29/12/2025
ماشومان د لوبو کولو وسايل نه دي، ډېر احتياط کوئ.
شیکن بیبی سنډروم (Shaken Baby Syndrome) او د مغز دننه د وینې ټولېدو لخته کېدلو حالت (Intracranial Bleed)
دا یو ډېر جدي او خواشینونکی مسئله ده، چې زیاتره د کوچنیانو په ځانګړي ډول د یو کال څخه کم عمر ماشومانو کې لیدل کېږي.
کله چې یو ماشوم پرلهپسې ژاړي او په قهر، ناراحتۍ یا د ناپوهۍ له امله هغه ماشوم په زور سره ښورول کېږي، نو د ماشوم نازک مغز د ککرۍ يا سر دننه خوځېږي، چې له دې امله:
👉 د مغز دننه وینه بهېږي او لخته شي
👉 د مغز ته جدي ټپ رسېدی شي
👉 د سترګو په پرده کې وینه راتلای شي
👉 د دورو (Fits)، بېهوشۍ، دایمي معلولیت او حتی د مرګ سبب کېدای شي
په یاد ولرئ:
- د ماشوم غاړه او مغز ډېر نازک دي.
- یوازې یو یا دوه ځله په زور سره ښورول هم د ټول ژوند لپاره زیانمن ثابتېدای شي.
- دا د تاوتریخوالي یوه بڼه ده، حتی که مو نیت د زیان رسولو نه وي.
هغه نښې نښانې چې باید سمدستي ډاکټر ته ورشئ:
- بار بار کانګې کول
- شیدې نه څښل
- غیر معمولي خوب یا بېهوشي
- دورې (Fits)
- د ساه اخیستلو سستي
- پرلهپسې چیغې وهل یا بالکل خاموش پاتې کېدل
والدینو او د ماشوم پالونکو لپاره مهم پیغام:
که ماشوم ژاړي، نو د هغه د ښورولو پر ځای:
✔️ په غېږ کې واخلئ
✔️ په آرامه توګه يې پرېږدئ چې ډاډه شي
✔️ د کوم بل لوی کس یا ډاکټر څخه مرسته وغواړئ
دا پيغام له خپلو ملګرو سره شریک کړئ
مننه
ډاکټر عبيدالله عابد
د ماشومانو او نوزادانو د داخله ناروغيو متخصص
بلوسن روغتون، محبس څلورلارې، احمد شاه بابا مېنه (ارزان قیمت سیمه) کابل
هره ورځ له څلورو بجو څخه تر ماسختن لسو بجو پورې
