Monitoring & Inspection General Directorate د څارنې او پلټنې لوي ریاست

16/09/2025

د عامې روغتیا وزارت د څارنې او پلټنې لوی رئیس، ښاغلي ډاکټر عنایت‌الله عنایت، نن په خپل کاري دفتر کې د احصائیې ملي ادارې د احصائیه او نفوس رئیس، ښاغلي وحیدالله فریادي، د ثبت او پیښو ریاست رئیس ښاغلي امین پکتین او یو شمېر تخنیکي کارکوونکو سره ناسته ترسره کړه.
په دې ناسته کې د زیږونونو او مړینو د دقیق ثبت او منظمې راجسټریشن پروسې په اړه هر اړخیز بحث وشو. ګډونوالو د موجودو ننګونو تر څنګ د لا اغېزمنو حل‌لارو په اړه خپل نظریات شریک کړل.
شاغلي ډاکټر عنایت‌الله عنایت پر دې ټینګار وکړ چې دقیق او بااعتباره ارقام او معلومات نه یوازې د روغتیایي خدمتونو د ښه والي لپاره حیاتي دي، بلکې د ملي کچې د پالیسۍ جوړونې او ستراتیژیکو پرېکړو لپاره هم بنسټیز ارزښت لري.
دغه ناسته د متقابلو ژمنو او دعا ویلو سره پای ته ورسېده.

14/09/2025

د عامې روغتیا وزارت د څارنې او پلټنې لوي رئیس ډاکټر عنایت‌الله عنایت په خپل کاري دفتر کې چی د عامې روغتیا وزارت د مقام محترم مشاور ډاکټر حدیدالله ذاکری هم په یاده ناسته کې ګډون درلو د درېیم ګړي (جناح ثالث - Third Party ) تخنیکي همکارانو سره ناسته ترسره کړه.
په دې ناسته کې د اړوندو چارو د همغږۍ د کیفیت د ښه‌ والي او د لا اغېزمنې همکارۍ پر لارو چارو مفصل بحثونه او خبرې وشوې.
همدارنګه ټینګار وشو چې د ارزونې پروسه باید د شفافو کړنلارو معیاري شاخصونو او متقابلو همکاریو له لارې پر مخ یوړل شي څو د فعالیتونو مؤثریت لوړ او د خدماتو کیفیت لا ښه شي او په راتلونکي کې به هر ډول پرېکړې د درېیم ګړي پر بنسټ نورو تطبیق کونکو موسسات سره ونیول شي.
همدارنګه د یاد تخنیکي همکارانو ته دنده وسپارل شوه تر څو د ګمارنې پروسه او اړوند چک لستونه د څار او پلټي لوي ریاست سره شریک کړي او د موجودو ستونزو د حل لپاره په ګده عملی ګامونه واخیستل شي
ناسته د دعا په ویلو پای ته ورسېده.

12/08/2025

03/08/2025

د عامې روغتیا وزارت د څارنې او پلټنې لوی رئیس، ډاکټر عنایت الله عنایت د روغتیا نړیوال سازمان له استازو سره ناسته ترسره کړه

دغه ناسته چې د ګډې بهرنۍ ارزونې په موخه ترسره شوه، په کې دواړو لورو هوډ څرګند کړ، چې د بهرنۍ ارزونې دوهم پړاو به هم د لومړي پړاو په څېر په بریالیتوب سره تطبیقوي.

دغه راز، د سرویلانس تر چتر لاندې د شته ناروغی پر مخنیوي هم بحث ترسره او په راتلونکې کې په اړوندو برخو کې د ګډې همکارۍ پر زیاتولو ټینګار وشو.
………………………………

داکتر عنایت‌الله عنایت رئیس عمومی نظارت و بررسی وزارت صحت‌عامه، با نماینده‌گان سازمان صحی جهان دیدار کرد.

این دیدار به خاطر ارزیابی مشترک خارجی برگزار شده بود، که در آن هر دو جانب بر تعهد خود تأکید کردند تا مرحله دوم ارزیابی خارجی را نیز مانند مرحله نخست با موفقیت تطبیق نمایند.

همچنان در این نشست روی جلوگیری از بیماری‌های موجود تحت چتر سرویلانس بحث صورت گرفت و بر افزایش همکاری‌های مشترک در بخش‌های مربوطه در آینده تأکید شد.