https://www.facebook.com/270959566413449/

افضل کلينيک Afzal clinic, Khost (2025)

01/03/2025

روژه مبارک 🌙
دوکتورس نادیه اشرف د روژې مبارکې میاشتې په را رسېدو د ټولو ناروغانو او ناروغ لرونکو لپاره 50 فیصده تخفیف اعلانوي.
یاد کلینیک په لاندې برخو کې خدمات وړاندې کوي:
مجهز زېږنتون
مجهز لابراتوار
مجهز الټراساونډ
مجهزه عملیات خانه
مجهز بستر خانه

*د یادونې وړ ده چې فیس په بشپړ ډول معاف دی.

*نوټ: هغه ناروغان چې د خیریه بنسټ لخوا معرفي کیږي په 70 فیصده تخفیف سره کتل کیږي.

پته: خوست ښار پوهنتون عمومي سړک بي سرحده روغتون او منګلو اډې تر منځ افضل كلينيك
مخکې له راتلو هتمن اړیکه ونیسی تر څو چې د ډاکټرې د نوکاری په ورځ په زخمت نه شی:0777680123-0798681212

02/01/2023

روغتيايي مشوره: که غوښه ډېره خورئ نو (کيوي) حتمن ورسره وخورئ
کيوي په ويټامين سي غني ميوه ده. دا ميوه د هضم بهير کې پوره مرسته کوي او ګټوره ده. هغه کسان چې ډېره غوښه خوري نو اړينه ده چې کيوي هم وخورئ. غوښه پروټين لري او هضم يې ژر نه کېږي، خو په کيوي کې د (اکتینیدین) په نوم انزایم دی کوم چې د پروټيني خواړو په ټوټه کولو کې مرسته کوي.
روهي

30/11/2022

حامله ښځې بايد له لاندې خوړو پرهيز وکړي:

⬅️ خامي شيدې (هغه شيدې چې مخکې جوش شوې نه وي) او هغه پنير چې له خامو شيدو جوړ شوي وي: په خامو شېدو کې کېدی شي د لېسټيريا بکتريا وي او هغه کېدی شي د حمل د له منځه وړلو باعث شي. د مخکې جوش شوو او يا پخو شيدو څښل هېڅ زيان نلري بلکه ګټه لري.

⬅️ هغه غوښه چې سمه پخه شوې نه وي او يا خامه وي: کېدی شي خامه غوښه د ټوکسو پلازموسس باعث شي او هغه بيا د حمل د له منځه وړلو باعث ګرزي. د ښه پخه شوې غوښي خوړل هېڅ زيان نلري.

⬅️ ينه (ځګر): په ينه کې ډيره زياته وېټامين اي (A) وجود لري کېدی شي د مور په ګېډه ماشوم ته زيان و رسوي.

⬅️ خامه او يا نېمه خامه هګۍ: د سالمونېلا په بکتريا د اخته کېدو خطر لري. د ښه پخه شوي هګۍ خوړل هېڅ زيان نلري.

⬅️ په ورځ کې بايد له ۲۰۰ ميلي ګرامه څخه زيات کافيين استعمال نشي (تقريباً پنځه پيالې چاي او يا دوه ګېلاسه کافي).

29/11/2022

د شپې په بستره کې د ماشومانو متيازي کول ډير عام دي او تر ډيره حده موروثي وي. که څه هم د ماشوم او والدينو د خپګان باعث ګرزي خو ډيری يې پخپله ښه کيږي او هيڅ درمل ته اړتيا نلري.

⬅️ د حل لاري چاري:
- ماشوم ته د ورځې په کافي اندازه اوبه ورکړئ ترڅو د شپې يې اوبو ته اړتيا کمه وي
- کوښښ وکړئ ماشومان مو د ورځي ۶-۷ ځله د بولو لپاره تشناب ته ولاړ شي
- مخکې له خوبه ماشوم و هڅوئ چې تشناب ته ولاړ شي خو په غيږ کې يې تشناب ته مه وړئ
- په کومه کوټه کې چې ماشوم بېده کيږي هغه بايد تشناب ته نېږدې وي
- هر هغه وخت جې ماشوم په بستره کې متيازي و نکړي و يې نازوئ او تشويق يې کړئ
- که ماشوم په بستره کې متيازي وکړي هيڅکله بد رد مه ورته واياست ځکه هغه نور هم خرابيږي
- ماشوم ته چای او ګازي مشروبات مه ورکوئ

28/11/2022

له سوځېدلو وروسته بايد څه وکړو؟
- په بېړه ناروغ د سوځېدلو له ځای يا شي څخه لېري کړئ
- پر سوځېدلي ځای تومړې او يا مازي سړې اوبه د ۱۰ يا ۲۰ دقيقو لپاره توی کړئ. يخی او يا ډيري يخې اوبه بايد استعمال نشي
- له سوځېدلي ځای ځخه ګېڼه او زيور لېري کړئ
- له سوځېدلي ځای څخه کالي لېري کړئ. خو که کالي په پوست پسي نښتي وي مه يې لېري کوئ
- سوځېدلی ځای په پاک پلاسټيک باندې پټ کړئ
- که مخ يا سترګي سوځېدلي وي نو ناروغ جګ کښېنوئ تر څو دغه برخه و نه پړسيږي
- که په سوځېدلي ځای تڼاکي را وخېژي مه يې ماتوئ
- د درد لپاره پراسېټمول استعمال کړئ

په لاندې وختونو کې ناروغ روغتون يا ډاکتر ته يوسئ:
- که د سوځېدلي ځای ساحه د ناروغ تر لاس غټه وي
- که د سوځېدلي ځای پوست سپين بخن يا توربخن شي
- که د مخ، لاسونو، پښو او يا تناسلي غړو له سوځېدلو وروسته په هغوۍ تڼاکي را وخېژي

که سوځېدل شديد نه وي او پورته حالتونه وجود و نلري نو تاسو کولای شئ سوځېدلی ځای په واسلينو غوړ کړئ.

27/11/2022

د اسهال پواسطه د ماشومانو د بدن مايعات کمېږي. همدغه د مايعاتو کمبود که چېرته پوره نشي کېدی شي د ماشوم د مرګ باعث شي نو لدې امله هغه ماشومان چې د بدن د اوبو له قلت سره مخ وي بايد روغتون ته يو وړل شي. تاسو څرنګه هغه ماشومان چې اسهال ولري او د بدن د اوبو له کمبود سره مخ وي پېژندلای شئ؟

که د ماشوم د بدن مايعات نورمال وي:
- ښه او بيداره وي.
- د ماشوم سترګې ننوتې او ژوري نه ښکاريږي.
- نورمال څښل او رودل کوي.
- که يې په دوه ګوتو کې پوستکی را غونج (pinch) کړئ جلد يې سم لاسي عادي حالت ته را ګرزي.

که يې مايعات يو څه کم وي:
- ناکراره او مخرش وي.
- ستر ګې يې ننوتې او ژوري ښکاريږي.
- تنده لري څښلو او رودلو ته لېوالتيا ښيې.
- څه وخت چې د ماشوم جلد په دوو ګوتو کې را غونج کړئ ورو عادي حالت ته را ګرزي مګر له دوو سانيو څخه کم وخت نېسي.

که د ماشوم د بدن مايعات په شديد ډول کم وي:
- ماشوم خوبجن وي، په سختۍ له خوبه را ويښيږي او يا بې هوښه وي.
- سترګې يې ننوتې او ژوري وي.
- څښل او رودل ډير کم او ډير کمزوري او يا يې هېڅ نه کوي.
- څه وخت چې د ماشوم جلد په دوو ګوتو کې را غونج کړئ په دوو ثانيو او يا له هغه څخه په زيات وخت کې ورو عادي حالت ته را ګرزي.

که ستاسو له کوښښ سره سره د ماشوم د بدن اوبه کمې وي او يا شديد حالت ولري په بېړه يې روغتون ته يوسئ.

26/11/2022

د امېندوارۍ په وخت کې د مور وجود ډيري وينې ته اړتيا لري تر څو ماشوم ته په کافې اندازه اکسيجن ور ورسوي. د انسان وجود د اوسپنې د کارولو له لاري وينه جوړوي لدې امله د امېندوارو ښځو په وجود کې بايد په کافې اندازه اوسپنه موجوده وي تر څو د اړتيا مطابق وينه جوړه کړي. په اوسني شرايطو کې بايد په افغانستان کې امېندواري ښځې د ورځې يوه ۶۰ ميلي ګرامه د اوسپنې ګولۍ خوري.

فوليک اسيد يو وېټامين ده او په امېندوارو ښځو کې د دې وېټامين کمبود کېدی شي د ماشوم د عيبي کېدلو باعث شي لدې امله امېندواري ښځې بايد د ورځې يوه دانه ۰،۴ ميلي ګرامه د فوليک اسيد ګولی وخوري.

25/11/2022

ماشوم ته د تي ورکولو ګټې:

⬅️ ماشوم ته ګټې:
- ماشومان له انتانونو او مېکروبي ناروغيو څخه ژغوري
- د اسهال او استفراق پيښې را کموي
- هر هغه وخت چې د ماشوم ضرورت شي د مور شيدې تازه د حرارت په هغه درجه اماده وي چې د ماشوم اړتيا وي
- خاص د ماشوم لپاره جوړي شوې دي
- کله چې ماشوم لوی شي د چاغۍ او د زړه ناروغيو خطر يې نسبتاً کم وي
- له مور سره يې اړيکي پياوړي کيږي

⬅️ مور ته ګټې:
- د تيو او تخمدان د سرطان خطر را کموي
- د هډوکو د کمزوري کېدلو خطر را کموي
- د زړه د ناروغيو خطر را کموي
- د چاغۍ خطر را کموي

24/11/2022

که غواړئ چې اولادونه مو روغ او سالم وي نو د مور شيدې ورکړئ. د ژوند په لومړيو شپږو مياشتو کې ماشومان د مور له شيدو څخه پرته بل هيڅ خوارک او يا څښاک ته اړتيا نلري.

23/11/2022

د انسانيت دپاره د سائنس يوې غورې ډالۍ خوشخبري

د شکر يعني شګر ناروغۍ ستن (Teplizumab injection) سائنس اېجاد کړې ده، چې د شوګر رنځ به دری کاله کنټرول کوي، درملنه به یې دری کاله دوام لري، ډېر خلک د دې ناروغۍ رنځوران دي، اوس به ورسره ښه شي، الله دې د هر رنځ دارو پيدا کړي.

11/11/2022

ګازرې (Carrot)
ګازرې ډېر غذایي مواد نه لري، خو یخې دي، اشتها ښه کوي او تشې متیازې ډېره وي. ګازرې په ډېره پیمانه ( A,B او C) ویټامینونه لري. د کاروټین په نامه یو پروټین هم لري، چې په ينه کې په 'A‘ ویټامین بدلیږي 'A‘ ویټامین د سترګو د لید د ځواک لپاره تر ټولو مهم ویټامین دی. له بلې خوا ګازرې اوسپنه هم لري او د وینې د کمتابه او ودې په ګډوډیو کې هم کارېدلی شي، چې ډېره ګټه لري.
اوس یې موسم دی
په قیمت ارزانه او ګټې یې زیاتې دي
Ashraf Khosti

01/10/2022

په ښځینه قشر کې د فولیک اسید عمده رول:

Anencephaly is a serious birth defect in which a baby is born without parts of the brain and skull.
This is a form of abnormality caused by deficiency of FOLIC ACID in the body. As a pregnant woman never you fail to take those drugs given to you during antenatal they contain folic acid, vitamin B complex, calcium...

Note!!!! FOLIC ACID should be taken by every woman of child bearing age before pregnancy, during pregnancy and after pregnancy.

انانسفالی یو د زیږون شدید ابنارملټی ده په کوم کې چې ماشوم د سر د کاڅې او دماغو څخه بدون نړۍ ته راځي چه دا ابنارملټي د فولیک اسید د کمښت څخه منځته راځي.
وایې چه باید د امیدوارۍ په وخت کې یوه مور هیڅکله د فولیک اسید، ويټامین بی کمپلیکس او کلسیم لرونکي ګولۍ اخستل منع نکړي.
نوټ: فولیک اسید باید هره ښځه که هغه د ماشوم راوړلو عمر کې وي(CBA) مخکې د امیدوارۍ څخه، د امیدوارۍ په دوران کې او د امیدوارۍ څخه وروسته وختونو کې، حتمآ واخلي.
ترجمعه کوونکی: ډاکټر الطاف حسین

افضل کلينيک Afzal clinic

01/03/2025

02/01/2023

30/11/2022

29/11/2022

28/11/2022

27/11/2022

26/11/2022

25/11/2022

24/11/2022

23/11/2022

11/11/2022

01/10/2022

Address

Telephone

Website

Alerts

Contact The Practice

Shortcuts

Share

Category