25/09/2025
شنبه، د ننګرهار په ۱۷ ولسوالیو کې د پولیو د ٢ ډوله واکسینو د تطبیق کمپاین پيلیږي.
پنجشنبه ۱۴۰۴/۰۷/۰۳
د ننګرهار عامې روغتیا رئیس الحاج مولوي امین الله شریف، او د عامې روغتیا وزارت د پولیو لمنځه وړلو بیړني عملیاتي مرکز رئیس ډاکټر عبدالقدوس بریالي له لورې چې پرمهال یې د یو شمیر ام،ارتي ادارو استازي او د یونیسیف او روغتیا نړیوال سازمان د پولیو د برخې مسؤلین هم موجود و، ددې ولایت په ۱۷ ولسوالیو کې د پولیو د دوه ډوله واکسینو کمپاین پرانیسته وکړه.
د عامې روغتیا رئیس د پرانیستې په پرمهال وویل: دا کمپاین به د میزان په ۵مه د شنبې ورځ پيل شي چې د اونۍ ترپای به دوام وکړي، هغه د کمپاین د تطبیق لپاره د ټولو اماده ګیو یادونه هم وکړه او په ولسونو یې غږ وکړ چې د ۵ کالو کم عمره ماشومانو ته واکسین تطبیق کړي.
دغه راز د کتلوي معافیت مسؤل ډاکټر حکم خان ګلابزي وویل: ددې کمپاین په ترڅ کې به دوه ډوله واکسین چې یو یې زرقي او بل یې د خولې له لارې دي، تطبیق شي، هغه زیاته کړه، زرقي او د خولې واکسین دواړه به د ۴ میاشتو څخه تر ۵ کلنۍ پورې ماشومانو ته او د خولې واکسین به ټولو د ۵ کالو کم عمره ماشومانو ته تطبیق شي.
