24/01/2026
Të nderuar profesionistë të Shkencave Mjekësore,
Në datat 08-10 Maj 2026, do të organizohet Konferenca Kombëtare e Shkencave Mjekësore 14 pranë Hotel Tirana International.
Ky event organizohet nga Shoqata Brainstorm për të 14-in vit radhazi dhe është tashmë aktiviteti më i madh në rajon, i realizuar në bashkëpunim me aktorët më të rëndësishëm të shëndetësisë dhe arsimit në vend dhe në rajon.
Konferenca do të zhvillohet përgjatë 3 ditëve. Ai do tё organizohet nё 22 salla paralele, ekzibicion dhe 1 sallё Workshop. Nё kёtё event të rëndësishëm shkencor do të ketë më tepër se 100 personalitete akademike tё huaj dhe më tepër se 900 vendas. Një numër i konsiderueshëm lektorësh do të vijnë dhe nga vende të ndryshme si Amerika, Italia, Gjermania, Turqia, Rumania, Kosova, Mali i Zi dhe Maqedonia e Veriut. Do tё jemi tё nderuar nga pjesëmarrja e profesorёve dhe e akademikёve tё shquar tё 30 Universiteteve ndёrkombёtare tё standarteve tё larta. Gjithashtu, figura tё spikatura tё mjekёsisё shqiptare, profesorё dhe akademikё tё nderuar tё Universiteteve Mjekësore nё vend do tё paraqesin pёrvojёn dhe arritjet e tyre nё kёtё aktivitet.
Konferenca do të përfshijë prezantime temash shkencore nga fusha të ndryshme përfshirë këtu: mjekësi e përgjithshme, farmaci, shëndet publik, mjekësi dentare, higjenë dentare, teknikë dentare, infermieri e pergjithshme, mami, fizioterapi, logopedi, teknikë laboratori, teknikë imazherie, etj.
► KA NISUR APLIKIMI PËR PROFESIONISTË NË MËNYRË AKTIVE
Çdo profesionist/e i shkencave mjekësore që dëshiron të prezantojë punimin e tij në këtë aktivitet është i lutur të dërgojë abstraktin e punimit të tij në gjuhën shqipe dhe angleze dhe CV e tij në adresën tonë të email brenda datës 19 Mars 2026.
► Për informacione të mëtejshme kontaktoni në:
Celular: +355692932910 / +355694040521 (WhatsApp, Viber)
E-mail: med.sci.conf@gmail.com / konferencamjekesore@gmail.com
Ju mirëpresim!
