Ghazi Amanullah Khan Institute Of Health Sciences (2024)

02/02/2024

د جمعې د ورځې رخصتۍ څخه په استفادې د غازي امان الله خان د روغتیایي علومو انسټيټیوټ رئیس او ورسره اداري همکارانو د وطن جنتي څنډې کنړ ته تفریحي سفر وکړو.
وطن دې اباد وي.

31/01/2024

غازي امان الله خان د روغتیایي علومو انسټیټیوټ
د نیمه طبي زده کړو لپاره باوري ادرس.

30/01/2024

غازي امان الله خان د روغتیایي علومو انسټیټیوټ مو د مسلکي، باتجربه او غوره استاذانو په درلودلو سره په نیمه طبی لوړو زده کړو کې تر خپلو خوبونو رسوي.
د 1403 کال بهاري کانکور لپاره نوم لیکنه جریان لري.
له دې زرین چانس څخه ګټه واخلئ او له مونږ سره یو ځای شئ.
زمونو ژمنتیا د غوره او باکیفیته زده کړو لپاره.

27/01/2024

د هېواد د جید عالم او د قرآنکریم د کمساري قاري استاد برکت الله سلیم وفات د هغوی کورنۍ، شاګردانو، دوستانو او هېوادوالو ته تسلیت وایو.
قاري صیب برکت الله د هغې د خوږ غږ له امله په ملي او نړېواله کچه ډېر شهرت پیداکړی وو.
د غازي امان الله خان د روغتیایي علومو انسټیټیوټ د قاري صیب برکت مړينه لویه ضایع بولي.

انالله و انا الیه راجعون.

26/01/2024

که په منځني طب کې د معیاري زده کړو هیله لرئ، نو د غازي امان الله خان روغتیایي علومو انسټیټیوټ مو دا خوب په حقیقت بدلوي.
د ۱۴۰۳ کال بهاري ازموینې لپاره نوم لیکنه جریان لري.
زمونږ ژمنتیا د غوره او باکیفیته زده کړو لپاره

24/01/2024

د غازي امان الله خان روغتیايي علومو انیستیتوت پروتېز څانګې، د دریم سمسټر محصلینو ته، د afghan ideal second branch کې، د simplest ماشین او furnace porcelain او opaque مرحله په عملي بڼه وړاندي شوه
مونږ ستاسو د اولادونو روښانه راتلونکې ته ژمن یو.

23/01/2024

غازي امان الله خان روغتيايى علومو انستيتيوت لومړې دوری 25 تنو ستاژرانو ته دولتی تصدیقونه وویشل شو !
دوشنبه 3/11/1402
د غازي امان الله خان روغتيايى علومو انستيتيوت 25 تنو ستاژرانوته تصدیقونه وویشل شو او ټولني ته د خدمت په موخه وړاندې شو،
د یادو ستاژرانو د تصدیقونو د ویش مراسم د انستیتوت په انګړ کي جوړ شوي وو، چي د ننګرهار عامى روغتيا ریاست استازی، د بی بی فاطمه الزهراولایتي روغتون امرمتخصص فضل الله سیرت د ياد انستيتوت مشرتابه ، دانستيتيوت استادانو ، محصلینو، د ستاژدوری څخه فارغو خویندو او ورونو ، د فارغانو والدينو، د انستيتيوت اداري او خدماتي پرسونل او د ننګرهارعامو علم پروره وګړو ګډون کړې وه.
مراسم له مذهبي دود او اجنډا سره سم د قرآن کريم په تلاوت سره پيل شول.
ورپسى د انستيتيوت مشرتابه پرانستې وينا وکړه د غونډې برخه والوته يى ښه راغلاست ووايه او له هغوی څخه يې د تشريف راوړلو له امله مننه وکړه او د ستاژ دوری فارغانو ته يى لازمى سپارښتنې وکړې،دانستيتيوت مشرتابه وويل، دا چي د هيواد علمي او مسلکي آبادي د تعليمي او تحصيلي ادارو مسؤليت دی، ځکه نو د غازي امان الله خان انستیتوت اداره تل هڅه کوي چي په باکيفيته او معياري ډول ځوان کادرونه وروزي، د کار وړتيا پکښي پيدا کړي او په دې ډول د هيواد په معنوي آبادولو کي خپل رسالت په ښه ډول اداء کړي ،او فارغانوته یی د دی ستری لاسته راوړنې په پارمبارکی وویله ،همدارنګه د انستیتیوت مشرتابه د خپلو خبرو په ترڅ کې د ننګرهار دولتی روغتونونو له مسئولینو د زړه له تله مننه وکړه چی د ستاژرانو په روزلوکې یی پوره زیارګاللې،
ور پسې د بی بی فاطمة الزهراولایتی روغتون امر دوکتورفضل الله سیرت وينا وکړه،ستاژر داکترانوته يې د هغوی د دوری د تکمیلیدو په پارمبارکی وویله، ـ او هيله يې څرګنده کړه چي دولتي او خصوصي سکټور د دغو نويو او ځوانو کادرونو له پاره د کار فرصتونه برابر کړي او فارغانو سره يى بيلابيلو برخو کې د خدمت کولو ژمنه وکړه هيله يې څرګنده کړه چي هغوی په خپله کاري ساحه او دغه ستره لاسته راوړنه یی د اداری لپاره ویاړ وباله ،
او همدارنګه د تکنالوژي څانګي لپاره دتابش طبي لابراتوار او ټرينګ سنټر او دغاښونو په برخه کي دافغان ايډل ليباټري سره دعملي کار هوکړه ليکونه لاسليک شو
ورپسې دانستيتيوت مشرتابه راغلیو میلمنو ته د قدردانی په پار چپني ډالۍ کړې٠
وروسته فارغانو ته تصدیقونه ، وویشل شو او غونډه د مفتي امان الله امين له لوری په دعاسره پاى ته ورسيدله ٠

درنښت
نشراتو څانګه

09/01/2024

بسم الله الرحمن الرحیم
نن سه شنبه د غازي امان الله خان روغتیایي علومو انسټيټيوټ د دویم ګروپ ۳۵ پنځه دېرش تنه د قابلګۍ څانګې ډاکټر صاحبانو خپل عملي کار (ستاژ) په بي بي فاطمه الزهرا روغتون کې د یو لړ مراسمو په ترڅ کې پیل کړ، یاد محصلین به خپلې عملې زده کړې د دریو میاشتو په موده کې بشپړې کړي.
زمونږ ژمنتیا د غوره او باکیفیته زده کړو لپاره.

08/01/2024

بسم الله الرحمن الرحیم
نن ورځ دوشنبه د غازي امان الله خان انسټیټيوټ د پروتېز څانګې د دریم سمسټر محصلین، دسیرامیک مضمون Furnace او Casting machin عملي زده کړو پرمهال.

زمونږ ژمنتیا د غوره او باکیفیته زده کړو لپاره

02/12/2023

شل فيصده ازموينه په نارمل شکل دوام لري
#دازمويني دريمه ورځ

29/11/2023

شل فيصده ازموينې په عادي شکل دوام لري
#دازمويني دوهمه ورځ

27/11/2023

غازي امان الله خان دروغتيايي علومو انستیتوت نن
دوشنبه د قوس( لیندۍ) میاشتې په 6مه نېټه
د انستیتوت د ازموينې کمېټې د مهالوېش سره سم د شل فیصده ازموينو دبهير پرانسته د قرآن کريم د څو مبارکو آيتونو په تلاوت سره وکړه . د انستيتيوت ريس محمود الحسن مکي د ازموينې د پرانستې په غونډه کى ياداوري وکړه چي له تخنيکي او تجهيزاتي پلوه د دغو آزموينو له پاره لازم چمتووالی نيول شویدی او ټولی ازموینې د کمېټې د اعضاو د نظارت او څار لاندې اخستل کیږي. همدارنګه د شفافيت تأمين تر څنګ د نظم پر تأمين هم د محصلانو چارومدير انجنير محمد شفيق رفيقي ټینګار وکـــړ! د غونډى په پاى کې د ټولو ډيپارتمنتو آړوند محصلينو ته د پوښتنپاڼې په ورکولو سره دازموينو بهير پېل سو،

درنښت

22/11/2023

غازي امان الله خان دروغتيايى علومو انستيتيوت اداري ناسته ترسره شوه
نن چهارشنبه د روان ۱۴۰۲ ه ش کال د (قوس) مياشتې په لمړي نېټه غازي امان الله خان د روغتيايــى علومو انسټيټيوټ اداري ناسته ترسره شوه !
په ياده ناسته کـــــي د شل فيصده ازموینو د بهیر د پېل ، نوښتونو، د استادانو په پيشنهادونو ،او يولړ نورو مهمو موضوعاتو بحث او خبرې وشوى، نظــريات تـــبادله او لازم تصاميم ونيول شـو، د انستيتيوت ريس محمود الحسن (مکي) د ازموینو پروخت د بشپړ شفافیت او په خپل وخت د ازموینو اخستلو ډاډ ورکړ او د ازموینو د بهیر د لا غوراوي په پار یی په ټولو مسئولینو ټینګار وکړ ؛ موږ د اداري کړنو د بهبود په موخه له ټـــولــــــو شته امکاناتو څخه د غوره اکادميکو او با تجربه اشخاصو پرمټ ګټه اخلـو د یادولو وړ ده چې په ياده ناسته کـــې د غازي امان الله خان روغتيايى علومو انستيتيوت رئیس محمودالحسن مکي،عمومي کنترولر اسرار احمد احمدي، محصلانو چــــارو مدير انجنير محمد شفيق رفيقي، او معلوماتو برخى مدير انجنير صفي الله لطیفي شتون درلود. موخه مو د غوره خدماتو وړاندې کـــول دي موږ هڅه کــوو ترڅــو ســـــتاسو اولادونه په نيمه لوړومختلفو روغتيايى برخوکې په لوړ معيار سره وروزو ٠

درنښت

30/10/2023

د هوګی حیرانو ونکې ګټې :
له لوستلو وروسته یي خوړل مه هیروئ
په تیرو وختونو کې ټول پیژندل شوي حکیمان د زیات شمیر ناروغیو لپاره هوګه د درمل په توګه کاروله. اوسنی ساینس هم ثابته کړې چې هوګه بې شمیره روغتیايي ګټې لري.
دلته مو د هوګې له ځینو هغو ګټو سره چې روغتیايي ژوند بدلولی شي سره اشنا کوو:
۱- اوومه هوګه د باکتریا ضد خاصیت لرلو سره د مثانې د ناروغیو مخه نیسي.
۲- په طبیعي ډول باکتریا له منځه وړي.
۳- په هوګې کې شته روغتیايي مرکبات د زړه د حملې مخه نیسي.
۴- د وینې فشار نورمالوي.
۵- د زړه د له منځه تللو څخه مخنیوی کوي.
۶- د سږو د سرطان مخه نیسي.
۷- د دماغو د سرطان څخه مخنیوی کوي.
۸- د پروستات د سرطان مخه نیسي.
۹- هوګه د الیسین (Allicine) نومې مواد لري کوم چې پیاوړی روغتیايي خواص لري.
۱۰- د ناروغیو په وړاندې مقاومت زیاتوي.
۱۱- د زکام په وړاندې تر ټولو ستر خنډ جوړوي.
۱۲- د کولسټرول د زیاتیدو مخه نیسي.
۱۳- په انسان کې د الزایمر د ناروغۍ میکروبونه وژني.
۱۴- د عقل د زوال څخه مخنیوی کوي.
۱۵- د انسان روغتیايي ستونزې حلولو سره عمر زیاتوي.
۱۶- له هوګې څخه جوړ شوي خواړه ورزشي وړتیاوې زیاتوي.
۱۷- له بدن څخه پیاوړی او غښتلی زهري مواد خارجوي.
۱۸- هډوکي غښتلی کوي او له ناروغیو څخه يي مخنیوی کوي.
۱۹- د اوسپنې میتابولیزم غښتلی کوي.
۲۰- د وزن زیاتیدو حجرات کنټرولوي.
۲۱- د ښایسته او غوره ویښتانو په شنه کیدو کې له اندازې زیاته مرسته کوي.
۲۲- د ستونې درد لپاره: د هوګې یوه پلۍ دوه ټوټې کړئ او دواړو غومبورو کې يي ځای پر ځای کړئ. د هوګې د میده کولو هڅه وکړئ. په هوګې کې شته مرکبات په ستونې کې شته هغه باکتریاوې چې د ستونې د درد لامل شوی له منځه وړي.
۲۳- تازه هوګه خوړل د پوزې په خلاصولو کې ډیره زیاته مرسته کوي.
۲۴- په هوګې کې شته د سلفر (Sulfur) مرکبات د پړسوب مخه نیسي.

29/10/2023

انار د ډېرو نارغیو درمل!

انار د هر چا او د هر کور مهم ضرورت دی دا يو طبعي ميوه ده چي ښکلی شکل او ښکلي دانې لري
د انار دانې او پوستکی د مختلفوامراضولپاره ګټوردي لکه : د خېټې درد د دې خلک کولی شي چې انار دانې اوبو کې اومښي مالګه او تورمرچ د ضرورت په اندازه ورسره يوځاي کړي نو هغه څوک چې د خېټې له درده زوریږي ورسره به روغ شي.
• د زيړي لپاره زيات استعماليږي .
• زړه ،پښتورګی او جيګر قوي کوي د تندې لپاره هم ګټور دي.
• وينه صفا کوي، زياتوي او وجود ته وده ورکوي کوم مريض چې د مرض څخه وروسته ضعيف وي نو هغه ته د دوا په طريقه انار ورکړي روغ به سي.
•دانې يي هم هاضمه جوړوي او اسهال دروي سيلان خون،بواسيرخوني او داسې نورو امراضو لپاره دوا ده .
• پوستکي يي زخمونو اود ګيډې چينجيو لپاره استعماليږي.
• تروه انار هم زړه، جيګر، زيړي او تبې لپاره ګټور ثابتیدای شي.
• د تروه انارو پوستکي چې ښه ميوه يي او سياه دانه ورسره يوځاي شي د اعصابو او معدې لپاره فايده لري.
• انار يوه نرمه غذا ده د وجود حرارت نارمل ساتي او په انارو کې د اجزاء شاملې دي لحميه شکر، کلسيم فارسفورس او فولاد.
• لوړه پيدا کوي يعنې اشتها راولي ،صفراوي،استفراق لپاره د انارو دانې استعماليږي.
• د وچ او لوند خارښت لپاره د انارو دانې استعمال فايده لري.

23/10/2023

د غازي امان الله خان روغتيايي علومو انستیتوت بنسټګر اداري اوتدريسي پرسونل
د افغانستان د کرکټ ملي لوبډلې له لورې د پاکستان لوبډلې ته د سختې ماتې ورکول دې ټول ملت په ځآنګړي ډول هغه وطندارانو ته مبارک وي چې د پنجاب په زندانونو کې اوس هم بندیان دي.
دغه تاریخي بریا دې هغه کډوالو ته مبارک وي چې پنجاب ورته د کډوالۍ پر مهال اباد کورونه وران او ورته یې جوړه زندګي ړنګه کړه.
دا بریا دې ټولو هغه پښتنو ته مبارک وي چې په اوسنۍ بریا خوښ دي.
اتلان دې ژوندي وي چې خوږ افغانستان ته ویاړونه او موږ ته خوښۍ را بخښي.💖💪🏏🇦🇫

18/10/2023

د انګورو شپږ هغه ځانګړې ګټې چې حیران به مو کړي

انګور یو له هغو میوو څخه دی چې په خپل موسم کې تر ټولو زیاته خوړل کیږي، او ډیر کم شمېر خلک به داسې وي چې دغه خوندوره او بېلا بېلا ډولونه لرونکې میوه نه خوښوي.

خو انګور یوازې د خوږوالي لپاره نه دی چې وخوړل شي، بلکې د روغتیا لپاره یو شمېر ګټې لري، انګور ډول ډول رنګونه لري چې هر ډول یې بازار کې بېلا بېل نرخونه لري، لکه شین، سور، آبي، بانجاني او تور.

انګور روغتیا ته کوم ډول ګټه رسوي؟

د اکسایډ ضد مادې ستره سرچینه ده

انګور په لوړه کچه د اکسایډ ضد ماده لري، لکه کیروټین، پولي فینولز او داسې نورې مادې، د ډول ډول روغتیایي څیړنیز راپورونو سره سم د اکسایډ ضد مادې د زړه په پیاوړلو کې خورا ګټور دی او د یو ځانګړي ډول سرطان ګواښ هم کموي.

بل دا چې انګور په بدن کې هغه خطرناک ذرات چې زیان رسوي مخنیوي کې مرسته کوي، چې ورسره د وینې رګونو روغتیا ته نوره وده هم ورکوي، په مرسته یې د وینې جریان غوره کیږي او د وینې فشار کچه ټيټیږي.

پوستکي ته ګټه رسوي

په انګور کې هغه برخې شته چې د عمر په تېریدو د انسان په بدن کې د زوړوالي او یا د پوستکي غونجوالي ستونزو مخنیوي کې مرسته کوي، د امریکا ایالت کلفورنیا پوهنتون کې د یوې ترسره شوې څیړنې په ترڅ کې ویل شوي چې په انګور کې شته برخه چې resveratrol نومیږي، هغه باکتریاوې له منځه وړي چې په پوستکي دانې رامنځته کوي.

سترګو لپاره ګټور دي

د میامي پوهنتون په یوه څیړنه کې د انګورو خوړلو ګټه ترمخ شوې ده، هغه کسان چې انګور ډیر خوري د سترګو دید یې پیاوړی کیږي، څیړنې زیاته کړې چې انګور خوړلو سره د سترګو زیانونکي مواد کمیږي او سترګې له DNA څخه ژغوري چې په مرسته یې د صحي حجرو ساتنه کیږي او په پایله کې د سترګو دید/نظر ته ګټه رسوي.

ذهنې روغتیا لوړوي

د کلفورنیا پوهنتون په یوه څیړنه کې څرګنده شوې چې د انګور خوړلو ورځنی عادت د انسان دماغ له کمزوري کولو ساتي، په څیړنه کې ویل شوي چې انګور خوړلو سره د هغو شیانو مخه نېول کیږي چې ذهني کمزورتیا یا حافظې کمزوري (الزائمر) رامنځته کوي.

د بندونو لپاره غوره خواړه دي

د ټیکساس پوهنتون له انګورو څخه د روغتیایي ګټو پورته کولو څیړنې ښودلې چې دغه تازه مېوه خوړل په خلکو کې د بندونو دردونو ښه کولو کې مرسته کوي، څیړنه کې ویل شوي چې په انګورو کې د اکسایډ ضد ماده په بندونو کې غوړوالی رامنځته کوي او فعاله یې ساتي.

د پوټاشیم ترلاسه کولو ښه سرچینه ده

په سل ګرامه انګورو کې ۱۹۱ ملي ګرامه پوټاشیم موجود وي، د پوټاشیم استعمال بدن ته له یو شمېر لارو ګټه رسوي، پوټاشیم بدن کې د وینې لوړ فشار ټيټوي، اضافي کولیسټرول کموي او د زړه روغتیا ته هم ګټه رسوي، په یوه څیړنه کې ویل شوي چې پوټاشیم په خیټه کې د ګازو ستونزې هم له منځه وړي.

په یاد ولرئ چې انګورو پسې یخې اوبه څښل په معده بوج راولي او د خیټې خرابولي لامل کیږي، همدا ډول د انګورو پوستکی که وچ شي او بیا وسوزول شي نو ایره يې د ډېرو زخمونو لپاره کارول کېږي

15/10/2023

د نویو محصلینو ښه راغلاست او د ممتازو محصلینو ستاینغونډه ترسره شوه.

غازي امان الله خان د روغتیایي علومو انسټیټوټ د خزاني کانکور ازموینې د نویو جذب شویو محصلینو ښه راغلاست او د ممتازو محصلینو ستاینې لپاره نن «چهارشنبه» غونډه ترسره کړه.

په دې غونډه کې دغازي امان الله خان روغتیايي علومو انسټیټوټ رئیس محمودالحسن مکي نویو محصلینو ته ښه راغلاست ووایه او د بیلابیلو څانګو ټولو ممتازو محصلینو ته یې مبارکي ورکړه، چې د خپلو ټولګیو د اول دویم او دریم مقامونه یې ترلاسه کړي وو.

نوموړي پخپلو خبرو کې وویل، چې د تدریسي پلان ترڅنګ د محصلینو ظرفیت لوړونې لپاره نور بیلا بیل علمي پروګرامونه هم ترسره کوي

په دې غونډه کې مالي او اداري مرستیال ښاغلي انجینیر احسان الله حسيني د انسټیټوټ د اداري کارکوونکو او دارنګه د نظم او دسپیلین په اړه نویو محصلینو ته معلومات وړاندې کړل .

د استادانو په استازیتوب ښاغلي ډاکتر خالد په خپلو خبرو کې خوښي وښوده چې ددې اکاډمیک کاروان ملګری دی، نوموړي زیاته کړه لا زیاتې هڅې به وکړي ترڅو د ښه خدمت مصدر شي.

د غونډې وروستۍ برخه کې د ټولګیو د لومړي، دویم او دریم مقام ګټونکو او ټولګیو نماینده ګانو ته ستاینلیکونه ورکړل شول

په درنښت
د نشراتو امریت

15/10/2023

له دردونو د نجات لپاره ليمو استعمال کړئ

تاسي به د ليمو د استعمال په اړه ډيرې طريقې اورېدلي وي خو نن مو موږ د ليمو د استعمال په يوه حيرانکونکې طريقه پوهوو چې په عملي کولو سره به يې هيڅکله په اندامونو کې د درد احساس ونکړئ.
ليمو ته خلک سپرفوډ وايي؛ ځکه چې په دې ميوه کې ويټامن B2, B1, A, C مګنيشيم فولک ايسډ، فاسفورس، کيلشيم او پوټاشيم وجود لري.
که غواړئ چې په اندامونو کې مو درد ختم شي نو له ليمو نه کار واخلئ، د دې لپاره :

۱ – دوه ليمو واخلئ او پوست يې د شيشې په داسي بوتل کې واچوئ چې له زيتون تيلو مو ډک کړی وي.

۲ – د بوتل سر کلک بند کړئ او بيا يې د ۱۵ ورځو لپاره يو ځای کېږدئ.

۳ – له ۱۵ وروسته يې خلاص کړئ، په جوړ شوي محلول پمپه ولړئ او بيا يې د درد په ځای ولګوئ.

۴ – د لا ښه تاثر کولو لپاره په محلول ککړه شوې پمبه د درد پرځای په يوه ريتاړه وتړئ او د څه وخت لپاره يې تړلې پرېږدئ.

که ليمو په دې طريقه استعمال کړئ له دردونو په نجات ومومئ.

Monday	07:00 - 17:00
Tuesday	07:00 - 17:00
Wednesday	07:00 - 17:00
Thursday	07:00 - 17:00
Saturday	07:00 - 17:00
Sunday	07:00 - 17:00

Ghazi Amanullah Khan Institute Of Health Sciences

02/02/2024

31/01/2024

30/01/2024

27/01/2024

26/01/2024

24/01/2024

23/01/2024

09/01/2024

08/01/2024

02/12/2023

29/11/2023

27/11/2023

22/11/2023

30/10/2023

29/10/2023

23/10/2023

18/10/2023

15/10/2023

15/10/2023

Address

Opening Hours

Telephone

Website

Alerts

Shortcuts

Share