03/07/2025
💭 Më kujtohet, kur mora vendimin që më në fund të hapja klinikën para një viti, kisha frikën se nuk do ja dal ose nuk do gjej njerëzit e duhur e me të njejtin vizion si unë për të ofruar shërbime sa më cilësore dhe rezultative. Por, kur erdhi koha të zbatoj ato që ëndërroja prej vitesh, me besimin që unë thjesht duhej të vazhdoja rrugëtimin, Zoti do më jepte rrugëzgjidhjet, u shtua edhe një fëmijë tjetër në paketën e sfidave që kisha marrë përsipër, gjë që ma vështirësoi rrugën por njëkohësisht më bëri më të fortë dhe kurrsesi nuk më ndaloi për të arritur qëllimin.
💝 Tani që ditë pas dite prek dhe perfeksionoj ëndrrën e bërë realitet, për t’ju gjendur sa më pranë motrave muslimane dhe jo vetëm, në një ambjent ku nuk ndihesh e paragjykuar, e komentuar ose e ngushtuar, kuptoj edhe më mirë shprehjen “Vetëm mund të arrish më larg, por bashkë mund të arrijmë më lart.”.
Nëse dhe ti ke një ëndërr, por ndjen se çdo ditë e më shumë vështirësohen kushtet për ta realizuar, thuaj “Unë mund të ndryshoj rrugën për ta arritur, por kurrsesi qëllimin”.
Thjesht mos harroni që herë pas here të ndaloni e të shijoni dhe mirësitë e Zotit si familja, fëmijët, shëndeti, rinia, rehatitë e lejuara të dunjasë.
🥹 ElhamdulilLah dhe pa fund mirënjohëse që na suportoni duke na vizituar, ndjekur e dërguar përshtypje kaq frymëzuese.
