قاری محفوظ حنفی

04/01/2026

زړه مې يو چا پسې تنګيږي د‌ باران په ورځ کې
لکه ماشوم پسې زوريږي د باران په ورځ کې

د خيال وزرو کې چې ونغاړم کمکی ارمان مې
لتې وهي سلګۍ يې خيږي د باران په ورځ کې

شونډې رپيږي سترګې ستړې مې ترشا وګوري
باڼه مې هم اوري څڅيږي د‌باران په ورځ کې

ګلونه لاس کې او پاې لوڅه په تم ځاې ولاړه
خواره ډوډۍ پسې زغليږي د‌باران په ورځ کې

د ښار وګړي يې خبر له مجبوريه نه دي
ماشومه پاڼې غوندې ريږدي د باران په ورځ کې

حنفي "منهاجه " زړه باندې به يې څه تيريږي
اوښکې قطار يې را بهيږي د باران په ورځ کې

31/12/2025

02/12/2025

#حافظې او اړينې #محاسبې

مزل کوو د غرونو خو په مخ کې آينې لرو
سترې حافظې لرو ضرور محاسبې لرو

ژمن په تعامل يو د نړۍ له هيوادو سره
هوډ هم د ساتنې بيا د خپلې جغرافې لرو

مونږ لکه آلماس په ټکيدو قيمتي کيږو لا
مونږ د کړاوونو څه بې رحمه خاطرې لرو

څوک که د انصار په‌نوم نقاب ځان ته ورآغوندي
خواست ورته ضرور بيا د تاريخ مطالعې لرو

وايه په کوزه کې سيلابونه دي ټينګ کړي چا
څومره چې آرام يو دومره سترې هم څپې لرو

دې د غرور څلي د ساتنې که اړتيا وشي
هم ورته نيزې لرو او هم يې حوصلې لرو

وايه حنفي څوک په دامونو زمري څنګ نيسې
مونږه يې مهار ته شرايط لرو مادې لرو

01/12/2025

مل يې وي په بده او په ښه کې کتابونه
د ملي تلويزيون په يوټيوب چينل يې د لاندې لينک له لارې کتلی شئ
https://youtu.be/aHjpgoIXMFo?si=j7dRVNL0M7kCrwk8

01/09/2025

د مرستې او تسليت غږ

د تيرې شپې سختو زلزلو له امله په کونړ ولایت د نورګل ولسوالۍ د مزار دره کې سلګونو هېوادوالو ته درنه مرګ ژوبله اوښتې او د هغوی کورونه په بشپړ ډول ویجاړ شوي دي. د افغانستان د رسمي رسنیو د راپور له مخې د *شهیدانو شمېر تر اوسه نږدې ۷۰۰* تنو ته رسېدلی، خو کره شمېر یې لا نه دی معلوم.

د سیمې ډېری وګړي بېوزله دي او یوازې د کروندو پر مټ خپل ژوند پر مخ بیايي. له همدې امله د داسې لوی ناورین دروند زیان د هغوی له وسه پورته دی.

موږ په ټولو شتمنو هېوادوالو، ملي سوداګرو، د بهرنیو او کورنیو مرستندویو موسسو، نړیوالو ادارو، ملي اتلانو او شتمنو مسلمانانو غږ کوو، چې د زلزله ځپلو کورنیو سره د خپلې وسې او توان په اندازه مرسته وکړي. دا یوازې یو بشري او ملي رسالت نه دی، بلکې زموږ ستر اسلامي مسوولیت هم دی.

د مرکز تعلیمی موج رسالت او میراکبری معالجوی کلنیک له لوري ډاډ ورکول کېږي چې ډېر ژر به د دغو دواړو مرکزونو ځانګړی ټیم د زلزله ځپلې سیمې ته ورسېږي او د مرستې بهیر به پرانیزي.

هیله ده چې هر هېوادوال او هر تاجر د خپلو زیانمنو وروڼو او خویندو د لاسنیوي لپاره خپله برخه ترسره کړي.

راځئ، په ګډه د دغو مظلومو خلکو د زړونو د تسکین او د ژوند د بېرته رغېدو لپاره مرسته وکړو.
۰۷۶۶۵۰۴۰۰۰
۰۷۳۰۱۱۰۲۲۲

27/05/2025

ستورو تــه کاته مې چې صبا به شي
خوب مې که الله کوه ریښتیا به شی

خوښ په دې اســره به ومــه زه چې
سپینو نه دا تور گــوندې جلا به شي

را به شــي جانان به وي ودان به شم
ژوبلو خـــاطرو ته مـې ښکلا به شي

رڼې بــه ړندې سترګـــې یعقوبي شي
هغـــه یوسف مخــــي را پیدا به شي

بــــوې د یوسف راوړ شمـــالــونو خو
پټې دي ! ها ما چــې ویل بینا به شي

دا ؤبــــــه شـــــــي کنه د فکـــــر ټاله
ووایه په خدای به شـــي په تا به شي

ډاریږمه اوس ځکه چې خدای مه کړه
دا څــــــــانګې د هیلو مـې تالا به شي

ومې وایې خیال راته جواب کــې چې
بس " منهاجه " بس درتــه ګناه به شي

1404 2 12 کارته نو کابل

02/05/2025

په عمرا رانه کشر خو په محنت او تلاش او د کورنۍ د پرمختګ په هلو ځلو کې رانه مشر ورور مې
عبدالهادی منیب اکبری د لسانس په کچه خپل سند د درمل جوړونې (فارمسي) څانگه کې په ویاړ سره تر لاسه کړ.
دا صرف یو سند نه بلکه د ګران ډاکتر صاحب د کلونو هلو ځلو او ستړیاوو خوږه ثمره ده چې د دې ثمرې مبارکي ګران ورور ، کورنۍ ، ځان او ټولو دوستانو ته وړاندې کوم الله ج نه ورته د لا بریا غوښتونکی یم او د خپلې کورنۍ لپاره یې ویاړ او نیک پالي او د جامعې لپاره یې د خدمت ذریعه بولم
بیا هم

30/04/2025

د پیــــو رنگ ته ورته دې اوس میــــنه ده مجنونه
اوس ګــــــرانه د لیلا نــه درتـــه وینــه ده مجنونه

اوس دې شبګیرې خالصې نه دي پکې چل ښکاري
شیبه دې اوس پــه بل حسن رنګیــــنه ده مجنونه

اوس دې په خیــالاتو کې څه خامې ارادې ښکارې
اوس تللې دحـــق لیکـــه دې تندي نه ده مجــنونه

نه درته ښکــــاریږي تفـــــاوت او نه بدلـون د رنګ
د ذهن آییــــنه دې اوس خـــــــاورینه ده مجـنونه

ښکـــاري منحـــــــرف لـــــه حقیقته دې تکـل راته
شیـــبه چې د مجــــاز دې اوس زرینه ده مجـنونه

"منهــــاجه" ادا نه به کــړې تاوان د دې بدلـون دې
لـــږ پام کړه دا بهـــاء ډیـــره سنګـــینه ده مجنونه

05/11/2024

#کتابونه

مل یې وي په بده او په ښـــــه کې کتابونه
ســـــاتي چـــې د ذهن آینه کــــــې کتابونه

خامخــا هغه به د عـــــروج تر پـــولو رسي
چــا چې وي منلي په خپل زړه کې کتابونه

ښکار د تــوهم بـــه کله نه شــــي هغه فکر
رسم چـې یو وار یې وي نقشه کې کتابونه

ښکاره به یې تاثیر وي وګــړو کې له ورایه
وي چې د سِـتار په ځاې کوټه کې کتابونه

ساتو که وطن نو دا مو ذهن باید جوړ شي
وه لرو د ځـــان سره چانټه کـــــې کتابونه

غواړو کـــه سیالي مو برابره په جهان شي
کیږدو د هـــر کور په دروازه کــــې کتابونه

زړه مې دې اختر کې حنفي منهاجه غواړي
وویشـــو یو بل ته په تحفه کـــــې کتابونه

07/10/2024

#خبرتیا

که د دغه مریض ورور په اړه چاسره څه معلومات وي نو د انسانیت او خواخوږۍ په خاطر یې مونږ سره شریک کړئ تر څو د مرکز تعلیمی موج رسالت له خوا یې مونږ د درملنې اړین اقدامات وکړو
زمونږ د رابطې نمبرونه
0730110220 د موج رسالت ښونیز مرکز دفتر
0766504000 دقاری محفوظ حنفی شخصي رابطه
زمونږ ادرس کابل ١٧ حوزه د بوستان سرک پر غاړه د موج رسالت ښونیز مرکز او دارالایتام

29/09/2024

این هم UDEF 28 اردوی مشاوره اعضای گسترده ما با موفقیت به پایان رسید.!

ما نه تنها کار دانشجویان بین المللی انجام می دهیم، بلکه پایه های یک ساختار آگاهانه را برای آینده امت تقویت می کنیم این گردهمایی چیزی فراتر از یک جلسه مشاوره است این گواهی بر اتحاد سازمان ها ماحول یک مأموریت مشترک است.

با اذن خداوند ج هر قدمی که ما به عنوان UDEF برمی داریم به آینده امت و ایده آل ساختن جهانی زیست پذیرتر کمک خواهد کرد آمید است که خداوند ج تلاش های ما را بپذیرد و پروژه های ما نتایج ثمربخشی داشته باشد.

16/09/2024

قهرمانی او میړانه په عمر جنسیت او قواره نه ده قهرمان هغه دی چې د ژوند په لوړو ژورو کې په میړانه مبارزه وکړي .
نن ورځ مو د موج رسالت ښونیز مرکز دارلایتام څانګه کې د دغو قهرمانو ګلالیو فرشتو سره خوشالې شیبې تیرې کړې.

موج رسالت تل په تعلیمی او اجتماعي ډګر کې د هیواد والو تر څنګ حضور لري

0730110222
ناحیه ۱۷ کوتل خیر خانه نبش سزک بوستان