Khalid Dental Clinic

17/12/2023

26/09/2022

خالد د غاښونو عصري کلینیک!
عربانو ګولاٸي جلال آباد_افغانستان 🇦🇫
د وټسپ شمېره : 0776094220
د اړیکو شمېره : 0730466285
Dr_ Khalid Khan

07/05/2022

د بريالي ډاکټر کيدو لپاره ، تاسو باید په خپله پریکړه زده کړئ چې د خلکو ژوند قیمتی دی او تاسو یی باید د خپل توان په اندازه وساتئ

13/04/2022

غاښ باید له عصب کشۍ (RCT) وروسته حتماً پوخ شي!
کله چې غاښ ته RCT وشي، نو د پخوا په څیر تغذیه نه اخلي او له لنډې مودې وروسته غاښ او ریښه یې د وچوالي خاصیت پیدا کوي، نو ځکه د غاښ او د دیوالونو د ماتیدو چانسونه ډېر وي!
له RCT وروسته که ډاکټر څومره هم ښه مواد هم استعمال کړي، نو د خوراک په وخت کې د فشار له وجې د غاښ دیوالونه ماتیږي او ډاکټر لخوا ځای پرځای شوي مواد ترې غورځیږي، او بیا ناروغ شکایت کوي چې فلاني ډاکټر باندې مې غاښ ډک کړی وو خو مواد ترې وغورځیدل!
زموږ په نظر تر ډېره ډاکټر ملامته نه وي، ناروغ ملامت وي، ځکه د ډاکټر مشوره یې نه وي منلي (غاښ یې نه وي پوخ کړي)
نو ګرانو هیوادوالو!
غاښ له عصب کشۍ وروسته حتماً پوخ کړئ!
درنښت

20/11/2021

دغاښ ویستلو وروسته ډیره وینه جریان یا پړسوب را پیدا شی، مونږ باید څه وکړو؟
د پړسوب مخه څرنګه نیولای شو؟
دوینی دجریان مخه څنګه نیولی شو؟
په کومه ورځ چې مو غاښ ویستلی، په هغه ورځ لوبي او ورزش وکړو کنه؟ او ځیني نوري پوښتني به دلته جواب شي.

کله چې یو انسان غاښ وباسي، نو طبیعي خبره ده چي په خوله کي به یو زخم جوړیږي، او د هغه سره تړلې ده چي وینه به ډیره کوي، پړسوب به کوي، درد به کوي، او دا ټول تر ۳ ورځو پوري طبیعي بلل کیږي، خو که تر دې زیات شي بیا باید ډاکټر ته مراجعه وشي.

عموما د درد څخه د خلاصون لپاره ډاکټر دواوي ورکوي، او همداسي نورې لارې چارې مریض ته ورښيي، چي عمل کول لازمي دی، دلته یو څو داسی لارښووني درته ښيو چې عموما یې ډاکټر خپل مریض ته توصیه کوي، او هم یې باید مریض په پام کي ولري.

۱- خوله وینځل

په کومه ورځ چې غاښ وویستل شي، په هغه ورځ د خولې پرې منځلو څخه باید ډډه وشي، او نه باید ډیر وتوکل شي، او نه باید په خوله کي نور سوائل غړغړه شي، بلکي باید په خوله کي چي کوم لعاب راځي، هغه تېر کړه شي، که څه هم په اول کې به لږ د وینو خوند ورسره ګډ وي، خو ددغه لعاب تیرول لازمي دي، ځکه چي د توکلو سره هغه زخم چي د غاښ ویستلو وروسته جوړ شوی، بیا بیا تازه کیږي، او دوینو بهیدنه همداسي دوام کوي، او کیدای شي وروسته د شدید درد لامل هم شي.

۲- د زخم په ځای کي پمبه یا مالوچ ايښودل

کله چي غاښ ویستل شي، ډاکټر د زخم په ځای کي پنبه ږدي چي د نیم ساعت لپاره یې پر زخم باندي ټینګ نیول لازمي دی، او باید د ژامي په مقابل اړخ باندي ټینګ زور وکړه شي.

۳- خوراک

د غاښ ویستلو وروسته باید تر دوو ساعتونو پوري د هر قسم خوراک څخه ځان وساتل شي، او د هغه وروسته باید نرم ، یخ او ساده خوراک وشي، د ګرم خوراک څخه باید جدي اجتناب وشي، او همداسي په خوراک کي باید داسي واړه واړه سخت اجزا نه وي، لکه په آیس کریم کي وړوکي چاکلیټ، او یا بادام او پسته، خو که ساده آیس کریم وي، نو ډیره ګټه لري، ځکه یو خو نرم خوراک دی او بل یخ دی، چی د وینو په دریدلو او د خولې خوند په ښه کولو کي مثبت رول لوبولای شي.

۴- سګریټ څکول

هسی خو سګریټ باید هیڅ کله هم ونه څکل شي، خو که څوک په اخته وي، نو هغوی باید د غاښ ویستلو وروسته اقلا تر ۳ ساعتونو پوري باید سګریټ ونه څکوي، او ډیره ښه خبره به وي که تر یوې مکملې ورځي (۲۴ ساعته) پوري ځیني ډډه وکړي.

۵- لوبي او ورزش

په کومه ورځ چې غاښ ویستل شوی وي، په هغه ورځ د بدني سختو ورزشونو لکه ځغاسته، سایکل چلول، لامبو وهل او یا نور ورته ورزشونو څخه باید ډډه وشي، او همداسي باید د لمر څخه ځان وساتل شي او ډیر وخت په لمر کي تیر نه کړی
٦- یخۍ

او همداسي که زخم وینه کوي، نو که خوله په ارامه سره په یخو اوبو ومینځل شي، او بیا په یو پلاستیک یا ټوکر کي پيچلی یخۍ د بهر له خوا د زخم پر ځای د لسو دقیقو لپاره کېښودل شي، او بیا لس دقیقې لیري کړه شي، او بیا د لسو دقیقو لپاره کیښودل شي، په دې سره به هم وینه بهېدنه کمه شي، او هم به زامه د پاړسوب څخه خوندي شي.

٧- خوله مینځونکی مایع

په کومه ورځ چی غاښ ویستل شوی، په هغه ورځ د خولې پرې منځل ممنوع دي، خو په دوهمه ورځ یې په ارامه او ساده اوبو باندي چي مالګه په کښي اچول شوي وي، د هر خوراک وروسته او د خوب تر مخه پرې منځل ښه کار دی، اقلا باید په ورځ کي دوه یا درې ځله داسي پرې منځل تکرار شي او یا دې خوله مینځونکی مایع څخه استفاده وکړی.

٨- مصنوعي غاښونه

که چا د غاښ ویستلو سمدستي وروسته بدل یا مصنوعي غاښونه ایښي وی، نو د اولو ۲۴ ساعتونو لپاره هغه باید له ځایه ونه خوځول شي، او نه باید د وینځلو لپاره را وباسل شي.

٩ – بیړنۍ حالت

د غیر عادي او بیړني حالتونو او مشکلاتو سره د مخامخ کېدو په صورت کي باید روغتون ته ځان ورسول شي، او همداسي باید هغه ټولي لارښوني عملي شي چي د ډاکټر له خوا مریض ته ښودل کیږي، ځکه هر مریض ځانته ځانګړي خصوصیات لري، او ډاکټر هغو ته په کتو سره هغه ته ځانګړي لارښوني هم کولای شي.
تاسو د نظریاتو په هیله🇦🇫