25/11/2025
Sot nëpër botë, data 25 nëntor është dita e dhunës ndaj gruas, vajzës...
Ne jemi shumë të mirë për të mos kujtuar asnjë datë e cila shënon dhembje dhe plagë në shoqërinë tonë.
Por unë besoj se vetëm duke folur, shkruar e kujtuar, mund të rregullohet diçka.
Dhuna është një plagë e rëndë e cila nuk ikën me një brez, mbase edhe me shumë breza. Por diku, dikush duhet të fillojë të shkëpusë lidhjen e dhunës me mendjen e njeriut.
Dhuna ndaj gruas, për më tepër, e asaj e cila ka ndjenjën jo të personit vetëm të vet, por mendon në shumës. Mendon në dy. Prandaj ajo është edhe mamaja, nëna, (nëse vendos të jetë).
Dhuna ndaj një vajze e cila po zbulon veten e saj
Dhuna ndaj një beteje vetëm sepse është femër
Dhuna ndaj një vajze të rritur e cila mësohet vetëm me nënshtrim ndaj mashkullit dhe tërë shoqërisë.
Dhuna ndaj një gruaje të rritur e cila do të keq gjykohet për çdo veprim të mirë apo jo.
Duhet të fillojë edhe nga ne.
Ti mësojmë djemve qysh të vegjël se detyrime kanë të gjithë, se duhet të kërkojmë dhe pranojmë ekuivalencë. Sepse një vajzë ka ndjeshmërinë emotive, inteligjencën emocionale që nuk mund ta ketë një djalë.
Prandaj... le të pranojmë të gjithë të mësojmë të dëgjojmë tjetrin dhe ti lëmë hapësirë të gjithëve për mendimin dhe jetën.
Ashtu sikurse i mendojmë princesha vajzat tona, ashtu le të rriten me edukatën e një mbretërie ku të mbizotërojë; edukata, dashuria dhe respekti për tjetrin.
