What are the opening hours?

Monday 08:00 - 19:00 Tuesday 08:00 - 19:00 Wednesday 08:00 - 19:00 Thursday 09:00 - 19:00 Saturday 09:00 - 19:00 Sunday 09:00 - 19:00

https://youtube.com/channel/UCRrj5TeZ1qSooR9iI1XbqCQ

Dr Sayed Khalid Rashid, Kabul (2025)

24/08/2025

الحمدلله
داسې ناروغ چې د زړه د رګونو د سخت بند والي له امله یې زړه ۲۵ فیصده د پمپ کولو قدرت درلود ، د زړه چپ بطین او دهلېز یې غټ شوي وو ، په ناروغ حاد ډول د زړه حمله راغلی وه ، د اکسیجن فیصدي یې ټیټه او بیخی له حرکته لویدلی وو .
الحیات د زړه جراحي ټیم د ستر خطر د اخستو سره سره دغه عملیات سرته ورساوه . نن یوه میاشت وروسته ناروغ د بیخی ښه صحت سره له بغلان څخه کابل ته راغلی وو او د زړه له تله یې زمونږ له ټیم څخه مننه کوله. د زړه قوت یې ننۍ ایکو کې د ۴۰ او ۴۵ ترمنځ وو

والحمدلله علی ذالک

20/07/2025

الحمدلله الذی بنعمته تتم الصالحات

دغه ناروغ چې د زړه حملې وهلی وو ، د زړه قوت Ejection Fraction یې ایله 35 فیصده پاتی وو. د زړه په دیوالونو کې څلور لوی برخې وي چې د وینې په پمپ کولو کۍ یې برخه نه اخسته segmental wall motion abnormalities موجوده

زمونږ د قلبي جراحي ټیم ورته د زړه خلاص عملیات یعنې بای پاس CABG عملیات وکړ

الحمدلله څو میاشتې وروسته له عملیات څخه د زړه قوت نور شل فیصده وخته او د زړه د دیوالونو هیڅ برخه داسې نشته چې د وینې په پمپ کولو کې برخه وانخلي

ناروغ راڅخه پرون د سایکل چلولو اجازه وغوښته او ما هم دا اجازه ورکړه

28/05/2025

الحمدلله
————————————————-
د زړه سکون او معنوی خوښي

کله چې یو ناروغ او یاد ناروغ پایواز دعاګانې کوي او د زړه له تله درڅخه خوښي څرګندوی فکر کوم له دې څخه نو ستره خوښی او د ویاړ وسیله بله نشته، الله سبحانه و تعالی دې مونږ ته اخلاص رانصیب کړی

محترم حاجی صاحب غلام نبي د زړه د رګونو د بندش او حملې له امله د زړه په عدم کفایه Heart Failure اخته وو ، د انجیوګرافی څخه وروسته معلومه شوه چې بای پاس CABG عملیات ته اړتیا لري .
د زړه قوت یا Ejection Fraction یې ډېر زیات کم وو او د زړه د عدکفایی ټول اعراض په کې وو ، دوه اونۍ مو له ځان سره په ICU کې وساته او له بهتر کیدو سره سم مو دوه میاشتې وړاندې ورته High Risk خلاص عملیات وکړ.

د الله په فضل او احسان نوموړی ناروغ د عملیات په څلورمه ورځ کورته رخصت شو او یو دوه ځل تعقیبی معاینې ته راغلی وو .
نن دوه میاشتې وروسته یې تشریف راوړ حاحی صاحب ماشاءالله مکمل ځوان شوی وو. والحمدلله علی ذالک

د اعتماد او باور کچه
———————————

د الله شکر ادا کوم او د الله په دغه نعمت فخر کوم چې د مسلکی افرادو خصوصا ډاکټرانو اعتماد زمونږ په ټیم او روغتون تر دې کچې لوړ دی چې د خپل فامیل ناروغان مونږ ته رالیږی. تېره میاشت مو څوناروغان چې د ډاکټر صاحبانو د کورنیو غړي وو عملیات کړل او الحمدلله ټول په ښه روغتیایی وضعیت کې رخصت شول.

يادونه : لاندې یو انځور د ښاغلی حاجی صاحب غلام نبی د ډاکټر روح الله نبی زاده د والد صاحب دی چې دوه میاشتی وړاندی یې عملیات شوی . دوهم انځور د نبی زاده صاحب د وټس آپ سټېټس دی چې د مننې کلمات او دعاګانې یې شریکی کړي

24/05/2025

الحمدلله
یو ناروغ چې خپله هم ډاکټر وو ، د زړه د حملې له امله یې الحیات روغتون ته مراجعه کړی وه ، د انجیوګرافی څخه وروسته معلومه شوه چې د زړه درې واړه غټ رګونه یې تنګوالی او بندش لری او باید خلاص عملیات CABG ورته وشي ، د عملیات څخه وړاندې ایکو وښودله چې د زړه په شدیده کمکارۍ Heart Failure اخته دی او د زړه د فعالیت کچه یې ایله 20% ته راکوزه شوی ده . دا نو داسې حالت دی چې ډیری ډاکټران یې حتی انجیوګرافی ته زړه نه ښه کوي.
د ا چې د زړه یو غټ رګ سل په سلو کې بند وو نو د زړه د قوت د ښه کیدو هیڅ توقع نه وه بلکې د ناروغ د ژوند د لاسه ورکولو ویره زیاته وه.
د الله په توکل او د پایوازانو په موافقه مو د زړه خلاص بای پاس عملیات ته پلان کړ .

د زړه بای پاس عملیات مو ورته د زړه او سږو د ماشین له چلولو پرته سرته ورساوه یعنې زړه مو ونه دراوه او عملیات مو ورته ترسره کړ دغه ډول عملیات د BeatingHeart surgery یا off pump CABG نومیږی چې د زړه د عملیات پرمختللی تخنیک او پروسیجر دی او الحمدلله مونږ یۍ په الحیات روغتون کې په روتین ډول سرته رسوو

ناروغ لله الحمد ای سي یو د انتقالید په لومړیو دوه ساعتونو کې له مصنوعی تنفس څخه ازاد شو او ددعملیات په سبا یې ګرځیدل پیل کړل او د عملیات په دوهمه ورځ له ای سي یو څخه شخصی اطاق ته ولاړ او پرون ورځ کور ته رخصت شو

والحمدلله علی ذالک

Alhamdulillah

Performed off pump bypass surgery (OPCAB) on a Heart Failure patient (with LV EF 20%).

Patient was extuabated in ICU on his second hour of shifting, mobilised on his first post operative day and shifted to private room on 2nd POD. He was discharged home in a good and stable condition.

21/05/2025

Alhamdulillah

Performed ASD closure in a high Risk ( sever pulmonary hypertension and hugely dilated RV and markedly big pulmonary artery) 19 year old girl through minimal invasive surgical approach (MICS).

The MICS approach and the outcome achieved went beyond even the profound joy and emotional healing the treatment had promised — a moment that touched the heart in ways words can scarcely capture because the girl’s wedding is going to take place after few months.

والحمدلله علی ذالک

17/05/2025

په هیواد کې د زړه د جراحي په تخصصي عملیاتونو کې وروستي پرمختګونه

————————————

سبا سهار 7:30 بجې

په پورته عنوان به ان شاءالله سبا سهار 7:30 بجې د ملی تلویزون سره په ژوندۍ خپرونه کې هیوادوالو ته د هاغه وروستي پرمختللی تخنیکونو په اړه معلومات ورکړو چې الحمدلله مونږ په هیواد کې د لومړي ځل لپاره په روټیني ډول پیل کړي دي

د الله فضل او احسان دی او د ستر رب شکر ادا کوو چې هیواد ته په طبي برخه کې د نړۍ سره د سیالۍ په موخه کار کوو او له الله غواړو چې توفیق او اخلاص رانصیب کړي

06/05/2025

Two Days
With a distance of 6 years
——————————————-

Today 6 May 2025

From Right Professor Mehmet Tasur Head of Pediatric Cardiac Surgery in the third biggest Hospital of the world Ankara Etlik City Hospital (4000+ beds) , Me and Associate Professor Dr IlKer Mercan
After a very Complex redo case of hypoplastic aortic arch
Patient was three months old and having 3.7 Kg weight.

Case 2

The second case was of TOF patient with very hypoplastic main pulmonary artery , we performed Total Correction with using Bovine Conduit for pulmonary artery and valve .

Feb 6 2019

we visited this Big hospital ( Ankara Etlik City Hospital) while it was in its last phase of establishment. The Director of Ankara Health Department was hosting us.

03/02/2025

ایا پوهیږۍ!

د زړه د ناروغیو په اړه د عامه پوهاوي لړۍ ( ۴) برخه:

د زړه حمله HEART ATTACK ، د زړه سکته یا ودریدل CARDIAC ARREST ، د زړه عدم کفایه یا کم کاري HEART FAILURE
ـــــــــــــــــــــــــــــــــــــــــــــــــــــــــــــــــــــــــــــــ

د زړه حمله

زړه هم د وجود د نورو غړو په څېر له انساجو جوړ شوی دی . زړه له عضلاتو یعنې غوښینو انساجو جوړ دی او پخپله هم د فعالیت د سرته رسونې او خپلې بقا لپاره اکسیجن او غذایی موادو ته اړتیا اري . هغه رګونه چې د زړه عضلاتو ته وینه ، اکسیجن او غذایی مواد رسوي د کرونذی شیریانونو په نوم یادیږي.

د زړه حمله هغه وخت پېښیږي کله چې یو یا څو شریانونه، چې زړه ته وینه او اکسیجن رسوي، بند شي. د وخت په تېرېدو، د وازګو او کولیسټرول مواد په شریانونو کې جمع کېږي او پلاکونه جوړوي. که یو پلاک وچاودي، د وینې لخته رامنځته کېدای شي. دا لخته شریانونه بندوي او د زړه حمله رامنځته کوي. د زړه حملې پر مهال، د وینې جریان بندېدل د زړه د عضلې نسج له منځه وړي. د زړه حملې ته مایوکاردیال انفارکشن (Myocardial Infarction) هم ویل کېږي. د زړه حملې د مخنیوي لپاره ژر تر ژره درملنې ته اړتیا ده . او دا د ژوند تر ټولو ستره بیړنۍ پېښه یا ایمرجنسي ګڼل کیږي.

د زړه حملې نښې

د زړه حملې نښې يو له بله توپیر لري. ځینې کسان یوازې سپکې نښې احساسوي، ځینې بیا شدیدې نښې لري، او ځینې بیا هېڅ نښې نه لري.

د زړه حملې عامې نښې عبارت دي له

- د سینې درد، چې د فشار، ټینګښت، درد، نښتیا یا دردي احساس په بڼه وي.
- هغه درد یا تکلیف چې اوږې، لاس، شا، غاړه، زنې، غاښونه یا کله ناکله د خېټې پاسنۍ برخې ته خپرېږي.
- سړې خولې کول.
- ستړیا.
- د معدې سوزش یا هضم نه کېدل.
- سر ګرځېدل یا ناڅاپي بې حاله کېدل.
- خوا ګرځېدل (متلی).
- د ساه لنډېدل.

**د ښځو لپاره غیرمعمولي نښې:**
ښځینه ناروغانې ممکن ځانګړې نښې ولري، لکه لنډمهاله یا تېز درد چې د غاړې، لاس یا شا په برخه کې احساسېږي.

ځینې وخت، د زړه حملې لومړنی نښه ناڅاپي د زړه بندښت (Sudden Cardiac Arrest) وي.

**خبرداري نښې:**
ځینې زړه حملې ناڅاپي پېښېږي، خو ډېر خلک څو ساعته، ورځې یا اونۍ مخکې خبرداري نښې لري. د سینې درد یا فشار (چې **انجینا** نومېږي) که بار بار تکرارېږي او د استراحت سره نه ښه کېږي، نو دا کولی شي د زړه حملې لومړنۍ نښه وي. انجینا د زړه ته د وینې موقتي کمښت له امله رامنځته کېږي.

01/02/2025

“در میان بیم و امید ، در میان اشکها و دعاها این شما هستید که با علم ، تحربه و قلب پر از محبت زندګی به بیماران باز میګردانید”

“شما تنها پزشک نیستید بلکه شما ناجیان زندګی و فرشته های زمین هستید”
——————————————————————————
دا د یو 60 کلن ناروغ ښاغلي حاجی غلام محمد ، چې له بغلان ولایت څخه راغلی وو او پنځه ورځې وړاندې مو د زړه خلاص عملیات یا بای پاسCABG ورته کړی دی، لیکلی کلمات دي چې نن یې د رخصتیدلو څخه وړاندی په لیکلی بڼه مونږ ته راوسپارل

واقعیت دادې چې طبابت ډېر ښکلی مسلک دی خو کله چې د طبیب نیت پاک وی ، او کله چې طبیب لومړی درجه مکلفیت او اندیښنه د ناروغ روغتیا وي نه د هغه څخه ترلاسه کیدونکی مادیات .

باور وکړۍ د ناروغ دعا او دطییب سره یې د زړه مینه چې د هغه له سترګو ښکاري د هاغه پیسو څخه ډېر ارزښت او خوند لري چې د فیس په بڼه له ناروغ اخستل کیږي.

الحمدلله ، د الله په فضل او رحمت هره ورځ دداسې خوندورو صحنو شاهد یم .
زه د خپلو ناروغانو څخه د زړه به کومي مننه کوم چې د خوږې خندا ، مینې او محبت ترڅنګ (زما د منع سره سره ) داسې ډالۍ هم راوړي😍

خان اغا ناروغ په ډېر کړیدلی حالت کې له لغمان څخه روغتون ته راوستل شو ، د زړه بای پاس CABG عملیات مو ورته وکړ او الحمدلله نن یعنې صرف یوه اونۍ له رخصتیدو وروسته کلینیک ته د یو غښتلی ځوان په څېر راننوته او د لغمان جلیبۍ ، مټایان او یوه ګرمه جوړه یې د ډالۍ په توګه راوړی وه . الله دې کامل صحت ورکړي

یوًڅلویښت کلنه خورکۍ مو د زړه د وال د تبدیلۍ لپاره داسې حالت کې عملیات کړه چۍ د زړه بیتریو او برقی سیستم یې کار پریښودلی وو ، موقته بیترۍ Temporary Pacemaker مو ورته واچوه اوًوال مو ورته بدل کړ ، د زړه د وایرنګ ساحه مو له کلسیمی موادو پاکه کړه او الحمدلله له عملیات وروسته یۍ نه یواځې وال بدل شوی وو بلکې د زړه برقی سیستم هم کار پبل کړ . د مننې په پار یې له وطن څخه ښکلی توتان راډالۍ کړل

زکوان کوچنی مو د زړه د سوری ASD او وال د تنګوالی لپاره عملیات کړ ، والدینو یې د مننې په پار کیک پارټی وکړه

مننه له خپلو مینه ناکو ناروغانو او مننه له ځپل ټیم څخه

13/01/2025

ایا پوهیږۍ!

د زړه د ناروغیو په اړه د عامه پوهاوي لړۍ (۳) برخه:

د زړه حمله HEART ATTACK ، د زړه سکته یا ودریدل CARDIAC ARREST ، د زړه عدم کفایه یا کم کاري HEART FAILURE
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
د زړه ناروغي په ټوله نړۍ کې یو ستر ګواښ او لوی وژونکی دی. د روغتیا نړیوالې ټولنې په وینا، دې ناروغۍ په ۲۰۱۹ کال کې شاوخوا ۱۷.۹ ملیون خلک ووژل، چې په ټوله نړۍ کې د ټولو مړینو ۳۲٪ جوړوي. خو د زړه ټولې ناروغۍ یو شان نه وي. دا کولی شي د زړه یا دماغ، د زړه عضلاتو ، والونو او یا د بدن نورو برخو ته د وینې رګونو باندې اغیزه وکړي. د زړه او رګونو ناروغۍ کولی شي اوږدمهاله درملنې ته اړتیا ولري، یا دا ناڅاپه او جدي کیدی شي. موږ تاسې ټول ددغه درې( زړه حمله ، زړه سکته او د زړه عدم کفایه یا کم کاري) سره اشنا یو او په دې پوهیږو چې دا اصطلاحات د زړه د داسې ناروغۍ دي چې د زړه اړوند یو بد روغتیایی حالت ته اشاره کوي. مګر د دغه حالاتو په توپیرونو او نښو نښانو کې ډیری وخت تیروځو یا سهوه کیږو. ددې لپاره چې په دغه وضعیت او د مخنیوی په لارو چارو یې ښه پوه شو ښه ده چې په یو یو حالت جلا جلا خبره وکړو!

راسره اوسئ ، حتماً راسره اوسئ
بلکې د خیر ددغه پوهاوي په خپراوي کې لومړی د خپل کور او بیا دټولنې افراد هم شریک کړئ ، راځئ هڅه وکړو دغه پوهاوی عام کړو ، څه خبر یو ممکن زمونږ او ستاسې د دغه کوچنئ هڅې په پایله کې د یو انسان ژوند وژغورل شي:

د زړه له حملې یې پیل کوو:

13/01/2025

زړه دناروغیو په اړه د پوهاوی لړۍ (۲)
۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰۰

دوهمه برخه

ایا پوهیږۍ

د زړه سکته CARDIAC ARREST ، د زړه حمله HEART ATTACK (MI) او د زړه عدم کفایه یا کم کاري ( HEART FAILURE) څه ته وایی؟

ددغه پیښو د پوهیدو او ددغه وژونکو پیښو په نښو نښانو او مخنیوی لارو چارو د پوهیدو لپاره راتلونکی پوسټ مه هیروۍ.

01/01/2025

مونږ هم د 2025 زیږدیز کال لومړۍ ورځ د یو سوري زړه له ګنډلو پیل کړه

We have inaugurated the new year2025 with sewing a broken heart

fans

Dr Sayed Khalid Rashid

24/08/2025

20/07/2025

28/05/2025

24/05/2025

21/05/2025

17/05/2025

06/05/2025

03/02/2025

01/02/2025

13/01/2025

13/01/2025

01/01/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 19:00
Tuesday	08:00 - 19:00
Wednesday	08:00 - 19:00
Thursday	09:00 - 19:00
Saturday	09:00 - 19:00
Sunday	09:00 - 19:00