Logopedi juaj Online

17/11/2025

Kur jeni ballë për ballë me fëmijën gjatë aktiviteteve të ndryshme:
• mësoni më shumë rreth fëmijës suaj
• fëmija juaj mëson më shumë nga ju
• lidheni dhe ndani më shumë kohë sëbashku

💙

16/11/2025

Një mundësi më shumë për fëmijën tuaj për të bërë konsultë, vlerësim ose terapi falas në datën 27 nëntor. Prindër shfrytëzoni këtë mundësi!

Të dashur prindër,

A keni pyetur veten ndonjëherë nëse fëmija juaj po e arrin potencialin e tij në fusha të ndryshme? A ka vështirësi në të folur, në mësim, ose në ndërveprim me të tjerët?

Qendra PTC ju vë në dispozicion 10 vlerësime plotësisht FALAS për t'ju ndihmuar të gjeni përgjigjet. Vlerësimet tona psiko-sociale, logopedike dhe didaktike ofrojnë një pasqyrë të qartë të nevojave të fëmijës suaj.

Përveç kësaj, ju ofrojmë 10 seanca terapi falas për të filluar udhëtimin drejt përmirësimit.

Mos hezitoni! Numri i vendeve është i kufizuar. Kontaktoni sot për një konsultim dhe për t'i dhënë fëmijës suaj mundësinë më të mirë.

Na kontaktoni:
📞+355 68 542 7665
✉️qendraptc@gmail.com
📍Rruga Tropoja, L.17, Durrës

Bashkë për të ndërtuar një të ardhme më të ndritur për fëmijët tanë.

09/11/2025

Ndonjëherë është e vështirë të dish vërtet se çfarë ka në mendje fëmija yt. Por, të gjesh kohën për të VËZHGUAR do të të ndihmojë ta kuptosh. Vëzhgimi është hapi i parë dhe më i rëndësishëm në njohjen e fëmijës tënd.

Të PRESËSH është e vështirë. Ndonjëherë duhet të numërosh deri në dhjetë atëherë fëmija yt mund të thotë ose të bëjë diçka që do të të habisë.

E vetmja mënyrë për të ditur se çfarë ka në mendje fëmija juaj është TË DËGJONI. Nuk mund të dëgjoni nëse jeni duke folur.

VËZHGO - PRIT - DËGJO

💙 #2025

02/11/2025

Kur e lejoni fëmijën tuaj të udhëheqë:
✔️i jepni fëmijës tuaj mundësinë të eksplorojë dhe të mësojë.
✔️e njihni më mirë fëmijën tuaj.
✔️e ndihmoni fëmijën tuaj të fitojë vetëbesim.

💙

27/10/2025

Kur je PRIND I PËRQENDRUAR
Ti gjen kohë për ta njohur fëmijën tënd dhe për të ndarë përvojat e tij. Fëmija yt ndihet kuptuar dhe i veçantë. Kur je i përqëndruar, fëmija yt ndihet mirë me veten dhe është i hapur për të mësuar.

💙

25/10/2025

Kur keni NEVOJË PËR PUSHIM

Jeni të lodhur ose të frustruar dhe doni një pushim.
Por nëse bëni pushime të shumë shpeshta kur fëmija juaj vërtet dëshiron të jetë me ju, do të humbni disa nga kohët më të mira për të bashkëpunuar dhe mësuar fëmijën.

💙

22/10/2025

Kur je MËSUESI!
Ti je ai që flet më shumë nga të gjithë. Por fëmija yt mëson më mirë duke vepruar, jo vetëm duke i thënë çfarë të bëjë.

💙

20/10/2025

Kur je NXITUES
Po përpiqesh të bësh shumë gjëra. Por kur je me nxitim, nuk ke kohë të flasësh me fëmijën tënde në mënyra që e ndihmojnë atë të mësojë.

💙

18/10/2025

Kur je NDIHMUESI
Dëshiron t’i bësh gjërat më të lehta dhe më të shpejta për fëmijën tënd. Por kur ndihmon shumë shpesh, fëmija yt humbet shanset për të mësuar.

💙

12/10/2025

Angazhimi i prindërve është një komponent kritik i optimizimit të shërbimeve për fëmijët e vegjël me aftësi të kufizuara, duke përfshirë ata me çrregullime gjuhësore. Megjithatë, pa trajnim, shumë prindërve mund t'u mungojnë njohuritë dhe aftësitë për të lehtësuar në mënyrë efektive zhvillimin gjuhësor të fëmijëve të tyre gjatë viteve thelbësore të fëmijërisë së hershme.

Burimi: pubs.asha.org

💙

10/10/2025

Ndërhyrja e kombinuar e ofruar nga prindi dhe logopedi është efektive për disa fëmijë me dëmtime fonologjike nga të moderuara deri në të rënda. Gjetjet tregojnë se prindërit mund të trajnohen për të ofruar me kompetencë dhe besim ndërhyrjen fonologjike. Nevojiten prova të mëtejshme për të identifikuar karakteristikat optimale të fëmijës dhe prindit që të jenë më të përshtatshme për këtë qasje të modifikuar të ofrimit të shërbimit.

Burimi:pubs.asha.org

💙

06/09/2025

Mbani mend: fëmija juaj do të përfitojë më shumë nga shprehjet pohuese si "sa punë e mirë!" ose "më pëlqen ajo që bëre!" në krahasim me ndalesat si "ndaloje këtë ose atë". Gjuha pohuese do t'i lejojë fëmijës suaj të dëgjojë tonin entuziast të zërit tuaj, si dhe fjalët. Kjo e ndihmon fëmijën tuaj të mësojë se sa i vlerësuar është dhe i tregohet se po bën gjënë e duhur, është në rrugën e duhur dhe do të ndihmojë në nxitjen e rritjes së tij intelektuale.

* Hart, Betty, and Todd R. Risley. Meaningful Differences in the Everyday Experience of Young American Childern. Baltimore: Paul H. Brookes, 1995.

💙