Qendra e Perkujdesit Per Te Moshuar Te-Moza

01/01/2026

Nje falenderim dhe mirenjohje per kujdestaret e mia te shtrenjta!

Ju falënderoj nga zemra për durimin tuaj, përkushtimin dhe urtësinë me të cilën kujdeseni çdo ditë për banorët tanë. Nuk është e lehtë të punosh me zemër, me ndjeshmëri dhe përgjegjësi të lartë, sidomos përballë kërkesave të forta dhe rregullave strikte që unë kërkoj të respektohen.

Por ju i keni përballuar të gjitha me profesionalizëm, respekt dhe mbi të gjitha me humanizëm. Falë jush, kjo qendër nuk është thjesht një institucion, por një shtëpi me dinjitet, siguri dhe ngrohtësi për të moshuarit tanë.

Ju jam mirënjohëse për çdo sakrificë, për çdo buzëqeshje, për çdo moment durimi dhe për çdo kujdes të heshtur që shpesh nuk shihet, por vlen shumë.

Ju uroj shëndet, paqe dhe vlerësimin që e meritoni, sepse puna juaj është fisnike dhe e çmuar. 🌸

Me respekt dhe mirenjohje nga Moza Marjo dhe Arjani

31/12/2025

Me ardhjen e Vitit të Ri, në emër të gjithë stafit dhe banorëve tanë, ju urojmë shëndet, paqe dhe ditë të mbushura me dashuri e qetësi.
Viti që lamë pas na mësoi vlerën e kujdesit, respektit dhe mirënjohjes për njëri-tjetrin – vlera që në Te-Moza i mbajmë gjithmonë në zemër.

Urojmë që viti i ri të sjellë më shumë buzëqeshje, momente të bukura pranë familjarëve dhe një jetë sa më të qetë e dinjitoze për të gjithë të moshuarit.
Ne do të vazhdojmë me përkushtim të plotë të ofrojmë kujdes, siguri dhe ngrohtësi familjare çdo ditë.

10/12/2025

05/12/2025

Në fillimet e Qendres tone te perkujdesit per te moshuarit , ose, Azilit sic i thone te gjithe, përpoqa ta bëja gjithçka të bukur: me perde elegante, tapeta shumëngjyrëshe, mbulesa tavoline, krevate pa mbajtëse – gjithçka si në një shtëpi të qetë.
Por dita-ditës mësova një të vërtetë shumë të rëndësishme: estetika nuk vlen asgjë nëse bie ndesh me funksionin dhe sigurinë.

Pe**et shkuleshin, tapetat pengonin, mbulesat e tavolinave nuk ishin praktike, krevateve u duheshin patjetër mbajtëse.
Atëherë kuptova që një qendër për të moshuarit nuk është vend për dekore “instagrami”, por një shtëpi e sigurt, higjienike dhe funksionale për njerëz që kanë nevoja të shumta dhe të ndjeshme.
Të moshuarit kanë nevojë për:
• Higjienë të pakompromis
• Ushqim të mirë, të freskët, të përshtatur për moshën dhe sëmundjet e tyre
• Regjim mjekësor të rregullt
• Siguri, mbështetje dhe kujdes real – jo dekor

Në këtë punë, bukuria e vërtetë nuk është tek perde e tavolina.
Është tek pastërtia, tek respekti, tek duart që kujdesen dhe te zemra që i sheh banorët si familje.

14/11/2025

12/11/2025

Vende Pune
Kuzhiniere & Kujdestare Per TE Moshuar

19/09/2025

Kur Prinderit e moshuar fillojnë të grindën për rroba që “ua kanë marrë” apo për para që “nuk i kanë më”, shpesh familja mendon se janë kapriço.
Ne ne qendren tone e kuptojme se nuk është ashtu – është Alzheimeri që po i ndryshon nga brenda.

Çdo ditë mësojme sa shumë durim, dashuri dhe respekt për dinjitetin e tyre duhen për të jetuar me këtë sëmundje. Kujdesi nuk është vetëm mjekim – është të qëndrosh pranë tyre, të kuptosh botën e tyre dhe të mos e harrosh kurrë njeriun që kanë qenë

29/08/2025

Vende te Lira Pune
Kujdestare Per Te Moshuar
Punesini tek Rezdisenca Jon .

Institucion privat qe strehon te moshuar .

Sherbim Infermieror 24 Ore , Hoteleri , Perkujdes , Ar

14/08/2025

URGJENCË – Mungesë uji prej 48 orësh në qendër përkujdesi për të moshuar

Përshëndetje,

Jam përgjegjëse e një qendre përkujdesi për të moshuar me 22 banorë, shumica me probleme shëndetësore dhe të palëvizshëm. Prej 48 orësh nuk kemi ujë fare, çka ka krijuar një rrezik të madh sanitar dhe shëndetësor.

Nuk kemi më ujë për:
• Pastrimin e banjove dhe higjienën personale të të moshuarve
• Larjen e bebelinave (4 herë në dite)
• Larjen e duarve të stafit për parandalimin e infeksioneve
• Gatimin e ushqimit

Kam njoftuar UKT-në e zonës, UKT Tiranë, Policinë Bashkiake, Zjarrfikesen Tirane, por ende nuk ka asnjë ndërhyrje. Situata po përkeqësohet nga ora në orë dhe ka rrezik të shpërthimit të infeksioneve.

Ju lutem të ndërhyni menjëherë me një cisternë uji ose zgjidhje të përkohshme, pasi bëhet fjalë për një situatë emergjente shëndetësore.
Qendrace perkujdesit Te Moza 0692312906

03/08/2025

Të kujdesesh me zemër nuk është thjesht punë – është një mision.

Sot, një prej banoreve tanë përjetoi një moment të vështirë – një sinkop që mund të kishte pasur pasoja të rënda, po të mos ishte për vigjilencën, shpejtësinë dhe përkushtimin e kujdestareve tona. Falë ndërhyrjes së menjëhershme dhe përvojës që marrin çdo ditë në punë, gjithçka përfundoi mirë. Sot, ato shpëtuan një jetë.

Por në fund të ditës, kur gjithçka është qetësuar, i shoh shpesh me sytë me lot. Lot lodhjeje, por mbi të gjitha, lot që tregojnë sa shumë japin nga vetja. Sepse kjo është: të kujdesesh me zemër.

Një falënderim i madh për të gjitha duart që mbajnë, sytë që vëzhgojnë, dhe zemrat që rrahin fort për çdo të moshuar që na është besuar.

15/07/2025

Sa bukur kur njerëzit e mirë i përgjigjen thirrjeve që vijnë nga zemra! Faleminderit që ju bashkove nismës sime për të sjellë pak më shumë dashuri, ngrohtësi dhe buzëqeshje te të moshuarit tanë.

10/07/2025

🧡 Ftesë Vullnetare për Të Sjellë Gëzim dhe Ndryshim! 🧡

Të dashur miq,

Ju ftojmë me gjithë zemër të bëheni pjesë e një nisme të veçantë, duke dhuruar vetëm 2 orë nga koha juaj për të sjellë buzëqeshje, ngrohtësi dhe jetë të re brenda mureve të një qendre përkujdesi për të moshuar.

Çdokush ka një dhunti, një pasion, një aftësi që mund të ndriçojë ditën e dikujt tjetër! Ejani dhe ndani me ne:
🎨 Pikturë
🎶 Këngë & muzikë
💃 Kërcim & lëvizje
🧘 Ushtrime fizike ose relaksuese
👩‍🍳 Gatime tradicionale apo kreative
🌿 Shetitje dhe biseda në natyrë📖 Lexime apo tregime jete…
apo çfarëdo që ju vjen nga zemra!

Qëllimi ynë?
Të krijojmë një urë mes botës sonë dhe komunitetit, për të thyer paragjykimet, për të treguar dashurinë në veprim dhe për të njohur nga afër se çfarë është me të vërtetë një shtëpi përkujdesi – një vend ku jeta vazhdon me dinjitet, shpresë dhe lidhje njerëzore.

🗓 Zgjidhni vetë ditën dhe orarin tuaj.
📍 Vendi: Qendra e Perkujdesit per te Moshuarit Te MozaNa kontaktoni në numrat 069 231 2906, dhe 069 685 3883 për t’u bërë pjesë e kësaj nisme!

Ejani siç jeni – zemërhapur dhe të gatshëm të dhuroni një copëz të vetes.

Me mirënjohje,Mimoza Mocka Mario Mocka