Dr fahadullah sheranzoi

02/07/2025

نن سبا د زړه سقوط (Cardiac Arrest) کیسونه بیخي زیات شوي، دوه ورځې وړاندې هندي اکټره شفالي په 42 کلنۍ کې حال دا چې جیم فټنس ډایټنګ هرڅه یې ترتیب سره کول، خو د زړه سقوط له امله وفات شوه، بل عکس د لاهور څخه دی چې یو استاد د لکچر پرمهال د یادې پیښې ښکار کیږي!
زړه حمله مخکې له مخکې څو اشارې درکوي لکه سړه خوُله، په سینه، اوږو او د چپ لاس په درې ګوتو باندې درانه دردونه، ستړیا، ساه لنډیدل او نورې نښې نښانې هفته نیمه مخکې څرګندیږي!
خو Cardiac Arrest کې زړه یوناڅاپه بند شي، زړه بدن ته د وینې پمپ کول بند کړي، د زړه بریښنایي سیسټم ټول بندیږي، ناروغ دفتاً بې هوشه او د زړه زربان یا ډیریږي یا ودریږي، چې نتیجه کې یې کس په څو دقیقو کې مړ کیږي!
د زړه سقوط کیسونه د 2020 کال وروسته بیخي زیات شوي، چې علما یې مهم عوامل سټرس، پریشاني، په دماغو حد څخه زیات بوج، بې خوبي او د الکولو ډیر استعمال او نور مسایل یاد کړي!
لومړی عکس لاهور کې د یو ښوونکي او بل شیفالي جاریواله ده چې دوه ورځې وړاندې دواړه د Cardiac Arrest له امله یک دم وفات شول!

#

12/08/2024

د خولې د بد بوي يو لوي لامل پر ژبه د مکروب پاتې کېدل دي ځينې خلک پر دې فکر دي چې ولې د غاښونو تر برش کولو وروسته يې هم د خولې بد بوي ولې له منځه نه ځي د خولې بد بوي له منځه وړلو لپاره اړينه ده چې د غاښو سره سره په نرم برش باندې ژبه هم برش کړل شي تر څو هغه بکترياوې چې د خوړو خوړلو څخه وروسته پر ژبه پاتې کيږي هغه هم پاکې شي.

27/07/2024

چوری ډولونه

02/02/2024

نری رنځ، توبرکلوز، ټي بي يا د سل مرض:
نری رنځ يا ټي بي یوه ناروغي ده چي د ميکروب په واسطه منځ ته راځي او عموماً سږي ورباندي اخته کيږي. د سل مرض له يو انسان څخه و بل انسان ته د هغو وړو څاڅکو په واسطه چې د ټوخي يا پرنچي په وخت کې د ناروغ له خولې يا پوزي باديږي انتقاليږي. ډيری وخت دغه څاڅکي ډير واړه وي او په سترګو هم نه ليدل کيږي. هر هغه وخت چي نوموړی مکروب د روغ انسان بدن ته داخل شي نو عموماً سم دلاسه انسان د نري رنځ په ناروغۍ نه اخته کوي بلکه يو له دغو لاندې دوو حالتونو څخه منځ ته را وړي.
1. د انسان د بدن مدافعتي سيستم مکروب وژني او انسان د ټي بي له ناروغي څخه ژغورل کيږي.
2. د انسان د بدن مدافعتي نظام پدې و نه توانيږي چي ميکروب له منځه يوسي بلکه تر يو حده يې کنترول کړي. دغه حالت ته په طب کې پټ ټي‌بي ويل کيږي. پدې حالت کې ناروغان سمدلاسه د نري رنځ په ناروغۍ نه اخته کيږي بلکه په راتلونکې کې ورباندې اخته کېدی شي. هغه کسان چي د ټي بي ناروغي ولري ډاکتران دغه حالت ته فعال نری رنځ يا ټي بي وايي.

د فعال ټي‌بي يا نري رنځ نښې نښانې:
1. ټوخی، خصوصاً چي له درو يا څلورو اونيو څخه زيات شي
2. تبه
3. د شپي خوله
4. د وزن له لاسه ورکول

د نري رنځ يا ټي بي درملنه يو څه وخت اخلې خو په مکمل ډول د علاج وړ يوه ناروغي ده.

28/11/2023

له ۴۰ کلنۍ پورته خلکو ته یو څو لارښوونې!

۱- هر وخت اوبه څښه حتی که د تندې احساس هم درته نه کیږي

۲- همېشه سپورت او ورزش کوه حتی که زیات هم مصروف اوسې. که نور نه وي قدم وهل عادت وګرځوه

۳- همېشه کم خوراک کوه، نور نو د پُر خورۍ وخت پای ته رسیدلې، زیات خوراک درته هیڅ فایده نه کوي لا درته په زیان تمامیږي

۴- د یو ځای نه بل ځای ته تګ له پاره، له موټر څخه د امکان ترحده استفاده مه کوه، کوشش وکه چې مسجد، مغازه، خپلوانو لیدلو، او نور ځایو ته پیاده لاړشې

۵- هیڅ کله مه غوسه کیږه او مه عصباني کیږه، د ځوانانو ناوړه کارونو له کبله مه نا راحته کیږه، کوشش کوه په غلطیو یې سترګې پټې کړی، که نه نو ستا روغتیا ته به تاوان ورسیږي

۶- مال دولت ددی لپاره دی چې د ژوند لپاره وکارول شي، نه دا چې د هغوی د ساتلو لپاره ژوند تیر کړل شي، تل ورنه ګټه اخله.

۷- هغه څه چې لاسته راوړی نه شې، کیسه کې یې مه کیږه. داسې فکر وکه لکه هیڅ چې دی لیدلی نه وي. که ستا نصیب و قسمت کې وي حتماً به در رسیږي

۸- ډیر خاکسار او متواضع اوسه، مال، دولت قدرت هغه وخت له مینځه ځي چې څوک تکبر وکړي

۹- د ویښتو سپین والی دا معنا نه ورکوي چې ګویا ستا د عمر پای پیل شو. بلکې دا هغه قیمتي ویښته دي چې تا ته د ځوانۍ په قیمت تمام شوي. دا ددې ښکارندوی دي چې ستاسو بهتر ژوند پیل کیدونکی دی. هغه تصمیمونه چې ته ۴۰ کلنۍ څخه وروسته نیسې په مراتبو درته ګټور تمامیږي. خپله به احساس کړې چې د ځوانۍ د وخت څومره پریکړې احمقانه وې.

۱۰- تل د شپې وختي ویده کیږه، او د شپې ناوخته پورې مه کینه.

۱۱- سهار وختی پاڅیږه لمونځ کوه اودلمانځه وروسته مه ویده کیږه د ورزش ترڅنګ یوڅه کار کوه.
پو هه

21/11/2023