07/10/2025
Disa shenja që mund të jenë tregues të kancerit të gjirit janë:
- Një gjëndër apo një kokërr në gji ose nën sqetull.
- Trashje ose enjtje e një pjese të gjirit.
- Ndryshime të lëkurës së gjirit si skuqje, plage apo dëmtime të tjera.
- Skuqje, çarje apo trashje e lëkurës përreth areolës së gjirit, gropëzim i areolës së gjirit.
- Rrjedhje sekrecionesh nga gjiri, ndonjëherë dhe hemoragjike.
- Çdo ndryshim në madhësinë apo formën e gjirit.
- Dhimbje në gji.
- Ndonjë herë kanceri i gjirit mund të përhapet edhe në gjendrat limfatike nën krah dhe të shkaktojë fryrje apo enjtje të krahut nga njëra anë.
- Çdo ndryshim tjetër i pazakontë në gji.
Ndryshimet në gji jo detyrimisht do të thonë se një femër ka kancer gjiri. Është e rëndësishme të këshillojmë se çdo femër, e cila ka simptoma të ngjashme si ato mësipër, duhet të kryej një konsultë të mjeku.
🎀
