What are the opening hours?

Monday 08:00 - 16:00 Tuesday 08:00 - 16:00 Wednesday 08:00 - 16:00 Thursday 08:00 - 13:00 Saturday 08:00 - 16:00 Sunday 08:00 - 16:00

https://www.facebook.com/NangarharPublicHealthDirectorate?mibextid=ZbWKwL

Nangarhar Public Health Directorate, Kabul Hada 5th zone near Nashtar Kidney Hospital, Jalalabad (2026)

Q: What is the address?

Kabul Hada 5th Zone Near Nashtar Kidney Hospital

03/01/2026

یونیسیف د ننګرهار لعلپورې ولسوالۍ روغتیايي کارکوونکو چې په ترافیکې پيښه کې یې ژوند بایللی و، کورنیو سره یې نغدي مرسته وکړه.
شنبه ۱۴۰۴/۱۰/۱۳

د ننګرهار عامې روغتیا رئیس الحاج مولوي امین الله شریف د لعلپورې ولسوالۍ د روغتیايي کارکوونکو کورنیو ته د یونیسیف له لورې مرسته شوې نغدي مرسته وسپارله چې شهیدانو ته ۱لک افغانۍ او ټپيانو کورنیو ته یې ۵۰زره افغانۍ ځانګړې کړې وې.

یونیسیف دغه راز د یادې پيښې ټپيانو ټوله درملنه هم ترسره کړې او کورنیو سره یې له دې وړاندې د خوراکي توکو مرسته هم کړې ده.
د یادونې وړده چې شاوخوا میاشت وړاندې د ننګرهار لعلپورې ولسوالۍ ښځينه روغتیايي کارکوونکو موټر چې کورته ته پر لاره و، ترافیکي پيښه وکړه چې ۲ تنه پکې شهیدانې او ۵تنه پکې ټپيانې شوې وې.

01/01/2026

ننګرهار کې د رواني روغتیا کارکوونکو ته ۳ ورځنۍ روزنه ورکړل شوه.
پنجشنبه ۱۴۰۴/۱۰/۱۱

د ننګرهار عامې روغتیا ریاست سره په همغږۍ دې ولایت کې د کوارډيډ مؤسسې له لورې د ننګرهار د مرکزي روغتونونو او د ولسوالیو یو شمیر روغتیايي مرکزونو هغه کارکوونکو روغتیاپالانو ته چې د رواني روغتیا برخه کې خدمات وړاندې کوي، ۳ ورځنی روزنیر ټریننګ ورکړل شو.

د عامې روغتیا ریاست د ظرفیت لوړونې مسؤل ډاکټر حبیب الله زاخیلوال د ټریننګ پرمهال د کوارډيډ مؤسسې څخه د ټریننګ برابرولو له امله مننه وکړه، دا یې د رواني برخې کارکوونکو د ظرفیت لوړونې لپاره اړین او ګټور وباله او د داډول ټریننګونو په دوام یې ټينګار وکړ.

01/01/2026

د ننګرهار عامې روغتیا رئیس سره ختیځ کې د ملګرو ملتونو مرستندیونه ماموریت سیاسي استازولۍ (UNAMA) مشرې لیدنه ترسره کړه.
پنجشنبه ۱۴۰۴/۱۰/۱۱

د ننګرهار ولایت د عامې روغتیا رئیس الحاج مولوي امین الله شریف سره ختیځ کې د ملګرو ملتونو مرستندویه ماموریت سیاسي استازولۍ د (يوناما) مشرې کیرن لي کواټس چې پرمهال یې سیاسي مشاور نصیب مشال او د بشري حقونو مشاور هم شتون درلود، لیدنه ترسره او په یو شمیر موضوعاتو یې خبرې وکړې.

اغلې کیرن وویل: یوناما د سیاسي او بشري حقونو په برخه کې کار کوي چې د امنیت شورا له لورې ورته ډيپلوماتیکي او بشري حقونو برخو کې مسؤلیتونه ورسپارل کیږي او پرمخ یې وړي، نوموړې زیاته کړه؛ د حکومتونو او خلکو څخه معلومات ترلاسه کوو تر څو معلومه کړو، څومره امکانات شتون لري او کومو برخو کې اړتیا موجوده ده او د نړیوالې ټولنې څخه د خلکو غوښتنې څه دي.

د عامې روغتیا رئیس ښاغلي شریف د یوناما له مشرې سره ددې ولایت د روغتیا برخې اړوند فعالیتونه، لاسته راوړنې، روانې چارې او مهمې اړتیاوې شریکې کړې او هیله یې وښوده نړیواله ټولنه ورسره خپلو همکاریو ته پراختیا او دوام ورکړي.
هغه وویل: تیرو څو کلونو کې په ملیونونو افغانان بیرته هیواد ته راستانه شول، نفوس له پخوا زیات شوی، نړیوالو خپلې همکارۍ هم کمې کړي، اوسمهال خدمات زیاتې همکارۍ ته اړتیا لري، نوو او عصري وسایلو ته اړتیا ده او روغتیاپالان مو بهر کې روزنیزو پروګرامونو ته اړتیا لري.

دواړو لوریو په یادو او نورو مهمو موضوعاتو تفصیلي خبرې وکړې او د همکاریو په ترسره کولو او ښې همغږۍ ډاډ څرګند شو.

31/12/2025

ننګرهار سیمه ایز روغتون ته یوه ملي سوداګر د تلویزیوني معاینې پرمختللی ماشین ورکړ.
چهارشنبه ١٤٠٤/١٠/١٠

د ننګرهار ولایت د عامې روغتیا رئیس الحاج مولوي امین الله شریف په هڅو د شیرزادو ولسوالۍ اوسیدونکي ملي سوداګر حاجي وهاب سیمه ایز تخصصي روغتون ته په 5زره امریکایي ډالرو د تلویزیوني معاینې (Ultrasound) پرمختللی ماشین مرسته وکړه.

یاد ماشین د جاپان Toshiba کمپنۍ تولید Nemio MX پرمختللی ماشین دی، کلر ډاپلر، پاور ډاپلر د Convex او Linear دوه پروبونو درلودونکی دی چې لوړ کیفیت معاینات پرې ترسره کیږي.

د عامې روغتیا رئیس د نوموړي سوداګر د مرستې قدرداني او مننه وکړه او خوښي یې وښوده چې د روغتون لویه اړتیا ورسره پوره شوه.

31/12/2025

د ننګرهار عامې روغتیا رئیس په مشرۍ د حوزوي روغتون د عمومي جراحي وارډ سهارنی مجلس ترسره شو.
چهارشنبه ۱۴۰۴/۱۰/۱۰

د ننګرهار عامې روغتیا رئیس الحاج مولوي امین الله شریف په مشرۍ چې پرمهال یې د روغتون رئیس ډاکټر فهیم الله دلاور، د اکمال تخصص امر ډاکټر عبدالهادي چوپان عربزی او نور مسؤلین هم موجود و، د عمومي جراحي وارډ سهارنی مجلس ترسره شو.

د عامې روغتیا رئیس یاد مجلس ته چې پکې د وارډ مشر او نور کارکوونکي هم موجود و، وویل: هغه مسؤلیت چې تاسې ته سپارل شوی، په اخلاص او ایماندارۍ یې اجرا کړئ، په دنده او نوکریوالۍ کې ناغیړي مکوئ، او ناروغانو سره ښه چلند وکړئ.
د یادې څانګې مشر ډاکټر محمد سرور وویل: عمومي جراحي څانګه ۱۰۵ بسترونه لري چې په ورځني ډول تر ٧٠ پورې انتخابي او عاجل عملیاتونه پکې اجرا کیږي چې نن ورځ یې ۱۴ انتخابي عملیاتونه پلان کړي او عاجلو واقعاتو عملیاتونه هم سمدستي اجرا کوي، هغه د ښو خدماتو ډاډ ورکړ او یو شمیر غوښتنې یې شریکې کړې.

د عامې روغتیا رئیس ښاغلي شریف د یادې څانګې د مشر او نورو متخصصینو وړاندیزونه واوریدل او د حل ډاډ یې ورکړ.

31/12/2025

یونیسیف دفتر کې د HER/SAFE پروژې د تیرې ربعې د بیا کتنې مجلس ترسره شو.
چهارشنبه ۱۴۰۴/۱۰/۱۰

د ننګرهار عامې روغتیا رئیس الحاج مولوي امین الله شریف د یونیسیف په دفتر کې د HER/SAFE پروژې د تیرې ربعې د فعالیتونو په بیا کتنې مجلس کې ګډون وکړ.

نوموړي د مجلس پرمهال د یونیسیف څخه په تیرو ۲ میاشتو کې د همکاریو له امله مننه وکړه او لارښوونه یې وکړه چې ژر تطبیق کوونکې مؤسسه ننګرهار ته معرفي کړي تر څو نورې اړتیاوې چې روغتونونه او روغتیايي مرکزونه یې کمبود سره مخ دي ژر حل شي.

په یاد مجلس کې د ختیځ زون نورو ولایتونو (کونړ، لغمان او نورستان) په فعالیتونو او موضوعاتو هم خبرې وشوې او ستونزې یې مجلس کې شریکې شوې چې مسؤلینو یې د حل ډاډ ورکړ.

31/12/2025

په نشتر روغتون کې د ٨٩ د پښتورګی تيږې بريالی جراحي عمليات ترسره شوه.
چهارشنبه ۱۴۰۴/١٠/١٠

یو ٣٠ کلن ناروغ چې د ننګرهار ولایت د شینوارو ولسوالۍ اوسېدونکی دی، د نشتر د پښتورګو درملنې ملي روغتون ته د پښتورګې د شدید درد له امله مراجعه کړې وه.

د طبي معایناتو او ټسټونو له مخې، څرګنده شوه چې د ناروغ په چپ پښتورګې کې ٨٩ کوچنۍ تیږې شتون لري، چې د ناروغ روغتیايي وضعیت یې د خطر سره مخ کړی و.

د یاد روغتون د یورولوژي جراحي متخصصینو او ژمن جراحي ټیم له‌خوا د ناروغ عملیات په بریالیتوب سره ترسره شو. عملیات په پوره دقت، مهارت او عاجل ډول ترسره شو او د عملیاتو وروسته د ناروغ روغتیايي وضعیت د ډاډ وړ بلل شوی دی.

د نشتر د پښتورګو درملنې ملي روغتون مسؤل ډاکټر ذبيح رؤفي وايې:
یاد روغتون د پرمختللو وسایلو او مسلکي ډاکترانو په لرلو سره د پښتورګو د ناروغیو د تشخیص او درملنې په برخه کې د پام وړ لاسته راوړنې لري.

30/12/2025

ننګرهار حوزوي روغتون ته ټول اړین درمل او مصرفي مواد رسیدلي.
سه شنبه ۱۴۰۴/۱۰/۰۹

د ننګرهار عامې روغتیا رئیس الحاج مولوي امین الله شریف چې د سیمه ایز روغتون رئیس ډاکټر فهیم الله دلاور او د تطبیق کوونکې ادارې استازي ډاکټر مصطفی کاظم یې مله و، د روغتون د درملو عمومي زیرمتون څخه لیدنه وکړه.
ښاغلي کاظمي وویل: د یوې ربعې ټول درمل او مصرفي مواد روغتون ته رسیدلي او هرې څانګې ته یې د اړتیا مطابق سپارلي، هغه ډاډ ورکړ چې نور درمل به هم ژر ورسيږي.

د عامې روغتیا رئیس وویل: حوزوي روغتون کې اړتیا زیاته ده، ټول درمل او مصرفي مواد باید موجود وي او هرې څانګې ته پروخت ورکړل شي.

30/12/2025

د ننګرهار عامې روغتیا رئیس په مشرۍ د سیمه ایز روغتون کوچنیانو څانګې سهارنی مجلس ترسره شو.
سه شنبه ۱۴۰۴/۱۰/۰۹

د ننګرهار ولایت د عامې روغتیا رئیس الحاج مولوي امین الله شریف په مشرۍ د سیمه ایز روغتون د کوچنیانو څانګې سهارنی مجلس ترسره شو چې پکې د روغتون رئیس ډاکټر فهیم الله دلاور، د تطبیق کوونکې ادارې استازي ډاکټر مصطفی کاظم، د کوچنیانو څانګې مشر ډاکټر واحدالله حبیبي او نورو کارکوونکو حضور درلود.

د عامې روغتیا رئیس ښاغلي شریف د یادې څانګې ټولو کارکوونکو (استادانو، متخصصینو، ټریني ډاکټرانو او نرسانو) ته لارښوونه وکړه چې ناروغانو ته غوره خدمات وړاندې کړي، دنده او نوکریوالي په سمه توګه ادا کړي.

دغه راز یې د یادې څانګې اړتیاوې او وړاندیزونه واوریدل او د یونیسیف استازي ته یې د اجراتو ترسره کولو لارښوونه وکړه چې د حل په موخه یې اجرات ترسره او اړتیاوې یې ورپوره کړې.
دغه راز د عامې روغتیا رئیس د روغتون په داخل کې د ناروغانو د پیوازانو غوښتنې او وړاندیزونه واوریدل او د حل ډاډ یې ورکړ.

30/12/2025

په حصارک ولسوالۍ کې د مهاجرت نړیوال سازمان د روغتیایي مرکز د خدماتو څخه څارنه ترسره شوه.
سه شنبه ١٤٠٤/١٠/٠٩

د ننګرهار عامې روغتیا ریاست د حصارک ولسوالۍ د روغتیا مسول ډاکټر میا بشیر احمد احمدي چې د دعوت او ارشاد مسؤل مولوي محمد ایاز فیاض هم ورسره و په یاده ولسوالۍ کې د مهاجرت نړیوال سازمان د روغتیایي مرکز د خدماتو څخه څارنه ترسره کړه.

نوموړو مسؤلینو د څارنې په ترڅ کې د روغتیايي مرکز مختلفې برخې ولیدې، اړونده برخو کې یې نیمګړتیاوې معلومې او کارکوونکو ته یې د نیمګړتیاوو د حل لارښوونه وکړه.
او د ستونزو د حل په برخه کې یې د همکارۍ ډاډ ورکړ.

30/12/2025

د ننګرهار عامې روغتیا رئیس د شینوارو ولسوالۍ د غني خیلو روغتون د شپې نوکریوالۍ خدماتو وڅارل.
سه شنبه ۱۴۰۴/۱۰/۰٩

د ننګرهار عامې روغتیا رئیس الحاج مولوي امین الله شریف چې د تطبیق کوونکې ادارې استازی ډاکټر مصطفی کاظم، د سرطان روغتون امر ډاکټر میرویس شاهین، د شینوارو ولسوالۍ د روغتیا مسؤل ډاکټر زینت الله ځیرک هم ورسره و، د شینوارو غني خیلو روغتون د شپې نوکریوالۍ خدمات وڅارل.

نوموړي د یادو مسؤلینو په ملتیا د روغتون مختلفې برخې له نژدې وکتلې، چارې او خدمات یې وارزول، نیمګړتیاوې یې مشخصې او کارکوونکو ته یې د حل لارښوونه وکړه.
هغه دغه راز د روغتون اړتیاوې مشخصې او د یونیسیف استازي سره یې د حل په موخه شریکې کړې چې د نوموړي له لورې د ژر اجراتو ډاډ ورکړل شو.

30/12/2025

د ننګرهار نازیانو ولسوالي په ازاده فضا کې د رفع حاجت کولو او حفظ الصحې له نظره پاکه اعلان شوه.
سه شنبه ۱۴۰۴/۱۰/۰٩

د ننګرهار عامې روغتیا ریاست له لورې د ننګرهار ۱۲مه ولسوالي نازیان هم په ازاده فضا کې د رفع حاجت کولو او حفظ الصحې له نظره رسماً پاکه اعلان شوه.

د عامې روغتیا رئیس الحاج مولوي امین الله شریف چې پرمهال یې د عامې روغتیا وزارت استازي، یونیسیف او د (CLTS) پروګرام مسؤلین هم موجود و، په همدې موخه جوړې شوې غونډې ته وینا وکړه، هغه خوښي څرګنده کړه چې دا ولسوالي پاکه اعلانیږي چې ورسره به د ناروغیو کچه راکمه شي، د سیمې اوسیدونکو ته یې لارښوونه وکړه چې خپلې سیمې پاکې وساتي او مخکې له دې چې ناروغه شي د وقايې لارې عملي کړي.

غونډه کې نورو مسؤلینو هم ویناوې وکړې او د حفظ الصحې پر اهمیت او په اسلام کې یې په رول خبرې وکړې دغه راز یې دې برخه کې د عامې روغتیا ریاست او یونیسیف څخه د همکارۍ مننې هم وکړې.

Nangarhar Public Health Directorate

03/01/2026

01/01/2026

01/01/2026

31/12/2025

31/12/2025

31/12/2025

31/12/2025

30/12/2025

30/12/2025

30/12/2025

30/12/2025

30/12/2025

Address

Opening Hours

Website

Alerts

Shortcuts

Share

Category

Monday	08:00 - 16:00
Tuesday	08:00 - 16:00
Wednesday	08:00 - 16:00
Thursday	08:00 - 13:00
Saturday	08:00 - 16:00
Sunday	08:00 - 16:00