ډاکتر حامد شير شينواري د حاجي شیر شینوراي زوي د ننګرهار ولايت د هسکه ميني ولسوالي د لالا قلعه اصلی اوسيدونکي دي چي د نوموړي ولايت په مرکز جلال اباد ښار څلورمه ناحيه کي په 1367 هجري شمسی کال د دلوي په 12 نيټي د الحاج ګلبرخان په يوي دینداره او علمي کورني کي نړي ته سترګي پرانستلي، نوموړي خپلي لمړي زده کړي په 1374 هجري شمسی کال کي د نصرت متوسطه ښوونځي کی پيل کړي تر ابتدايه دوري پوري همدي ښوونځي کي
پاتي شو ، متوسطه دوره يي د شهید محمد عارف ليسی بشپړه کړه او په 1385 هجری شمسی کال کي د ننګرهار عالي ليسی څخه په عالی درجه فارغ شو.
ډاکتر شیرشینواري په 1386 کانکور کلنی ازمويني له لاري د خوست شیخ زاهد پوهنتون طب پوهنځي ته بریالی شو چي په دي پوهنتون کي د یوکال محصلی دوري تیرولو وروسته د قانوني پړاونو طي کولو وروسته د ننګرهار پوهنتون طب پوهنځي ته يي تبديلي وکړه او په 1393 هجري شمسی کال د لیسانس په سويه د نوموړي پوهنځي څخه فارغ شو.
د فراغت وروسته يي د هيواد لیری پرتو سیمو کی د روغتیايي په برخه کي د معالج ډاکتر په صفت دنده ترسره کړه او په 1394 هجری شمسی کال يي د ننګرهارولایت په روښان لوړوزده کړو مؤسسه کي د کادری غړي په ډول د فزیولوژي ډيپارتمنت کي تدریس شروع کړو. په 1395 کال کي د اکمال تخصص ازمويني له لاري د کابل جمهوریت تخصصی روغتون عصبي جراحی څانګي ته بریالی او 1399 کال یی د تخصص دوره بشپړه شوه، همدا رنګه د ترینګ پرمهال د لاښه خدمت او ظرفیت لوړولو په منظور د همسایه او سیمو هیوادونو کی د عصبی جراحی لندمهاله ترینګونه هم اخستی چی دیری پروسیجرونه یی په افغانستان کی لومړی ځل لپاره ترسره کړی دی. داکتر صیب شینواری د عصبی جراحی نړیوال ټولنی کلنی کنفرانس کی په لومړی ځل د افغانستان استازیتوب ویاړ او خپلی ترسره شوی څیړنی د نړیوالو سره شریکولو ویاړ هم د ځان سره لری. چی اوسمهال د ننګرهار ولایت په داودزی معالجوی روغتون کی د عصبی جراحی متخصص په صفت د هیوادوالو په خدمت کی دی.
د یادونی وړ ده چی داکترحامد شیر شینواری د عصبی جراحی ټرینیګ دوری کی د اته سوو څخه زیاتو عملیاتونه ترسره کړی چی د الله ج په فضل او کرم زیات شمیر یی بریالی او ناروغان بیرته خپل عادی ژوند ته راګرځیدلی.
د ډاکتر حامد شیر شینواری ليکل شوی طبي اثار:
د تنفسی سیستم اناتومی او فزیولوژي
د زړه او رګونو اناتومی او فزیولوژي (ناچاپ)
اسلام او زړه او زړه او رګونو سیستم (ژباړه) (ناچاپ)
شینواري عصبی جراحی کتاب
ګرین برګ عصبی جراحی کتاب (ژباړه)
