03/09/2025
په لــــوی ننګرهار روغتیایی علومو انستیتیوت کې سلګونه تنو څخه خزانی کانکور آزموينه واخيستل شوه!
۱۲/۰۶/۱۴۰۴ ه ش
د لوی ننګرهار روغتیایی علومو انستیتیوت ۱۹ دوری خزانی سمستر عمومي کانکور آزموينه نن چهارشنبه / پر ټاکلي وخت/ د سهار په ۱۰:۰۰ بجی د کار او ټولنیزو چارو ریاست په انګړ کې په داسی حال کي واخيستل شوه، چي د یاد انستیتیوت قدرمن رئیس داکتر ذبیح الله صاحبزاده، علمي اوتدریسي مرستیال دوکتور ضیامحمد بیان، اداری چارو مرستیال استاد ایمل صافی، دعامی روغتیا وزارت خصوصی انستیتیوتونود ریاست استازو ،د دولتي انستیتیوت استازو، دیاد انستیتیوت نظارتي پلاوي او د مختلفو ډیپارتمنتونو درنو امرینو او استادانو يې له بهير څخه څارنه کوله. د عمومي کانکور لپاره سلګونه تنو ذکورمحصلینو نوم ليکنه کړې وه، ټولو محصلینو دخپلې خوښې تحصیلي رشتې ته د لار موندلو په موخه کانکور آزموينه ور کــــړه.
د قرآن کريم تر تلاوت وروسته ، د انستیتیوت رئیس پرانستې اوښه راغلاست وینا وکړه د کانکور افتتاحيه مراسمو ته د وينا پر مهال راغليو مېلمنو او آزموينه ورکوونکو ته یې ښه راغلاست وویل، او له هغوی څخه يې مننه وکړه چي د نیمه لوړو زده کړو لپاره يې لوی ننګرهار د روغتیایی علومو انستیتیوت انتخاب کړېدې. هغه ډاډ ور کـــړ چي دغه تحصيلي دستګاه به له خپلي وجيبې سره سم د دوی لپاره داسی تحصيلي چاپېريال برابروي، چي دوی يې مستحق دي او ټولنه او کاري محيط يې اړتيا او تقاضاء لري.
د انستیتیوت رئیس په طب کې منځنۍ لوړې زده کړې د اوسني عصر مهمي تحصيلي رشتې وبللې او آزموينه ور کوونکي يې وستايل چي بهترین انتخاب يې کړیدې . د انستیتیوت علمي چارو مرستیال د ازموینې په تخنیکي برخه لنډه وینا وکړه، او د آزموينی ګډونوالو ته یی په آزموينه کي د بريا هيله وکړه او پر هغوی يې غږ و کړ چي له دغه تحصيلي فرصت څخه په اعظمي توګه استفاده وکړي.
ور پسې د راغلي پلاوي او مېلمنو له لورې د آزمويني د سوالونو صندوق پرانيستل شو، برخه والو ته د سوالونو فورمونه ووېشل شو او د فورم تر تشريح وروسته د آزموينې پروسه پيل سوه، چي تر شاوخوا يونیم ساعت دوام وروسته پای ته ورسېده.
درنښت
نشراتو څانګه
غوره ټاکنه. روښانه راتلونکی
