Terapi Zhvillimi

16/11/2025

🔹 Pse është kaq i rëndësishëm kategorizimi?
Sepse truri i njeriut funksionon përmes skemave — strukturave mendore që na ndihmojnë të kuptojmë, organizojmë dhe rikujtojmë botën. Kur një fëmijë mëson të klasifikojë objektet (p.sh. që molla është frut, që macja është kafshë), ai nuk mëson vetëm një fjalë të re… ai po ndërton lidhje të reja neurale që forcojnë:

• zhvillimin e gjuhës
• të kuptuarit e botës
• kujtesën
• aftësinë për të generalizuar
• mendimin logjik
Në terapinë gjuhësore, kategorizimi është një nga bazat më të forta për të pasuruar fjalorin, për të strukturuar të folurën dhe për të ndërtuar komunikimin funksional. Kur një fëmijë identifikon, artikulon dhe i vendos fjalët në “vendin e duhur”, ai po hedh themelet e një komunikimi të qartë dhe të sigurt.

Sot, një tjetër hap përpara.
Ngadalë, me punë, me durim… por gjithmonë me progres. 🌱✨
❣️

05/11/2025

✅ ❤️

31/10/2025

30/10/2025

🌟 Nga heshtja tek përgjigjet PO” dhe “JO” 🌟

Në fillim, çdo pyetje që i bënim mbetej pa përgjigje…
Sot, ai përgjigjet me zë të plotë, me “PO” dhe “JO”, duke treguar se arrin të kuptoj pyetjen e drejtuar,se zgjedh dhe shpreh mendimin e tij.
Këto dy fjalë kaq të vogla dhe të shkurtra në dukje janë një hap i madh drejt komunikimit.

Për ne, çdo “PO” është një fitore.
Çdo “JO” është një shenjë pavarësie.
Dhe çdo ditë në terapi është një hap më afër komunikimit. 💬💛

28/10/2025

🌿 Nga duar të vogla… në zemra të mëdha 💚

Kur i njohëm për herë të parë, ishin kaq të vegjël…
duar të vogla e të buta që kërkonin mbështetje, sy që na shikonin me kureshtje dhe frikë, fjale që sapo mësonin të shpreheshin
Në çdo hap, ne ishim aty — për t’i ndihmuar të ngrihen, për t’i mbajtur, për t’i mësuar botën me dashuri e durim.

Sot… nuk janë më të vegjlit tanë.
Janë rritur.
Janë bërë adoleshentë që qeshin fort, që kanë mendime të tyre, pasione, pyetje, ëndrra.
Janë bërë shokët tanë më të mirë.

Ata që dikur na prisnin me përqafime të vogla, sot vijnë me batuta, me këngë që s’i dimë, me ide që na bëjnë të buzëqeshim,me kërcime të reja
Na tregojnë çdo ditë se sa shumë mund të mësojmë nga fëmijët që rriten pranë nesh — jo vetëm si profesionistë, por si njerëz.

Sepse rritja e tyre është historia jonë më e bukur.
Një kujtesë që dashuria, durimi dhe besimi bëjnë mrekulli. ✨
✅ ❤️ ❤️ ❤️💞❤️

23/10/2025

🧩 Kur mungojnë kufijtë, mungon edhe qetësia…

Shpesh prindërit, nga dashuria dhe dëshira për t’u treguar të butë e mirëkuptues, e kanë të vështirë të vendosin kufij të qartë për fëmijën e tyre.
Por mungesa e kufijve nuk është dashuri — është mungesë drejtimi.

Një fëmijë pa kufij rritet pa ndjenjën e strukturës dhe përgjegjësisë. Ai mëson se gjithçka lejohet, se çdo dëshirë mund të plotësohet menjëherë, dhe se fjala “jo” është e padurueshme,e pakuptimshme
Në këtë mënyrë, lindin sjelljet sfiduese: kundërshtimi, inatet, shpërthimet emocionale, kërkesat e vazhdueshme, mungesa e respektit ndaj rregullave.

Kur prindërit nuk arrijnë t’i menaxhojnë këto sjellje që në fillim, fëmija nuk mëson vetëkontrollin. Me kalimin e kohës fëmija e ka të vështirë të përballojë frustrimin, të pranojë kufizime apo të ndjekë udhëzime — jo vetëm në shtëpi, por edhe në mjedisin shoqëror dhe shkollor.

💡 Kufijtë nuk janë dënim — janë mbrojtje.
Ata ndihmojnë fëmijën të ndiejë siguri, të kuptojë çfarë pritet prej tij dhe si të sillet në mënyrë të përshtatshme.

Vendosja e kufijve duhet të bëhet me dashuri, qëndrueshmëri dhe qetësi.
Sepse një fëmijë që mëson të respektojë kufijtë, mëson të respektojë edhe veten

Dashuria pa kufij nuk është rritje — është hutim.
Eduko me butësi, por edhe me qëndrueshmëri. 💛”

22/10/2025

Ersi ka menduar shpejt e shpejt disa “gjëegjëza” për shokun e saj duke treguar në lidhje me fotot disa veçori përsa i përket ngjyrës,formës,funksionit etj dhe shoku ynë është mundur që t’i gjej disa prej tyre.Nuk është ndër veprimtaritë tona të preferuara,por kemi filluar të bashkëpunojmë,të shfaqim pak interes dhe té kemi vëmëndje aktive
✅ ❣️

18/10/2025

🌈 Nga lotët e parë te fjalët e para… një rrugëtim plot shpresë 💙

Kur ai erdhi për herë të parë pranë nesh,ishte një djalë që kishte ndjekur terapi prej disa vitesh në institucione shtetërore e privatisht për vite me radhë, por pa arritur rezultate,ndryshim.
I lodhur, sfidues, me shumë të qara, refuzime dhe sjellje të vështira — saqe çdo ditë dukej një betejë.
Asnjë fjalë, asnjë shenjë e vogël komunikimi… vetëm sy që kërkonin ndihmë.
Ne filluam nga gjërat më të thjeshta:nga lidhja, nga besimi, nga dashuria.
Dhe pak nga pak, diçka ndryshoi…
Sot, pas disa muajsh pune të vazhdueshme, ai është një tjetër fëmijë 🌱:
✨ merr pjesë në veprimtari me bashkëpunim
✨ ka ulur ndjeshëm sjelljet sfiduese
✨ shfaq interes për lojën dhe për të tjerët
✨ imiton tinguj dhe fjalë
✨ ka filluar të përdorë disa fjalë në mënyrë spontane

Çdo përparim, sado i vogël, është një hap gjigant për ne.
Sepse për ne, çdo fëmijë ka potencialin e tij — mjafton të gjesh mënyrën e duhur për ta ndihmuar të ndriçojë 🌟
Zhvillimi nuk ndodh brenda natës ,por çdo ditë, me durim dhe përkushtim, sjell një rreze drite më shumë. ☀️

✅

15/10/2025

TË PRANOSH
NUK DO TE THOTE TË DOREZOHESH

Shpesh, kur prinderit degjojne per here te pare se femija i tyre mund te kete nje veshtiresi, zemra ndalet per pak. Mendimet perzihen mes frikes, fajit dhe pyetjeve qe s'kane pergiigje.
Eshte e natyrshme,është njerëzore.
Por pranimi nuk është dorezim. Eshtë fillimi i forcës. Esht momenti kur thua: "Po, fëmija im ështe ndryshe... dhe unë do ta mbështes me gjithe dashurine time."
Refuzimi e ndalon kohën. Pranimi e çliron.Ai hap rugën per ndihme, per zhvillim,per perparim.
Asnjë prind nuk eshte i pergatitur plotesisht per kete rrugetim, por çdo hap drejt te vërtetes eshte
një hap drejt shpreses. Dashuria qe keni per femijen tuaj eshte forca me e madhe që ekziston -ajo nuk zhduket me diagnoze, perkundrazi, ajo rritet.

Dhe një mesazh per ty, prind i fort: Mos e shiko ndryshe femijën tend - shiko botën ndryshe permes tij. Sepse pranimi esht dhurata me e madhe që mund t'i japesh, dhe fillimi i çdo mrekullie që do të vijë
terapizhvillimiperfemije✅ ❤️

11/10/2025

🗣️ A ndihmojnë mjetet dhe ushtrimet buko-faciale që fëmija im të fillojë të flasë?

Shpesh prindërit mendojnë se përdorimi i mjeteve dhe ushtrimeve buko-facial mund të ndihmojë fëmijën të flasë dhe të komunikoj.
Por në fakt , nëse fëmija ka zhvillim të mirë të muskujve të fytyrës, buzëve dhe gjuhës, këto mjete nuk janë të nevojshme.

Të folurit nuk varet vetëm nga forca e këtij sistemi,por nga zhvillimi kognitiv,zhvillimi gjuhësor,interesi dhe dëshira për të komunikuar etj.
Kur sistemi buko-facial është i mirëzhvilluar,fëmija ka filluar imitimet verbale,arrin që të artikulojë fjalë,fraza,fjali ,por komunikimi nuk është spontan,nuk i përdor fjalët për qëllime sociale,nuk ndërvepron në komunikim përdorimi i këtyre mjeteve dhe ushtrimeve nuk do ta ndihmonte për të rritur komunikimin.
Në vend të përdorimit të këtyre mjeteve dhe ushtrimeve me mjete, ndihmoni fëmijën duke:
💬 folur shpesh me të,
📚 lexuar libra,
🎵 kënduar,
🎲 luajtur lojëra që nxisin komunikimin.

Kështu fëmija mëson të përdorë fjalët në mënyrë të natyrshme dhe me kuptim.
👉 Mjetet buko-faciale përdoren vetëm kur ekziston një vështirësi e vërtetë motorike, jo si mënyrë për të filluar të folurin apo për të zhvilluar më tej komunikimin

08/10/2025

📌Vëmëndje e përbashkët,interes,bashkëpunim,koordinim motor,emërtim ngjyrash,veprimesh në një aktivitet të vetëm
✅ ❤️

03/10/2025