27/11/2023
دغاښ دسپيني برخي خرابېدل څنګه شروع کيږي او څنګه کولئ سو مخه يې ونيسو؟
دغاښ خرابېدل په څو مرحلو کي صورت نيسي چي ديو کوچني سوري په پيدا کېدو سره شروع کيږي تر زيات تخريب پوري چي په لمړيو کي د تور داغ دپيدا کيدو سره کولئ سو په اساني سره يې مخه ونيسو
دغاښ سطحه يو سخته معدني برخه ده کله چي دباکترياوو اسيد ورباندي حمله کوي ددې کلکي سطحي درنګ دتغير سبب ګرځي چي دا لمړني نښه دخرابېدو ده.
دغاښ مينا.
دانسان په بدن کي يوه سخترينه ماده ده چي کريستال لرونکي موادو چي دهايدروکسي اپاتيټ په نامه ياديږي جوړه سوې.
دمينا طبيعي رنګ له روښانه زيړ څخه تر سپين خاکستري ته مايله پوري فرق کوي.
مينا ژوندي سلولونه نلري چي په ابتدا کي دخرابېدو په صورت کي انسان دهغه درد حس کړي چي داسيدو په واسطه په ارامي سره تخريب زياتيږي ترڅو عصب يا پولپ ته نږدي سي .
دخولي باکترياوي:
ستريپتوکوکس ميوټانيس يو له عمده باکترياوو څخه شميرل کيږي چي دغاښ دخرابېدو يا چينجي وهلي سبب ګرځي او دا باکترياوي اکثره په خوله کي موجودي وي چي دقندي موادو اونشايستي په موجوديت کي دغاښ په سطحه دپلاک په شکل تجمع کوي او په تدريج سره نوموړي مواد داسيد لکتيت په شکل تبديلوي چي دغاښ سطحه خرابوي .
دغاښ دسطحي دخرابيدو مراحل:
په ابتدا کي خرابوالي قابل دبرګشت يا ګرځيدو وي چي سوري په اساني سره د داکټر په واسطه له منځه ځي او دوباره ترميميږي په لمړويو کي اسيد کوم چي دغاښ په سطحه نښلي په سپين رنګ وي چي حتا دبرس کولو سره هم له منځه ځي په دوهمه او دريمه مرحله کي بيا رنګ له سپين څخه قهويي ته تغير کوي او وروسته توريږي او توروالي داخل ته انتقاليږي چي دنه تداوي په صورت کي سوري نور هم غټيږي او غاښ درد شروع کوي چي بيا يي تداوي هم څه مشکله کيږي.
دمينا دتخريب څخه مخنيوي:
د مسواک کريم او برس استعمال کولي سي چي باکترياوي دغاښ دسطحوڅخه لري او دتخريب مخنيوي وکړي همدارنګه دهغو کريمو استعمال چي په ترکيب کي فلورايد ولري دغاښ دتخريب څخه مخنيوي کوي همدارنګه دتار استعمال د موت واش استعمال هم کولي شي چي دپورتني حالت درامنځته کيدو څخه مخنيوي وکړي .
#کاپي
