17/03/2025
د ډرای ساکټ (Dry Socket)
ډرای ساکټ یا الویولر اوسټیټیس (Alveolar Osteitis) د غاښ ایستلو یوه عامه او دردونکې پیچلتیا ده، چې هغه وخت رامنځته کېږي، کله چې د ایستل شوي غاښ په ځای کې جوړ شوی وینه لخته (Blood Clot) له وخت مخکې ماتیږي یا له منځه ځي. دا د دې لامل کېږي چې د هډوکي او عصبي پایو تماس له چاپېریال سره برقرار شي، چې سخت درد، ناوړه بوی، او ځینې وختونه انتان (عفونت) رامنځته کوي.
د ډرای ساکټ نښې
1. شدید او دوامداره درد (له غاښ ایستلو ۲-۳ ورځې وروسته زیاتېږي).
2. درد چې غوږ، سترګه، یا د ژامې نورو برخو ته خپرېږي.
3. د خولې بد بوی او ناوړه خوند.
4. د غاښ ایستلو په ځای کې د وینې لخته نه لیدل کېدل.
5. د هډوکي ښکاره کېدل په زخم کې.
د ډرای ساکټ لاملونه
وینې لخته له منځه تګ (د خولې زیاتې شړېدل، د سګریټ څکول، د خولې غېر مناسب پاکوالی).
انتان (عفونت) د غاښ ایستلو مخکې یا وروسته.
سخت اوبو یا مشروبات څښل له نلکې څخه (Straw) چې د فشار له امله لخته له منځه یوسي.
د ژامې سخت حرکت لکه غاښ چیچل، سخت خواړه ژوول، یا خوله پرېمنځل له حده زیات.
د درملنې لارې
د د غاښ ډاکتر ته مراجعه تر څو زخم پاک کړي او ځانګړي درمل Alveologel (Medicated Dressing) پکې کیږدي.
درد ضد درمل لکه ایبوپروفین یا پین کلر اخستل.
د مالګې اوبو ګرغره کول د انتان مخنیوي لپاره.
د سګریټ، تنباکو، او نلکې کارولو مخنیوی تر څو د زخم ښه کېدل چټک شي.
د ډرای ساکټ مخنیوی
✔ د غاښ ډاکتر لارښوونې تعقیبول.
✔ د غاښ ایستلو وروسته د خولې ډېر شړښت نه کول.
✔ د نرمې غذا خوړل او سخت خواړه نه ژوول.
✔ د سګریټ، شیشې، او نلکې نه کا
