What are the opening hours?

Monday 07:00 - 19:00 Tuesday 07:00 - 19:00 Wednesday 07:00 - 19:00 Thursday 07:00 - 19:00 Saturday 07:00 - 19:00 Sunday 07:00 - 19:00

https://www.facebook.com/271323783221658/

Tabish Medical Laboratory, Kunar (2026)

05/12/2025

د والدینو لپاره مهم معلومات
د ماشومانو د خولې څخه د لاړو بهېدلو ته (Drooling یا Sialorrhea) هم وایې.
د ماشومانو له خولې څخه د لاړو بهېدل یو عام حالت دی چې ډېری وخت اندېښنې ته اړتیا نه لري. دا حالت کله ناکله د طبیعي ودې برخه وي، خو ځینې وختونه د مختلفو ناروغیو له امله هم رامنځته کېږي.
دلته یې مهم علتونه بیانوو:
1. د غاښونو راوتل: دې وخت کې د ماشوم ورۍ خارښت کوی او هرڅه باندې خپله ورۍ ټینګوی او د لاړو زیاتیدو او بهیدو سبب کیږی.
2. د ستوني التهاب (Tonsilitis یا Pharyngitis):که ماشوم د ستوني درد یا التهاب ولري، د تیرولو توان نه لري او لاړې له خولې بهېږي.
3. د خولې زخمونه یا التهاب (Apthous ulcer):د خولې دننه زخمونه یا ورۍ التهاب هم د لاړو زیاتېدو سبب کېږي.
4. د کولمو چینجي:کله ناکله د ماشوم په بدن کې چینجي (worms) هم د لاړو زیاتوالي لامل ګرځي.
5. د خولې د عضلاتو کمزوري:که د خولې یا مخ عضلې کمزورې وي، ماشوم نشي کولای لاړې تیرې کړي
6. موسمي ناروغۍ:لکه زکام، نزله یا حساسیت هم د لاړو زیاتېدو لامل کېږي.
7. ځینې درمل:ځینې درمل هم د لاړو زیات بهېدو سبب ګرځي. نو په ډېری ماشومانو کې دا حالت کومه جدي ستونزه نه وي، او د عمر له زیاتېدو سره (اکثراً د ۱۵ میاشتو وروسته) پخپله ښه کېږي. خو که د لاړو بهېدل ډېر زیات وي، یا ورسره نورې نښې (تبه، د ستوني درد، زخمونه، یا د وزن کمېدل) موجود وي، نو باید له ډاکټر سره مشوره وشي

05/12/2025

هغه ناروغی چی اکثر کورونو کی لیدل کیږی
د هغو ځوانانو لپاره معلومات چې اولاد یی نه کېږي

د ځوانانو د بې‌اولادۍ یا (Infertility )موضوع ډېره مهمه ده، ځکه ډېری کسان د شرم یا ناپوهۍ له امله وخت په وخت ډاکټر ته نه ځي، حال دا چې که وختي تشخیص وشي، ډېری ستونزې ښه درملنه لري.
راځئ دا موضوع په ساده او روښانه ډول تشریح کړو

#بې‌اولادي څه ته ویل کېږي؟
بې‌اولادي یا (Infertility) هغه حالت ته ویل کېږي چې یو واده شوی سړی او ښځه له یو کال منظمو اړیکو وروسته هم اولاد نه لري، که ښځه د امیندوارۍ کومه ستونزه ونه‌لري، نو بیا د سړي اړخ باید وڅېړل شي.

#سړی ولې بې‌اولاده کېدلای شي؟
د نارینه‌وو بې‌اولادي ډېر لاملونه لري، چې تر ټولو عام یې دا دي:
1. د سپرم (منی) ستونزې:سپرم کم وي (oligospermia)،سپرم بې‌حرکته یا ضعیف وي،سپرم غیر نورمال شکل ولري یا سپرم بالکل نه وي (azoospermia)
2. هورموني ستونزې:کله ناکله د بدن هورمونونه (لکه ټسټوسټیرون، LH، FSH) په سمه اندازه نه جوړېږي او د سپرم تولید کموي.
3. جراحي یا فزیکي ستونزې:د خصیو ټپ، ژوبله(زخم) یا (وریکوسیل) ،د سپرم د لېږد لارې بندیدل ،د خصیو نه راښکته کېدل په کوچنیوالي کې
4. ژوند طرز او روغتیایي عوامل:سګریټ، شراب، مخدره مواد،ډېر فشار یا رواني اضطراب،تودوخه (ګرمو جامو اغوستل)، او د وزن زیاتوالی یا ناسم خوراک یی هم مهم عاملونه دي .

#کوم معاینات (ټسټونه) باید وشي؟
هر سړی چې له واده یو کال وروسته هم اولاد نه لري، باید لاندې ازموینې وکړي:
1. د منی (سپرم) معاینه (Semen Analysis) دا تر ټولو مهم ټسټ دی. د سپرم شمېر، حرکت، بڼه او غلظت پکې معلومېږي.
2. د وینې ازموینې:هورموني ټسټونه: FSH، LH، Testosterone، Prolactin او کله ناکله د تايرايډ (TSH) معاینه هم اړینه وي.
3. د خصیو معاینه:د متخصص ډاکټر له‌خوا فزیکي معاینه کېږي، ترڅو د وریکوسیل، ټپ، یا نورو ستونزو معلومه شي.
4. الټراساؤنډ (Scrotal Ultrasound):که د خصیو یا سپرم لارو کې بندښت شک وي، دا ازموینه مرسته کوي.
5. نور تخصصي ټسټونه (که اړتیا وي):لکه Genetic Tests یا Biopsy of Te**is د هغو کسانو لپاره چې سپرم نه لري.

#درملنه (تداوي) څنګه کېږي؟
درملنه د علت له مخې ټاکل کېږي، خو عمومي لارې دا دي:
1. د ژوند طرز ښه کول:
• سګریټ، الکول او نشه پرېښودل
• سالم خوراک (ویټامین A، C، E، Zinc، Selenium لرونکي خواړه، فزیکي تمرین،د وزن کنټرول او ښه خوب او د فشار کمول

2. درملنه د هورمونونو له لارې:که د هورموني ستونزو له امله وي، ډاکټر د هورموني درملو (لکه HCG، FSH injections یا ټسټوسټیرون تنظیم) مشوره ورکوي.

3. جراحي درملنه:که د وریکوسیل یا بندې لارې ستونزه وي، د کوچني عملیات له لارې حل کېږي.

4. مرستندویه تولیدي لارې (Assisted Reproductive Techniques):که د طبیعي امیندوارۍ چانس کم وي، لاندې لارې کارېږي:
‏• IUI (Intrauterine Insemination) – سپرم مستقیماً د رحم دننه انتقالېږي.
‏• IVF (Test Tube Baby) – د ښځې هګۍ او د سړي سپرم په لابراتوار کې یوځای کېږي.
‏• ICSI (Intracytoplasmic S***m Injection) – یو سپرم په مستقیم ډول د هګۍ دننه اچول کېږي.

#نوټ :بې‌اولادي ډېری وخت درملنه لري، خو مهمه دا ده چې ډاکټر ته وختي مراجعه وشي.په خپل سر دوا ما خوزئ ځکه ډېر “د قدرت ګولۍ” یا “بوټي” سپرم زیانمنوي، او بله دا چه دواړه (مېړه او ښځه) باید یوځای معاینه شي، ځکه ستونزه یوازې د یوه کس نه وي.
معلومات درسره شیر کړئ د نورو معلوماتو لپاره پیج کې راسره ملګري شي مننه !!!!

04/12/2025

سلام او سهار مو پخیر
د لونګ حیرانوونکې ګټې
لونګ یو له هغو طبیعي درملو څخه دی چې په سنتي طب، هندي طب او یوناني طب کې یې ځانګړې ارزښت لري. د لونګ ګټې دومره دي چې د یوه لیست بیان یې هم ستونزمن وي، ان جونې یی په سندرو کې یادوي 😉
#مهمې ګټې:
1. بې‌خوبۍ له منځه وړي: که تاسو ښه خوب نه کوئ، لونګ ستاسو خوب ته آرام ورکوي.
2. د زړه د روغتیا ساتنه کوي: د زړه ناروغیو مخنیوی کوي او زړه ته قوت ورکوي.
3. حافظه قوي کوي: د ذهن فعالیت ښه کوي او د بدن حواسو تر منځ همغږي رامنځته کوي.
4. سینه پاکوي: ټوخی، بلغم او د ستوني درد کموي.
5. د بندونو درد کموي: د بدن دردونو لپاره یوه طبیعي مرهم دی.
6. معده او کولمو ته ګټه رسوي: د معدې او کولمو مکروبونه له منځه وړي.
7. خوله خوشبویه کوي: د خولې بوی له منځه وړي او صحت یې ساتي.
8. د ځیګر او پښتورګو ملاتړ کوي: د دې ارګانونو د روغتیا لپاره ګټور دی.
9.د پوستکي او وېښتانو ښکلا: مخ ته ځلا ورکوي او وېښتان قوي کوي
10.وینه پاکوي او فشار کنټرولوي: د شکر او لوړ فشار په تنظیم کې مرسته کوي.

د استعمال ساده طریقه
• که بې‌خوبۍ لرئ، د ماسپښین له لمانځه وروسته ۴ دانې لونګ په خوله کې نیم ساعت وساتئ، اوبه یې تیرې کړئ، بیا هم وخورئ.
• د ورځې په هره برخه کې ۳ دانې لونګ په خوله کې ونیسئ، ښه یې وچ کړئ او اوبه یې تیرې کړئ.
• که لږه معده ناسازه شوه، دا عادي ده، ځکه لونګ معده او کولمو ته پاکي ورکوي.
• که غواړئ قوي اثر ولري، کم لونګ په نیم لیټر اوبو کې جوش کړئ او ګرم یې وڅکئ.

04/12/2025

نن سبا د موسم مطابق کورني علاج

دلیمو ۱۸ مهمي ګټې، او په ورځنيو چارو کې د هغه استعمال:

لیمو په خپل ځان کې ډیري ګټي لري، او حتی د ډیرو ګټو له وجې ورته د پوره دوا خانې لقب ورکړه شوی، ځینې ګټې يې په لاند توګه درسره شریکوو.
۱- لیمو د هر رنګه وایرسونو سره تضاد لري، ځکه نو د زکام، پزه بهیدنه، سترګي بهیدنه، او دې ته ورته ټولو امراضو څخه انسان ساتي، لیمو د ویټامین سي خزانه بلل کیږي، او ویټامن سي عموما د داسې مرضونو تر ټولو غوره علاج بلل کیږي، د زکام په حالت کې که لیمو د ګرمو اوبو او چایو سره وخوړل شي، ډیر ګټور تمامیږي.

۲- لیمو د پښتورګو مرضونو لپاره ګټور ثابتیږي، د پښتورګي ډبره او خاوره له منځه وړي، او ټول هغه جراثیم وژني، چې د بولو په مجرا کې ژوند کوي.

۳- د بندونو د دردونو مخه نیسي، او روماتیزم په علاج کې ښه رول لوبوي، او همداسي اعصابو ته ارام ورکوي.

۴- که وڅښل شي، او یا په جلد باندي ولګول شي، د جلدي حساسیت لپاره ګټور تمامیږي.

۵- د ملریا، کولیرا، او ټای پایډ څخه د ژغورني لپاره کارول کیږي.

۶- د وټامن سي او روټین په نامه د مادې د موجودیت له کبله د رګونو دیوالونه تقویه کوي.

۷- د ښځو لپاره : په رحم کې دننه د ویني بهیدنه کمه وي.

۸- د صحت په ساتنه کې ګټور تمامیږي، او همداسي د جسم قوت مدافعه تقویه کوي.

۹- د مخدره موادو د نشې څخه د علاج لپاره کارول کیږي.

۱۰ – که هر سهار یوه ګلاس اوبو ته یوه قطره لیمو واچول شي، د جګر د ساتنې او په صفايي کی مهم رول لوبوي، او معده د زهریاتو څخه پاکه وي.

۱۱- په جسم کې طبیعي توازن ساتي.

۱۲- د سټریک په نامه تیزاب په لیمو کې وجود لري، کوم چي په پښتورګو کې د کالشیم پاته شوني او ډبرې جوړیدني مخه نیسي.

۱۳- د سرطاني او خبیثو اورامو د نمو مخه نیسي، او نه پریږدي چې هغه په چټکۍ سره وده وکړي، ځکه چې په لیمو کې جلیکوسایډس فلاون
وجود لري.

۱۴- د معدې چینجي له منځه وړي.

۱۵- د ویني فشار تنظیموي، او که چیري د ویني فشار لوړ سي، نو تر ټولو اسانه او چټک علاج یې مریض ته د لیمو جوس ورکول دي.

۱۶- د تنفسي امراضو لکه ربو د جانبي عوارضو مخه نیسي، او د ناروغي په تخفیف کې ګټور تمامیږي.

۱۷ – د سترګو د ډیرو مشکلاتو لپاره مفید مواد لري، ځکه چې په لیمو کې هسپیریډن په نامه ماده موجوده ده، کومه چې د سترګو د ډیرو مشکلاتو د مخنیوي لپاره کارول کیږي، او دسترګو دید صفا کوي.

۱۸- او څوک چې په شوګر مرض مبتلا وي، دهغه په وینه کې د شوګر د توازن سبب ګرځي.

*په ورځنیو چارو کې د لیمو استعمال او ګټي*:

۱- لیمو که په بدن باندي د زیتون د تیلو سره ولګول شي، نو دا ډیره زیات ګټور تمامیږي، او خصوصا په جلد کې چې کومي خلایاوي مړې شوي وي، د هغوی په را ژوندي کیدو کي مهم رول لري، او همداسي جلد ډیر ملایم او تر وتازه کوي، او همداسي د تورو داغونو څخه د علاج لپاره کار امد ثابتیږي.

۲- د وریښتانو د ښه علاج لپاره لیمو ډیر مهمه دوا ده، د لیمو جوس د وریښتانو غوړزګي ختموي، او د هغه غدې چې غوړي را باسي، تنظیموي، په شامپوګانو کې مهم جز همدا لیمو وي، خو باید هغه شامپو اختیار کړه سي، چې د رشتیا لیمو په کښي اضافه شوی وي. که د لیمو پوستکي جوش کړه سي او بیا د لمبېدو او وریښتانو د پریوللو وروسته په هغو اوبو غوړیږي، نو دا به وریښتانو ته ډیره ځلا ورکړي، او وریښتان به د ریچو او سپږو څخه وساتي.

۳- د غسل وروسته د خولو د بوی ورکولو لپاره هم کارول کیدای سي، او جسم د ښه بوی لپاره مهم رول لوبوي.

۴- د غاښونو د ژیړوالي د خاتمې لپاره هم ښه کار کوي، چې د غاښونو د کریم سره وکارول سي، او یا په یو ټکره باندي لیمو واچول شي، او غاښونو باندي وموښل شي.

۵- د نوکانو د تقویت او ښایست لپاره هم کار آمد ثابتیږي، چي د زیتون د تیلو تر څنګ په لیمو باندي نوکان غوړ سي.

03/12/2025

اسانه نسخه:

د فشار او بوج کمولو لپاره اسانه کورنۍ نسخه...

که څوک د لوړ فشار څخه ځوریږي او هر وخت يې سر ګنګس وې او پر سر يې بوج وي، خفه وي نو د دې لپاره بهترینه‌. علاج د (هېل) يا لاچې خوړل دی.

هل ته ځينې لاچي يا اييل هم وايي لاندې عکس کې يې ليدلی شئ او هر ځای پيدا کیږي،
د دې خوړل مو فشار او بوج کموي د تازه ګۍ احساس درکوي، نو کله چې چای څښئ يو څو دانې هل لاچې
هم ور اچوئ، هم به يې خوند جوړ وي او هم به مو فشار کنترول وي،
او سربيره پر دې د معدې ګیسونونو
ختمولو لپاره هم بهترین شی

03/12/2025

✅ د خورما مهمې روغتیایي ګټې

🫀 1. د زړه لپاره ډېره ګټوره

پوتاشیم لري → د وینې فشار کموي

د زړه د حملې خطر کمولی شي

---

🧠 2. د دماغ او اعصابو لپاره

مګنیزیم او ویټامین B لري

حافظه ښه کوي

د ستړیا او ژور خپګان مخه نیسي

---

💪 3. بدن ته فوري انرژي ورکوي

طبیعي شکر (Glucose & Fructose) لري

د کمزورۍ، روژې او ستړیا لپاره ډېره ګټوره

---

🩸 4. د وینې کمښت (Anemia) لپاره

اوسپنه (Iron) لري

د هیموګلوبین کچه لوړوي

---

🤰 5. د امیندوارو ښځو لپاره

د ماشوم د ودې لپاره ګټوره

د ولادت اسانتیا کې مرسته کوي

د رحم عضلات پیاوړي کوي

---

💩 6. قبض له منځه وړي

فایبر لري

هاضمه ښه کوي

د معدې حرکات منظموي

---

🦴 7. د هډوکو لپاره

کلسیم، فاسفورس او مګنیزیم لري

د هډوکو کمزوري مخه نیسي

---

🛡️ 8. د وجود دفاعي سیستم قوي کوي

انټي‌اکسیډانټ لري

له سرطان او مکروبونو ساتنه کوي

---

⚠️ د خورما د استعمال احتیاط

❌ د شکر ناروغان:

ډېر مه خوري

په ورځ کې ۱–۲ دانو نه زیات نه

❌ د وزن زیاتوالي:

خورما کالوري زیاته لري

ډېر خوراک وزن زیاتوي

---

✅ د خورما غوره استعمال

سهار تش نس

د شیدو سره

د روژې په وخت افطار کې

د کمزورۍ وروسته

03/12/2025

📢 د شاتو 15 مهمې طبي ګټې 🍯 :

_ د انرژۍ د چټک زیاتوالي لپاره طبیعي سرچینه ده.
_ د بدن معافیت ځواک لوړوي او د ناروغیو په مخنیوي کې مرسته کوي.
_ د ستوني درد او ټوخي په آرامولو کې خورا اغېزمن دی.
_ د هاضمې سیستم ښه کوي او قبض کموي.
_ د معدې التهابات او ګاز لپاره نرم او طبیعي درمل دی.
_ د زخمونو په ژر رغېدو کې مرسته کوي (انتي بکتریایي خاصیت لري).
_ د زړه د ناروغیو خطر کموي او وینې دوران ښه کوي.
_ د مایکروب ضد او فنګس ضد ځانګړتیاوې لري.
_ د پوستکي صفایي، نرموالي او داغونو کمولو کې مرسته کوي.
_ د خوب کیفیت ښه کوي، په ځانګړي ډول که له ګرمو اوبو سره وخوړل شي.
_ د شکر طبیعی بدیل دی او د انرژۍ ثابت جریان برابروي.
_ د فشار کمولو او ذهني آرام لپاره ګټور دی.
_ د کبد (جګر) صفايي او د زهري موادو په ایستلو کې مرسته کوي.
_ د وزن کمولو پروسه کې مرسته کوي (که په خالي معده او ګرمو اوبو سره وکارول شي).
_ د کولمو ښه باکتریاوې زیاتوي او د بدن عمومي مقاومت لوړوي.

03/12/2025

وچ انځر ولې د مېرمنو لپاره ګټور دي؟
د انځر ونې مېوه مېرمنو ته ځانګړې ګټه لري. وچ انځر ډیر فولیک اسید لري. له همدې امله نسایی پوهان د مېوو خوړلو وړاندیز کوي کله چې ښځه پلان لري امیندواره شي. فولیک اسید پلاسیټا ساتي.

ولې وچې انځر د میرمنو لپاره ګټور دي؟

وچې مېوې د حیض پرمهال لږې ګټورې ندي ، ځکه چې دا درد کموي. سربېره پردې، د دماغ فعالیت فعالولو او مزاج ښه کولو لپاره په ذهني کار کې بوختو مېرمنو لپاره د انځر مصرف سپارښتنه کیږي.

په مېوو کې موجود منرالونه د وېښتو ، پوټکي او نوکانو له منفي بهرني تاثیراتو څخه ساتنه کې مرسته کوي ، له همدې امله انځر د ډېری کاسمیټیکونو په جوړولو کې کارول کیږي.

ولې وچې انځر د امیندوارۍ پرمهال ښه دي؟

د ښځینه متخصصینو په وینا ، دا په ځانګړي توګه مهم دی چې د انځر مېوه په دوه یمه او درېیمه درې میاشتني رژیم کې شامله کړئ. د مېوو خوړل کار اسانه کوي ، کار ګړندی او اسانه دی ، حتی د مېرمنو لپاره چې لومړی ماشوم لري.

ولې وچ انځر د نارینه وو لپاره ګټور دي؟

د انځر ونې وچې مېوې د قوي جنس لپاره لږ ګټور نه دي. د دوی کارول په ځواک مثبت اغېزه لري ، د پروسټاټایټس او د نارینه تناسلي سیسټم نورو ناروغیو درملنه کې مرسته کوي.

سربیره پردې ، وچ انځر:

د نارینه تناسلي روغتیا ته وده ورکوي.

د وینې جریان ښه کوي؛

د خراب کولیسټرول کچه راټیټوي

په معده کې د غوړ سوځولو کې مرسته کوي.

د ماشومانو رنځپوهان د انځر لپاره ځانګړی چلند لري ، ځکه چې پدې کې لوی مقدار ویټامینونه ، مایکرویلیمینټونه شتون لري چې په وده کونکي بدن ګټور اغیزه لري.

د یو کال څخه کم عمر لرونکي ماشوم لپاره یوه ورځ ، 1 وچه میوه کافي ده ، کوم چې په کوچنیو برخو کې 2-3 ځله ورکول کیږي. دا ټول د ګړندي کاربوهایډریټونو په اړه دي چې کولی شي د ماشوم روغتیا ته زیان ورسوي.

تبصره! د یو کال څخه کم عمر لرونکي ماشومانو لپاره (په ځانګړي توګه له 9 میاشتو څخه) ، که امکان ولري ، نو غوره ده چې تازه پخه میوه ورکړئ. تاسو باید لومړی د ماشومانو رنځپوه سره مشوره وکړئ مګر وچې میوې ماشومانو ته هم ورکول کېدی شي ، ځکه چې:

ماشومان له قبض څخه وژغوري. د دغه کار کولو لپاره ، مېوې ټوټې کیږي او ماشومانو ته د جلاب په توګه ورکول کیږي. که مطلوب اغېز د یو ټاکلي وخت وروسته ونه لیدل شي ، درمل اخيستل کیږي.

وچې انځر د شيدو ورکولو پرمهال

د ماشوم زېږون وروسته ، ډېرې مېرمنې خپل رژیم ته بیاکتنه کوي، یوازې صحي خواړه خوري. په هرصورت ، ماشومان د مور شېدو سره د ودې لپاره اړین ټول توکي ترلاسه کوي.

که ځینې خواړه باید له رژیم څخه حذف شي، نو وچ انځر د نرسنګ میندو لپاره خورا اړین دي. سربیره پردې ، دا باید هره ورځ د کارولو لپاره لازمي شي.

پاملرنه! که ، د ماشوم زیږون وروسته ، که یوه ښځه د لومړي ځل لپاره د انځر میوه وخوري ، نو دا اړینه ده چې د هغې وضعیت او ماشوم وڅیړل شي: د محصول رد او د الرجیک عکس العمل شتون نلري..

دا معلومات له خپلو ملګرو سره شریک کړی.

02/12/2025

عجیبه ناروغی ده
د ويلسن ناروغي (Wilson’s Disease) يوه نادره، مورثي ناروغي ده، چې پکې بدن دا توان نه لري چې اضافي *مس* له بدن څخه وباسي. دا مس په خاص ډول په ځيګر، مغز، سترګو او نورو غړو کې جمع کېږي، او په وخت سره دا زهرجن مس کولی شي چې د ځيګر جدي زيان، دماغي ستونزې، عصبي نښې نښانې او نورې روغتيايي ستونزې رامنځته کړي.
د ويلسن ناروغۍ نښې نښانې:
- د ځيګر ستونزې: د ځيګر التهاب، نس ناستې، ستړيا
- عصبي نښې: لړزه، خبرې او تګ کې ستونزې، اختلال
- ذهني بدلونونه: خفګان، د حافظې کمزوري
- د سترګو حلقوي نښې: Kayser-Fleischer rings (د مس حلقې شاوخوا د سترګو قرنيه کې)
لامل:
د ATP7B جین کې تغیر (mutation) چې د مس طبيعي لېرې کولو مخه نيسي.
درملنه:
- د مس له منځه وړو درمل لکه Penicillamine یا Trientine
- زینک چې د مس جذب کموي
- د خوړو محدودول: له زيات مس لرونکو خوړو لکه جگر، مغزياتو او شکلات څخه ډډه کول
- د ځیګر پيوند (Transplant) په شديدو حالاتو کې
دا يوه دوامداره خو درمل کېدونکې ناروغي ده که پر وخت تشخیص او درملنه وشي.
#تابش -طبي-لابراتوار

02/12/2025

او کله چی مونږ د پیاز ګټی اعلان کړو

01/12/2025

هغع ناروغی چی اکثر خلک پری اخسته دی او خبر ندی
Pompholyx کوم ډول جلدی ناروغی ده 👇

Pompholyx څه شی دی؟

یا Dyshidrotic Eczema یو ډول اکزیما ده چې په لاسونو او پښو کې د واښو په څېر وړې اوبه ډکې دانې (blisters) جوړوي.
معمولاً خارښت، سوخت، وچوالی او پوستکي ټوټې کېدل ورسره وي.

دا ناروغي د حساس پوستکی، الرژۍ او فشار (Stress) سره ډېر تړاو لري.

اعراض او علایم (Symptoms)

1️⃣ وړې اوبه ډکې دانې (blisters)

زیاتره په ګوتو، لاسونو او پښو کې

ډېر خارښت لري

کله چی وچ شي، پوستکی ټوټې ټوټې کېږي

2️⃣ شدید خارښت (itching)

تر پړسوب او سوروالی مخکې او وروسته

3️⃣ وچوالی او پوستکي ژاړیږي

د blister وچېدو وروسته

4️⃣ درد یا burning sensation

5️⃣ په شدید حالت کې:

دانې سره یوځای کېږي

ثانوي بکتریايي انفکشن پیدا کېدای شي

د Pompholyx اسباب (Causes)

دقیق علت یې معلوم نه دی، خو تر ټولو مهم عوامل:

1️⃣ Stress او ذهني فشار (تر ټولو عام محرک)

2️⃣ د لاسونو ډیر لندوالي یا پرله‌پسې مینځل

3️⃣ Allergies

Nickel حساسیت

Cobalt حساسیت

د صابون/کیمیاوي موادو حساسیت

4️⃣ Atopic dermatitis لرل

5️⃣ پوستکي مکروبونه یا فنګس

6️⃣ ګرم موسم او خوله زیاتوالی

تشخیص (Diagnosis)

ډاکټر معمولاً د پوستکي معاینه کوي. ځینې وخت د فنګس لپاره KOH test یا culture کوي.

تداوي (Treatment)

درملنه د شدت پر اساس ده:

🟢 1) د خفیف ډول لپاره:

✔ Topical steroids (کمزورې درجې)

Hydrocortisone 1%

✔ Moisturizers

د وچوالي کمولو لپاره

Vaseline یا ceramide creams

2) د متوسط او شدید حالت لپاره:

✔ قوي Steroid کریمونه

Betamethasone

Clobetasol

Mometasone

✔ Cold compresses

د خارښت کمولو لپاره

✔ Oral antihistamines

Loratadine

Cetirizine

Hydroxyzine (که خارښت ډېر وي)

3) که د فنګس یا بکتریا شک وي:

Antifungal creams

Antibiotics که infection موجود وي

4) د سختو او بیا بیا تکرارېدونکو حالتونو لپاره:

Phototherapy (UV light treatment)

Oral steroids (په شدیدو flare-up کې)

Immunosuppressive drugs لکه:

Tacrolimus ointment

Cyclosporine (ډېر نادر استعمال)

د Pompholyx مخنیوی (Prevention)

1️⃣ د کیمیاوي موادو څخه ځان ساتل

د کور کارونو پر وخت دستکشې

2️⃣ د لاسونو د ډېرې اوبه نه کارول

لاسونه زیات مه مینځه

د اوبو نه کارولو وروسته سمدستي کریم ووهه

3️⃣ Stress کمول

د ارام تمرینونه، صحتمند خوب

4️⃣ د Nickel او Cobalt لرونکي شیان کمول

ارزانه ګاڼې

د فلزي ساعت بندونه

5️⃣ د ډېرې خولې مخنیوی

لاسونه وچ وساتئ

6️⃣ Moisturizer د ورځي څو ځله استعمالول

01/12/2025

ډسر مهم معلومات
*:Cushing’s Syndrome کوشینګ سنډروم*

کوشینګ سنډروم یوه جدي هورموني اختلال دی، چې د بدن د کورتیزول په نوم د یو مهم هورمون د زیاتوالي له امله رامنځته کېږي.
کورتیزول یو مهم "سټریس هورمون" دی، چې د بدن د فزیکي او رواني فشار، میتابولیزم، د شکرې تنظیم، د وینې د فشار کنټرول، او د التهاب ضد فعالیتونو کې مهم رول لري.
په عادي حالت کې، کورتیزول د مغز د پچوترۍ غدې (pituitary gland) له خوا د ACTH هورمون په مرسته د ادرینال غدو (adrenal glands) لخوا تولیدېږي. خو کله چې د دې سیستم یو ځای خرابیږي او کورتیزول تر اړتیا زیات شي، نو کوشینګ سنډروم منځ ته راځي.

*د کوشینګ سنډروم اصلي لاملونه:*
لاملونه یی پر دوه ډوله دي:
1. *Exogenous:*
د کورتیزول مصنوعي بڼه (لکه Prednisone یا Dexamethasone) د اوږدې مودې لپاره اخیستل چي دا تر ټولو عام علت دی.

1. *Endocrine:*
Cushing's disease
Adrenal adenoma/carcinoma
Ectopic ACTH syndrome

*علامې او نښې نښانې:*
د مخ پړسوب او غټوالی (Moon face), د غاړې او شا غوړوالی (Buffalo hump), د خېټې غوټه کېدل او د پښو/لاسونو لاغري, ارغواني لیکې (Striae) پر خېټه او بدن, د پوستکي نری کېدل او ژر زخمي کېدل, لوړ د ویني فشار، شکرې ته ورته نښې، خولې او لوږي زیاتوالی، خپګان، غصه، حافظې کمزوري، د حیض ګډوډي یا بندېدل (په ښځو) او د جنسي لیوالتیا کمېدل

*تشخیص:*
24-hour urinary free cortisol test
Dexamethasone suppression test
Late-night salivary cortisol
ACTH level
MRI/CT scan

*تفریقي تشخیص (Differential Diagnosis):*
Pseudo-Cushing (د فشار، الکول یا ژور خپګان له امله)
شکره یا زیات وزن لرل
Polycystic O***y Syndrome (PCOS)

*عوارض:*
شکره (Type 2 diabetes)، د وینې لوړ فشار (Hypertension)، د هډوکو کمزوري (Osteoporosis)، د زړه ناروغۍ، رواني اختلالات او د ناروغیو پر وړاندې کم مقاومت (Infections)

*درملنه:*
1. د سټرایډ درملو بندول یا کمول (که یی علت وي).
2. جراحي، د پچوترۍ یا ادرینال غدې ټومور لرې کول.
3. درمل
Ketoconazole, Metyrapone
4. شعاع درماني یا ادرینالکتومي که جراحي ممکن نه وي.
-------------

Tabish Medical Laboratory

05/12/2025

05/12/2025

04/12/2025

04/12/2025

03/12/2025

03/12/2025

03/12/2025

03/12/2025

02/12/2025

02/12/2025

01/12/2025

01/12/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	07:00 - 19:00
Tuesday	07:00 - 19:00
Wednesday	07:00 - 19:00
Thursday	07:00 - 19:00
Saturday	07:00 - 19:00
Sunday	07:00 - 19:00