AINA Center, e para qender e neurodivergjences ne Shqiperi, vjen si zhvillim i natyrshëm i një udhëtimi që filloi me Autizmi Albania, themeluar nga Anjeza Dishnica ne vitin 2010 dhe vazhdoi me Inkubatorin e Autizmit. Me mbi 25 vite eksperiencë në ndërhyrjen e hershme dhe avokimin për fëmijët me autizëm, AINA përfaqëson një qendër novatore për neurodivergjencën. Misioni i saj është fuqizimi i individëve neurodivergjentë, mbështetja për prindërit dhe krijimi i komuniteteve gjithëpërfshirëse. Si një vazhdimësi e përkushtimit të Autizmi Albania për ndërgjegjësimin dhe mbështetjen ndaj autizmit, AINA zgjeron misionin e saj për të përqafuar diversitetin në të gjitha gjendjet neurodivergjente, përfshirë ADHD, vështirësitë në të nxënë dhe sfidat zhvillimore. AINA përdor qasje inovative, terapi bashkëkohore dhe një filozofi të bazuar te forcat dhe potencialet unike të çdo fëmije. AINA ruan trashëgiminë profesionale duke promovuar rritjen, inovacionin dhe bashkëpunimin në këtë fushë. Ne ofrojme trajnime për edukatorë dhe profesionistë, zhvillojme burime edukative të përshtatura për nevojat shqiptare dhe bashkëpunojme me shkolla dhe institucione shtetërore për të zbatuar praktika gjithëpërfshirëse në arsim. Përmes programeve të personalizuara mbështetëse dhe mjeteve dixhitale, AINA synon të krijojë një ndikim të qëndrueshëm për familjet, edukatorët dhe komunitetet, duke frymëzuar një shoqëri që feston diversitetin dhe çliron potencialin e çdo fëmije.
