08/10/2025
■A dëmton Diabeti, pjesën fundore të zorrës së trashë?
●Shpesh më vijnë pacientë diabetikë prej vitesh, me probleme të moskontrollimit të feçes, apo ujit të trashe. ●Neuropatia diabetike që prek nervin pudendal ndikon ndjeshëm në funksionin e sfinkterit a**l. Ky nerv kontrollon muskujt që mbyllin anusin dhe ndihmon në ndjesinë e zorres kur ajo kërkon të zbrazet.
●Çfarë ndodh nëse ky nerv dëmtohet:
- Tonusit i sfinkterit ulet→për pasojë muskujt humbin forcën për të mbajtur mbyllur anusin.
- Ndjesia a**lë pakësohet→që nënkupton, pacienti nuk ndjen kur ka nevojë për defekim, ose ndotet në të mbathura.
- Shfaqet inkontinenca a***e → rrjedhje, apo dalje jashtë vullnetit e feçes, apo ujit të trashë, që është situata më e rëndë dhe dëmton pacientin si në aspektin psikollogjik por dhe në qualitetin e jetës në vazhdimësi dhe izolimin e tyre nga ambjenti dhe shoqëria.
●Si ta parandalojmë:
1. Këta pacientë duhet të mbajnë një kontroll rigoroz të diabetit – për të ndalur progresin e neuropatisë.
2. Fizioterapi pelvike ndihmon– për të forcuar muskujt e legenit dhe sfinkterët a**lë.
3. Biofeedbacku –është terapi jo-invazive që ndihmon pacientët të rikthejnë kontrollin mbi muskujt e legenit dhe sfinkterin a**l, duke përdorur pajisje që matin dhe tregojnë në kohë reale aktivitetin e muskujve.
Si funksionon:
- Një sensor i vogël, vendoset në zonën a***e ose rektale, për të matur forcën, koordinimin dhe kontraktimet e muskujve. Pacienti sheh në një ekran sesi po kontrakton muskujt dhe mëson si t’i forcojë dhe kontrollojë ato në mënyrë të qëllimshme.
Përdoret për:
- Inkontinencë a***e
- Konstipacion kronik
- Çrregullime të sfinkterit a**l
Me anë të biofeedback-ut, pacientët ushtrohen në mënyrë të drejtuar, duke rikuperuar deri diku, kontrollin muskulor dhe përmirësuar pak cilësinë e jetës.
4. Medikamente për të trajtuar diarretë apo /konstipacionin, dhe normalizuar defekimin .
5. Në raste të avancuara, mund të ndihmojë SNS(stimulimi nervor sakral).
6. Menaxhim dietetik, apo i mënyrës së ushqyerjes– për të mbajtur feçen në konsistencë normale.
7.Sfinkteri artificial a**l (Artificial Bowel Sphincter), përdoret në raste shumë të rënda dhe është ndërhyrje më komplekse.
8.Kolostomia permanente është zgjidhje e fundit, kur asnjë trajtim tjetër nuk jep rezultat dhe inkontinenca a***e është e rëndë
■Neuropatia diabetike pudendale dhe inkontinenca a***e kanë një ndikim të thellë negativ në cilësinë e jetës së pacientëve, sidomos kur bashkëjetojnë me familjarë të tjerë.
□Pacientët ndiejnë turp dhe ndrojtje sociale dhe shmangin daljet apo takimet.
□Izolim emocional, pasi ul vetëbesimin dhe rrit ndjenjat e vetmisë apo depresionit.
□Krijon një gjendje të stresit kronik dhe ankth. Kujdesi i vazhdueshëm për higjienën dhe frika nga moskontrolli i zbrazjes sjell lodhje mendore.
□Ndikon në aktivitetet ditore dhe aktivitetet fizike, puna apo udhëtimet bëhen të vështira.
□Dëmton jetë seksuale të pacientëve, për shkak të mosfunksionimit të nervit pudendal dhe pasigurisë me trupin.
●Është një gjendje që duhet trajtuar seriozisht – jo vetëm si problem fizik, por si sfidë psikologjike dhe sociale.
Në përgjithësi këta janë kategoria më e diskriminuar e pacientëve , qoftë për arsye te alternativave të limituara të trajtimit , qoftë dhe për faktin që adresohen në faza të avanvcuara për ndihmë tek mjeku, sikunder dhe për ekspertizën jokoherente për të diagnostikuar në kohë këto problematika nga resurse të limituara profesionistësh mjekësorë të fushës.
■Konsultimi me një grup mjekësh ku përfshihen kirurgu koloproktolog, neurologu, endokrinologu, fizioterapisti, është thelbësor për të përcaktuar ndërhyrjen më të përshtatshme.
●Parandalimi fillon sidomos me menaxhimin sa më të mirë të mundshëm të diabetit së pari, si dhe me zbulimin e hershëm të dëmtimit nervor sikundër trajtimit të integruar multidisiplinar.
Dr.Sc Lida Shosha
LS.Humanity
Shosha Medical Clinic
