روښان معالجوي طب پوهنځی ننګرهار

12/04/2026

د روښان پنځوس بستریز تخصصي روغتون وړیا خدمات و تخفیفونه!

۱ ـ د ډاکترانو د کتنې یا opd فیس د سهار له ۸ تر ۱۲ بجو پورې وړیا.
۲ ـ په ټولو تشخیصیه برخو کې
۴۰% تخفیف
۳ ـ په بستر کې ۵۰% تخفیف
۴ ـ او په نورو ټولو برخو کې ځانګړي تخفیفونه.

ستاسو روغتیا، زموږ لومړیتوب دی
د اړیکو شمېره:
0779585858 - 0202002000

پته: کابل ـ جلال اباد عمومي سړک، د صحت عامې مسجد ته مخامخ.

12/04/2026

چاپېریال زموږ د ژوند بنسټ دی. که هوا ککړه وي، اوبه ناپاکې وي او ځمکه له کثافاتو ډکه وي، زموږ روغتیا له جدي ګواښ سره مخ کېږي.
راځئ، چې هر یو د خپل کور، کوڅې او ښار پاک ساتلو لپاره مسؤلیت واخلو.
کثافات باید په ټاکلو ځایونو کې واچوو او نورو ته هم د پاکوالي پیغام ورسوو.

09/04/2026

د ختیځ زون ولسونو ته غوره زیری!

روښان پنځوس بستریز تخصصي روغتون د خپل اصلي مالک له لوري د دوهم ځل لپاره بیا په فعالیت پیل کړی، د روښان روغتون مخکنیو قراردادیانو د نیمګړتیاوو، سرغړونو او د قانوني چوکاټ د نه مراعتولو پر اساس، د عامې روغتیا محترم وزیر په حکم یاد روغتون وتړل شو.
د تجارتي محکمې د پریکړې په اساس اوس خوشبختانه روښان روغتون بېرته خپل اصلي مالک ته وسپارل شو.

دا روغتون چې مخکې یې د شل بستریز په کچه فعالیت درلود، اوس د پراختیا او پرمختګ په ترڅ کې ۵۰ بستریز ته لوړ شوی، تر څو وکولای شي د لا زیاتو ناروغانو لپاره په معیاري او عصري بڼه روغتیايي خدمات وړاندې کړي.
روښان تخصصي روغتون د نوې ټکنالوژۍ او پرمختللو طبي وسایلو پر مټ، د مجربو او متخصصو ډاکټرانو تر څارنې لاندې په دغو څانګو کې خدمات وړاندې کوي:

۱ ـ عمومي داخله څانګه
۲ ـ د کوچنیانو داخله څانګه
۳ ـ عمومي جراحي څانګه
۴ ـ عصبي جراحي څانګه
۵ ـ نسايي ولادي څانګه
۶ ـ ارتوپیدي څانګه
۷ ـ د غوږ، پزې او ستوني (ENT) څانګه
۸ ـ جلدي څانګه
۹ ـ سترګو څانګه
۱۰ ـ غاښونو څانګه
۱۱ ـ الټراساونډ څانګه
۱۲ ـ ایکسری څانګه
۱۳ ـ فیزیوتراپي څانګه
‏CT Scan - ۱۴ (سټي سکن)
او هیموډیالیز څانګه

د یادونې وړ ده، چې روښان پنځوس بستریز تخصصي روغتون په دغو برخو ځانګړي تخفیفونه کوي.

۱ ـ د ډاکترانو د کتنې یا OPD فیس د سهار له ۸ تر ۱۲ بجو پورې وړیا.
۲ ـ په ټولو تشخیصیه برخو کې
۴۰% تخفیف
۳ ـ په بستر کې ۵۰% تخفیف
۴ ـ او په نورو ټولو برخو کې ځانګړي تخفیفونه.

ستاسو روغتیا، زموږ لومړیتوب دی
د اړیکو شمېره:
+93 779 58 58 58

پته: کابل ـ جلال اباد عمومي سړک، د صحت عامې مسجد ته مخامخ.

09/04/2026

خبرتیا!

د روښان پوهنتون د فارغو محصلینو د پام وړ!

۱- د استازي له لارې د اسنادو ترلاسه کول:
هغه محصلین، چې د ځینو ستونزو له امله نشي کولی خپل تحصیلي اسناد په حضوري ډول ترلاسه کړي او غواړي د بل شخص له لارې یې واخلي اړ دی، چې لاندې معلومات د پوهنتون ایمیل ادرس ته واستوي:
* خپل بشپړ شهرت
* اړوند اسناد
* ایمیل ادرس ته د اسنادو لیږلو د تایید ویډیو
* د هغه شخص بشپړه پېژندنه، چې اسناد تر لاسه کوي.
۲- له هېواده بهر فارغانو لپاره:
هغه فارغان، چې له هېواده څخه بهر ژوند کوي او غواړي خپل اسناد ترلاسه کړي، باید لاندې معلومات د پوهنتون ایمیل ته واستوي:
* خپل بشپړ شهرت
* ایمیل ادرس ته د اسنادو لیږلو د تایید ویډیو
* د اوسېدو ښار د پوست خانې پته.
یادونه: د اسنادو د لېږلو ټول مصارف به د غوښتونکي پر غاړه وي.

ایمیل ادرس:
info@rokhan.edu.af

نشراتو آمریت

08/04/2026

هغه څوک چې نشه کوي، نه یوازې خپل ځان له منځه وړي، بلکې د خپلې کورنۍ هیلې او ارمانونه هم له خاورو سره خاورې کوي.
که موږ غواړو یوه سالمه او پرمختللې ټولنه ولرو؛ نو باید د نشه‌یي توکو پر وړاندې په ګډه مبارزه وکړو.

06/04/2026

د روښان پوهنتون او افغان جیم ټو کلب ترمنځ د ګډو همکاریو هوکړه لیک لاسلیک شو!

۱۶ / حمل / ۱۴۰۵ هـ.ش

د روښان پوهنتون او افغان جیم ټو کلب ترمنځ د ګډو همکاریو هوکړه لیک د یوې غونډې په ترڅ کې لاسلیک شو. دغه غونډه د قرآن کریم د څو مبارکو آیتونو په تلاوت سره پیل شوه.
ورپسې، د روښان پوهنتون د محصلانو چارو مرستیال، ښاغلي حضرت بلال ظریفي د پیل وینا وړاندې کړه. نوموړي په خپلو خبرو کې د دواړو بنسټونو ترمنځ د ګډو همکاریو پر اهمیت ټینګار وکړ او ویې ویل چې دا ډول هوکړه لیکونه کولی شي د محصلینو په ورزشي او فزیکي روغتیا برخه کې اغېزمن رول ولوبوي.
وروسته، د افغان جیم ټو کلب مسؤل ښاغلي صفت الله حمیدي هم وینا وکړه، نوموړي په خپلو خبرو کې ژمنه وکړه، چې د هوکړې له مخې به خپلې ټولې ژمنې په بشپړه توګه عملي کوي او د ورزش په برخه کې به د محصلینو لپاره لازمې اسانتیاوې برابرې کړي. د هوکړه لیک له مخې د روښان پوهنتون محصلینو ته د افغان جیم ټو کلب لخوا به په فیس کې %۵۰ تخفیف کېږي.
د یادونې وړ ده، چې دغه هوکړه لیک د روښان پوهنتون د سپورټ کمېټې مسؤل، رئیس خان دانش او د افغان جیم ټو کلب مسؤل صفت الله حمیدي له لوري لاسلیک شو، چې له مخې به یې دواړه لوري په ګډه د محصلینو ورزشي فعالیتونو د پیاوړتیا لپاره کار وکړي.

نشراتو آمریت

02/04/2026

د ۱۴۰۴ هـ.ش کال خزاني سمستر د ممتازو محصلینو ستاینغونډه تر سره شوه!

۱۲/ حمل /۱۴۰۵ هـ.ش

د ۱۴۰۴ هـ.ش کال خزاني سمستر د ممتازو محصلینو ستاینغونډه ترسره شوه.
غونډه د قرآن کریم د څو مبارکو آیتونو په تلاوت سره پیل شوه.
وروسته د پوهنتون د علمي چارو مرستیال، پوهنیار حبیب الرحمن سربلند د پرانیستې وینا وکړه، نوموړي په خپلو خبرو کې ګډونوالو ته له ښه راغلاست ویلو وروسته د ممتازو محصلینو هڅې، زحمتونه او لاسته راوړنې وستایلې. هغه ټینګار وکړ چې دا ډول ستاینغونډې د محصلینو د لا هڅونې او علمي پرمختګ لپاره مهم رول لري او له نورو محصلینو یې هم وغوښتل، چې له ممتازو محصلینو څخه الهام واخلي او د بریالیتوب په لور هڅې وکړي.
ورپسې د پوهنتون د ارشاد او دعوت آمر، مولوي عبدالحق درویش وینا وکړه، نوموړي د علم پر ارزښت، د محصلینو پر مسؤلیتونو یې خبرې وکړي همدا راز یې محصلین وهڅول چې د علم تر څنګ اخلاقي ارزښتونو ته هم پاملرنه وکړي.
د غونډې په وروستۍ برخه کې ممتازو محصلینو ته د هغوی د ښو تحصیلي پایلو، نه ستړې کېدونکو هڅو او زیار په درناوي ستاینلیکونه ورکړل شول.
غونډه په دعا سره پای ته ورسیده.

نشراتو آمریت

16/10/2025

د معالجوي طب پوهنځي د کلینیک پاراکلینیک او اساسی ساینس دیپارتمنټونو دمحصلینو تر منځ رقابتي سیالي ترسره شوه!
23/ میزان /1404 هـ ش
روښان پوهنتون د معالجوي طب پوهنځي کلینیک پاراکلینیک او اساسی ساینس دیپارتمنټونو د محصلینو تر منځ رقابتي سیالي ترسره شوه. په دې سیالۍ کې د طب پوهنځي د کلینیک پاراکلینیک او اساسی ساینس دیپارتمنټونو محصلینو ګډون درلود.
د غونډې په پیل کې د قرآنکریم څو مبارک ایتونه تلاوت شول، د پرانیستې وینا د طب پوهنځی مرستیال دوکتور شاهنشاه محبوب له خوا وشوه. هغه د خپلو خبرو په ترڅ کې د دغه شان علمي او رقابتي پروګرامونو ارزښت روښانه کړ او د محصلینو د زیار او هڅو ستاینه یې وکړه. محبوب زیاته کړه، چې دا ډول سیالۍ نه یوازې د محصلینو علمي پوهه لوړوي، بلکې هغوی ته د خپل مسلک په برخه کې د لا پرمختګ او نوښت موقع هم برابروي. یاده سیالي په دوه پړاوونو کې ترسره شوه، چې لومړې پړاو کې د ټاکل شوي ژوري هیئت له لوری له محصلینو څخه پوښتنی وشوی او بیا په دوهم پړاو کې د ژوري هئیت له لورې د نتایجو کتنه او ارزونه ترسره شوه چې د هر ګروپ لپاره پنځه تنه ممتاز محصلین اعلان شول، په پای کې ممتازو محصلینو ته د هغوی د زیارونو او هڅو د قدردانۍ په موخه ډالۍ ورکړل شول.

07/10/2025

د میزان میاشتې علمي شورا دایره شوه!

۱۵/ میزان/ ۱۴۰۴ هـ ش

د روښان پوهنتون د معالجوي طب پوهنځي د رئیس ښاغلي متخصص ډاکټر خیبر اقبال ساپي په مشرۍ، د میزان میاشتې علمي شورا دایره شوه.
غونډه د قرآن کریم د څو مبارکو آیتونو په تلاوت سره پیل شوه. وروسته، د یاد پوهنځي رئیس ښاغلي متخصص ډاکټر خیبر اقبال ساپي د پیل وینا وکړه، نوموړي د ګډې همغږۍ، کیفیت لوړونې په اړه عمومي سپارښتنې وکړې.
له اجنډا سره سم د پوهنځي اړوند بېلابېلو موضوعاتو بحث وشو. د شورا غړو خپل نظریات، وړاندیزونه او مشورې شریکې کړې، او د رایو په یووالي لازمې پرېکړې وشوې.
د غونډې په وروستۍ برخه کې د ۱۴۰۳ هـ ش کال ممتاز اداري کارکوونکي وستایل شول.
یاده علمي ناسته په دعا سره پای ته ورسېده.

28/08/2025

د روښان پوهنتون معالجوي طب پوهنځي د پارا کلينيک او اساسي ساينس ديپارټمنتونو استادانو غونډه تر سره شوه!

نېټه: ۱۴۰۴/۶/۶هـ ش

د روښان پوهنتون د معالجوي طب پوهنځي د پارا کلينيک او اساسي ساينس ديپارټمنتونو استادانو غونډه د پوهنځي د مرستیال، دوکتور شاهنشاه محبوب، په مشرۍ ترسره شوه. غونډه د قرآن کریم د څو مبارکو آیتونو په تلاوت سره پيل شوه، ورپسې ښاغلي محبوب د پیل وینا پر مهال ګډونوالو ته ښه راغلاست وویل او د غونډې د اهمیت په اړه یې خبرې وکړې.
نوموړي په خپلو خبرو کې د نوي سمستر د پيل اړوند مهم ټکي او عمومي سپارښتنې وړاندې کړې او له استادانو څخه یې د علمي معیارونو د لا لوړولو او د محصلینو د زده کړو د کیفیت د لا ښه کولو غوښتنه وکړه.
په غونډه کې د اجنډا له مخې اړونده موضوعات تر بحث لاندې ونیول شول، او د استادانو د ګډو نظرونو پر بنسټ لازمې پرېکړې وشوې.
جلسه په دعا سره پای ته ورسیده.

13/08/2025