ننګرهار طب پوهنځی - nangarhar medical faculty

18/10/2025

انا لله و انا الیه راجعون

د پکتیکا د ارګون ولسوالۍ د هغو اتلو لوبغاړو د شـ.هادت خبر راته خورا دردوونکی و، چې د کرکټ له یوې دوستانه لوبې وروسته د پاکستاني پوځي رژیم د بې رحمانه برید ښکار شول.

دا پېښه یوازې د پکتیکا نه، بلکې د ټول افغانستان د کرکټ کورنۍ او ملت لپاره ستر غم دی.
زه د دغو معصومو لوبغاړو کورنیو، خپلو دوستانو او د پکتیکا خلکو ته د زړه له کومي تسلیت وایم.

الله (ج) دې ټولو شـ.هیدانو ته فردوس جنتونه، او ټپیانو ته عاجله شفا ورپه برخه کړي.
موږ به د دوی یاد او قرباني هېڅکله هېر نه کړو.

05/09/2025

موږ د خپلو خویندو او هیوادالو په چوپړ کې یو …

#خویندو ته نور د اجازه ورکړۍ😭🙏

24/07/2025

د حمل لرونکو خویندو لپاره توصیه !

20/07/2025

د کانکور په عمومي ازموینه کې د هیواد په کچه لومړې څلور مقامونه د کابل ولایت او پنځم مقام لرونکې د ننګرهار دی.

واکمن د امیر الله زوی د ننګرهار ولایت د خوږیاڼیو سورډاک لیسی زده کونکی چې د هیواد په کڅه یې 353.28307 نمرو په ترلاسه کولو سره ننګرهار طب پوهنځي ته لار پیدا او ننګرهار ته یې د دوهم مقام ویاړ ور وبخښلو.

یعنې د هیواد په کچه ننګرهار د مرکز کابل پسی دوهم مقام ترلاسه کړی .

13/05/2025

ډاکتر فرهاد اول خيل څوک دی ؟

ایا تاسې د هیواد نامتو او برجسته د ارتوپیدي متخصص پوهنمل ډاکتر فرهاد اول خیل پیژنۍ ؟

پوهنمل ډاکتر فرهاد اول خېل د ننګرهار د طب پوهنځي استاد او د ارتوپیدي برخې د پوهنتون شفاخانه برجسته غړي دی، استاد اول خیل د طب په برخه کې یو پراخه تجربه لرونکی، مسلکي او ژمن شخصیت دی چې د جراحي او ارتوپیدي په برخو کې د نوښتګرو او پرمختللو طریقو پیرو دی.
متخصيص اول خېل د طب د علمي چارو په پراختیا کې هم ژمن دی او د پوهنتون په تدریسي او څېړنیزو چارو کې فعال رول لري. هغه د محصلینو لپاره د غوره تدریس او د علمي څېړنو د پرمختګ په لور کار کوي، ترڅو هغوی د طب په معیاري تعلیماتو او عملي تجربو سره مجهز شي. همچنان، د هغه د علمي هڅو او ابتکاري طریقه کارۍ له مخې د طب په برخه کې د تازه علمي پرمختګونو او تخصصي پروګرامونو تطبیق ته هم توجه ورکړل شوې ده.

د ډاکتر فرهاد اول خېل مسلکي ژمنتیا او د نورو سره د همکارۍ روحیه نه یوازې د محصلینو لپاره الهام‌بښونکې ده، بلکې د معیاري روغتیايي خدماتو د وړاندې کولو او د طب پوهنځي د روغتیايي سیستم د پیاوړتیا لپاره هم اغېزمنه ده. د هغه له لارې د ارتوپیدي په برخو کې د نوو ټیکنالوژیو او طریقو معرفي کول د هېواد په روغتیايي نظام کې مهم بدلونونه راولي.

د هغه د علمي او مسلکي حضور په مرسته، د ننګرهار په تدريسي روغتون کې د روغتیايي خدماتو په سطحه نوې هڅې روانې دي، چې د خپلو مسلکي وړتیاو له لارې د هېواد په ټولنیزو او روغتیايي چارو کې ښه والی او پرمختګ راوستل شي.
ډاکتر فرهاد اول خېل د ارتو سکوپي او ارتو پلاستي فیلډ کې هم فعال دی او په کابل کې د دې برخو په اړه کار کوي.
د استاد فرهاد اول خیل د لا پرمختګ او بریا په هیله .

29/01/2025

27/01/2025

د ننګرهار پوهنتون طب پوهنځي ۱۱۰ تنه مسلکي کادرونه فارغ او ټولنې ته د خدمت په موخه وړاندې کړل."

25/01/2025

دننګرهار طب پوهنځی د 54 دورې یو تن فارغ داکتر طارق عزیز نیکزاد د DHA(Dubai Health Authority) په آزموینه کې بریالی شوی دی. 'دطب پوهنځي فارغان نه یواځې د هېواد دننه بلکه د نړۍ په ګوټ ګوټ کې په نړیوالو آزموینو کې سترې لاسته راوړنې لري 'نوموړې بریا دې داکتر صاحب او د افغانستان ټولې اکاډمیکې کورنۍ ته مبارک وي.
په درنښت!

11/08/2024

د ننګر هار طب پوهنځي پخوانی استاد پوهاند ډاکتر سرن سنگهـ موتیزاده د ور پېښې ناروغۍ له امله په لندن کې مړ شوی.
هغه د ننګرهار طب پوهنځي روغتون د سرطبيب په حيث هم خدمت کړی وو.

14/03/2024

دننګرهار پوهنتون -طب پوهنځي د 55 دوري یوتن فارغ داکتر فیصل امیري د USMLE step -Iازموینه کې بریالی شویدی 'دطب پوهنځي فارغان نه یواځي دهېواد دننه بلکه دنړۍ په ګوټ ګوټ کې په نړیوالو ازموینو کې ستري لاسته راوړني لری'نوموړی بریا دې داکتر صیب او دافغانستان ټولي اکادمیکې کورنۍ ته مبارک وي.په درنښت

12/01/2024

ننګرهار پوهنتون –طب پوهنځې کې د ۶۷ تنو ستاژر محصلینو له لوري دترسره شويو څېړنو څخه دفاع او Poster presentations وړاندی او پایلې د اړونده ادارو سره شريکې شوې.
نېټه : ۱۸/۱۰/۱۴۰۲
دا چې طب پوهنځی د خپل لید لوری او ماموریت په پام کې نیولو سره او د لوړو زده کړو وزرات د موخو د تعقیب په ترڅ کې او دتضمین کیفيت د معیارونو دبشپړولو او ستراتيژيکو لومړیتوبونو ته درسیدنی لپاره د څېړنې په برخه کې بیلابیلی علمي برنامي مخته وړي.
چې په ترڅ کې دروان تعلیمي کال ۱۴۰۲ د جدی میاشتی په ۱۸ نېټه دطب پوهنځې د غونډو په تالار کې د محصلينو له لوری دترسره شويو څېړنو پایلې د ګډونوالو او اړونده ادارو سره شریکې کړې .
په غونډه کې د طب پوهنځي بیلابیلو څانګو امرینو ، استادانو،دمحصلینو لارښود استادانو ، دننګرهار پوهتنون دمحصلانو چارو مرستيال پوهنیار سید قاسم هاشمي ، د خصوصی لوړو زده کړو موسسو استازو ، دعامی روغتيا په برخه کې کار کونکو ادارو او مسولینو، د فاطمة الزهرا ولايتې روغتون امرصیب داکتر فضل الله سیرت ، په ننګرهار کې د داکترانو دتحادې رئيس داکتر محمد واقف نيازی ، په ختيځ کې د افغانستان دطبي شورا امر داکتر عبدالمتين جلیلي ، د سپین غر لوړو زده کړو موسسي علمی چارو مرستيال اينجنر محمد مخلص بهسودي او ديا علمي بنسټ دبیلابیلو څانګو امرینو، د معتادینو روغتون امر داکتر محمد سمین ستانکزي د وترنري علومو پوهنځې رئيس پوهنمل دوکتور محمد یونس وزیري ، د پوهنتون د تحقیقاتو او PDC امر او د وترنری علومو پوهنځي استاد پوهنوال داکتر محمد بایر درمل ، د طب پوهنځې د دعوت ارشاد کمېټی مشر پوهاند دوکتور حبیب الله مولوی زاده او دعلم مينه والو ګډون کړي وه .
غونډه دیو تن استاد پوهنیار دوکتور محمد قیس نبی زاده له لوری د قرانکريم په تلاوت سره پيل شوه ، ورپسی دطب پوهنځي مرستيال پوهنوال دکتور محب الله خان شینواري صیب د غونډ دمحتوا په اړه معلومات دغونډی برخوالو ته وړاندې کړل ، دغونډي بل ویناوال د پوهنتون د محصلانو چارو مرستيال پوهنیار سید قاسم هاشمي د تحقیق په اهميت ، اخلاص ، سپيڅلتيا باندی بحث وکړ او څېړونکې محصلین ېي خپلو مسولیتونو ته متوجه کړل او نورو پرمختګونو ته وهڅول او پدی یادی عملی برنامي خوښي وښوده .
دغونډي بل ویناوال دطب پوهنځې رئيس پوهنوال دکتور محمد عظيم عظيمي وه ، چې دغونډی ګډونوالوته ېي د ښه راغلاست ويلو تر څنګ د غونډي په محتوا ، راتلونکې پلانونو او څېړنې پر اهميت رڼا واچوله .
په تېر ۲۰۲۲ میلادی کال کې د ننګرهار پوهنتون –طب پوهنځې د استادانو پر مټ ۱۵۰ تنه محصلینو او استادانو ته د Research methodology Training دولس ورځينی پروګرام تطبیق شوي وه ، چې يادو محصلینو د طب پوهنځې د استادانو تر لارښونې لاندی په بیلابیلو برخو کې څېړنې ترسره کړيدی ، چې تاسې ېي نن پایلی ګوري .
په ۲۰۲۳ کال کې مو د ۹۰ تنه محصلینو ته یاد تریننګ زمينه برابره کړه ، چې اوس نوموړی محصلین په ستاژ ( عملی زده کړو ) او څېړنو بوخت دي.
له ټولو هغه همکارانو څخه چې د روزنيزنو پروګرامونو په تنظيم کې له مونږ سره مرسته کړېده ورڅخه مننه وکړه ، په ځانګړی ډول داکتر عبدالغنی ابراهيمی ، داکتر شمس الله مومند او ختيځ کې د WHO د مسول داکتر عبدالمتين سهاک څخه چې زمونږ ددی برنامو ملاتړېي کړیدي .
هغه استادانو چې ياد تریننګونه ېي مخته وړيدي ، دهغوې څخه هم ستاينه او قدردانې وشو ، چې پدوې کې پوهنمل دوکتور عبدالغفار شیرزاد ، پوهنمل داکتر عبدالله جان شینواری ، پوهنمل دوکتور صداقت مومند ، پوهندوی دوکتور محمد هارون رحيمي او پوهندوی علی جان عادل چې محصلینو سره د تحقیق کړندود په نظري او عملي زده کړو کې همکاری او مرسته کړيده، ددی علمی برنامې تنظيم کونکې دطب پوهنخې فرهنګې کمېټه ده ، دنوموړی کمېټي له مشر پوهنمل داکتر توریالی احساس او کمېټي له ټولو غړو او دڅېړنې دکمېټی د مشر پوهاند دوکتور سیف الله هادی او يادی کمېټې له ټولو غړو څخه دطب پوهنځې ادارې په استازيتوب مننه وکړه .
دغونډي دويمه برخه کې د محصلینو له لوری ترتیب شوي Presentations چې ګډونوالو سره شریک شول ، ياد پريزینټيشنونه په دوه ژبور وړاندی شو، يوتن ستاژر داکتر میوند کوچي په انګليسی ، دوه تنو ستاژر داکترانو هريو عبدالولی ناصري او داکتر وحيدالله رحمتزي په پښتو ژبه وړاندی کړل ، د ګډونوالو له مثبت ا وعالی و ارزول شو، دغونډي په بله برخه کې د دپوسټرونو وړاندی کول ، د ګډونوالو له لوری د پټي په پريکولو سره پرانستل شو ، هریو محصل د لارښود استاد په شتون کې دخپلو ترسره شويو علمې څېړنو په هکله معلومات او توضيحات وړاندې کړل ، باید یادونه تری وکړو چې يادې څېړني د هېواد په بیلابیولو ولایتونو ، سيمو، روغتونونو او يوشمېر يی په کوزره پښتونخواه کې هم ترسره شوي وي.
دطب پوهنځي فرهنګې کمېټه

08/01/2024

هند:
د علیګړ پوهنتون پوهاند اسدالله خان تر لس کلنو څیړنو وروسته د شکرې ناروغاتو د پښو ژورو زخمونو یا السر درملنه وموندله.
د دغې درملنې نوم فوټوډاینامیک تهراپي دی چې د ځانګړې مایع او لیزر په مرسته د شکرې د زخمونو درملنه کوي.