29/09/2025
👉 Që të zvogëlosh poret fillo t’i pastrosh në thellësi.
Poret zgjerohen nga akumulimi i qelizave të vdekura dhe papastërtive, nga dehidratimi dhe mosha. Fillo pastrimin me skrab 2-3 herë në javë, avull 1 herë në javë dhe larje të dyfishtë çdo mbrëmje. Ushqeje dhe hidratoje me vajra dhe krem bimor por gjithmonë apliko tonikun para kremit të ditës dhe natës.
Për pyetje të detajuara na shkruani në mesazhe 😊
Larja e dyfishtë e fytyrës – shumë mjeshtra të lëkurës betohen për këtë!
🔸Çfarë është dhe përse duhet ta pastrojmë dy herë fytyrën?
Të gjithë ne i duam qytetet tona të zhurmshme e të populluara por shpesh harrojmë sesa shumë ndikon kjo në lëkurën tonë. Shumë smog, shumë pluhur, shumë papastërti, dhe të gjitha këto krejtësisht të padukshme në fytyrën tonë.
Për shembull, qindra njerëz të cilët janë në lëvizje të vazhdueshme duke prekur ushqimin, celularët, mjetet e transportit, laptopët, paratë, pastaj fytyrën apo flokët e tyre, duke vazhduar me kontaktin dhe takimin me të tjerët… Më pas jemi ne që vazhdojmë të ulemi atje ku ishin të tjerë, të prekim sendet që kanë prekur të tjerët dhe më pas fytyra… flokët… Smoku, pluhuri, ndotja ambjentale, ajri….
Maja e ajsbergut është yndyra që prodhon vetë lëkura, djersitja, shtresat e grimit, dhe të gjitha mikrobet ngjisin më shumë tek këto.
Për të shpëtuar nga i gjithë ky grumbull papastërtish, unë mësova të gjej gëzim në larjen e fytyrës e madje në larjen e dyfishtë të saj.
Emri formal i kësaj rutine të lëkurës është “Larja e dyfishtë” dhe e ka origjinën nga sekretet e bukurisë aziatike. Pastrim i dyfishtë do të thotë thjesht të përdorësh dy lloj pastruesish të ndryshëm. Pastrimi i parë bëhet me vaj (ose produkt me bazë vajore), dhe pastrimi i dytë është larja me një produkt që shkumon.
Kjo ka për qëllim ta pastrojë lëkurën sa më shumë që të jetë e mundur pa e dëmtuar dhe pa e acaruar atë. Metoda bazohet në principe shkencore dhe është krijuar në mënyrë që pastruesi me bazë vaji të elimionjë grimin, yndyrën e tepërt dhe papastërtitë sipërfaqësore, ndërsa larja me ujë dhe një produkt që shkumon, të pastrojë dhe eliminojë të gjitha papastëritë e padukshme në thellësi të lëkurës, të cilat mund të kenë mbetur edhe në brendësi të poreve. Kjo metodë e larjes së dyfishtë do t’ju lërë lëkurën më të pastër që keni menduar ndonjëherë.
Duke e pastruar çdo mbrëmje në këtë mënyrë, ju do të keni një lëkurë të pastër deri në thellësi dhe shumë të freskët. Çdo mbrëmje ne duhet të shkëputemi, gjithcka duhet ‘të ndalojë’ dhe ne duhet t’i përkushtohemi kujdesit ndaj lëkurës përfshirë këtu edhe masazhin, qetësinë, çlodhjen dhe meditimin.
🔸Përse shkenca e mbështet këtë proçedurë të dyfishtë të pastrimit të saj?
Praktikisht të gjithë e dimë çdo të thotë të lash fytyrën nga njëri vesh tek tjetri, nga balli tek mjekra dhe qafa. Në fund të fundit kjo është pjesë e higjenës së përditshme. Të lash fytyrën do të thotë ta mbash atë në formën më të pastër dhe më të bukur të mundshme.
Grumbullimi i papastërtive, yndyrës së tepruar (që shkaktohet si pasojë e produkteve të gabuara ose ushqimit të pashëndetshëm), grimi i mbetur nëpër poret e lëkurës, e bëjnë atë të duket e flashkët, e pajetë. Të gjitha këto që grumbullohen mbi dhe nën lëkurë, bllokojnë poret dhe ato duken më të zgjeruara. Një dermatologe amerikane ka shpejguar se kjo ndodh kur lëkura nuk pastrohet dhe nuk lahet siç duhet.
🔸Larja (pastrimi i dyfishtë) sjell rezultate të shkëlqyera dhe pak shkencë, në lëkurën e çdokujt dhe e më e mira është se nuk ka nevojë të jetë tepër e shtrenjtë. Në rast se lëkura jote duket e pajetë dhe me pore të mëdha, fillo sa më shpejt me proçesin e pastrimit ë dyfishtë. Ky do jetë hapi i parë drejt një lëkure të pastër dhe të shndritshme.
✅ Për të plotësuar këtë proçes të domosdoshëm ne kemi formuluar dy produkte super delikate të përshtatshme për të gjitha moshat.
🔸Produkti i parë është ‘Pastruesi me Vitaminë C’ në formë spray. Sapo ktheheni në shtëpi pas një dite të gjatë e të lodhshme, lani mirë duart dhe më pas pastroni fytyrën me këtë spray. Pastri-mi duhet bërë me ndihmën e tamponëve të pambukut. Pasi të lyeni mirë pambukun, fshini fytyrën me lehtësi pa krijuar tërheqje të saj. Përdroni 2 - 3 tamponë derisa i fundit të mbetet plotësisht i pastër. Në këtë mënyrë ju keni pastruar yndyrën, djersitjen, grimin dhe të gjitha papastërtitë që ato kanë grumbulluar gjatë ditës. Kjo djersitje, yndyrë e tepruar dhe grimi të cilat grumbullojnë papastërti, arrijnë të bllokojnë poret. Tek disa njerëz kështu krijohen aknet dhe puçrat e tek disa të tjerë, rudha dhe plakje e parakohshme, vrazhdësi dhe humbje e plotë e bukurisë së lëkurës. Prandaj ky hap nuk duhet anashkaluar nga askush.
🔸Produkti i dytë është ‘Larësi me pluhur të imët orizi dhe çaj jeshil’. Ky përdoret si larës fytyre dhe është shumë delikat. Ai do të shkumojë në kontakt me ujin dhe do të vazhdojë të pastrojë atje ku spray me Vitaminë C, nuk mund të depërtojë, në thellësi të poreve. Shkumojeni mirë fytyrën, shpëlajeni me ujë të bollshëm dhe më pas fshijeni me një peshqir të butë, përsëri pa krijuar tërheqje të lëkurës. Çdo veprim duhet të jetë delikat pasi agresiviteti vetëm e dëmton atë. Larësi me pluhur të imët orizi dhe çaj jeshil, nuk do të krijojë aspak tharje të lëkurës, ai do ta lërë të butë, të hidratuar, super të pastër dhe dukshëm më të bardhë nga larja në larje.
Proçesi i larjes së dyfishtë do të kryhet në mbrëmje (në mëngjes mjafton larja me ujë dhe shkumë).
Më pas vazhdohet me përkujdesjet e tjera për të cilat ne kemi folur por edhe do të vazhdojmë të flasim.
Na shkruani për çdo pyetje e paqartësi që keni. Ne do t’ju ndihmojmë me përgjigjet dhe produktet tona, krijuar posaçërisht për të ruajtur bukurinë dhe freskinë tuaj ☺️
