای شي ، ځان د تجرید حالت ( Isolation) د محاصرې نه و باسي ، د توان تر حده د کار د ساحې سره خپلي اړیکي و ساتي ، د ارامتیا ، نظم او نظافت فضا را منځته کړي ، د جدي موضوعګانو په هکله د تصمیم نیولو څخه ډډه وکړي او د سترس کنترولو لارو چارو سره ځان بلد کړي

دویمه مرحله ــ متعادل او نرم دیپریشن :
ددې مرحلي د تشخیص د پاره پکار ده چي د ( A ) کتیګورۍ د نښو نښانو څخه باید کم تر کمه دوي نښانې او د ( B ) کتیګورۍ څخه باید کم تر کمه څلور نښانې په ناروغ کي ولیدلي شی . پدې مرحله د ناروغ د ژغورلو په موخه پکار ده چي د درملني د یوه یا بل ډول نه کار واخیستل شی . دا کار کیدلای شی چي دسایکوتراپي ( د رواني چارو په مټ تداوي ) او یا هم د درمل کارولو د لاري تر سره شي .

دریمه مرحله ــ شدید دیپریشن :
دا مرحله هغه وخت د تائید وړ ده چي د ( A ) ګتیګورۍ ټولي درې واړي نښانې او د ( B ) کتیګورۍ څخه لږ تر لږه پنځه او یا لدې نه زیاتي نښانې په ناروغ کي ولیدلي شي . پدې مرحله کي ناروغ بد او بحراني حالت لري . که چیري پدې وخت کي د ناروغ حالت د ځان وژني تر خطر پوري جدي ، سخت متشنج او یا یې د ځان د کنترول او مراقبت وړتیا له لاسه ور کړې وي ، نو د درملني پخاطر به ښه دا وي چي ناروغ هر څه ژر د رواني ناروغیو په روغتون کي بستري او تر جدي درملني لاندي ونیول شي » . او همدارنګه دوایه درملنه یی دداکتر تر مشوری لاندی تر اوږده وخته صورت نیسی.
پاڼه لایق او شیر کړی

Address

Afghanistan �
Jalalabad
0000

Telephone

+93782309246

Website

facebook.com

Alerts

Be the first to know and let us send you an email when Dr Abdul Aziz naeemi posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Abdul Aziz naeemi:

Dr Abdul Aziz naeemi