http://www.spitaliamerikan.com/

Spitali Amerikan - American Hospital Albania, Rruga Sabaudin Gabrani, Nr. 2, Tirana (2025)

29/09/2025

A duhet të kryej kontrolle kardiake edhe nëse nuk kam shqetësime?

Dr. Shk. Indrit Temali, mjek kardiolog pranë Spitalit Amerikan 3, thekson se kontrolli kardiak ka si qëllimi kryesor parandalimin dhe zbulimin e hershëm të sëmundjeve të zemrës.

Disa sëmundje të lindura të zemrës nuk japin asnjë ankesë, prandaj doktori rekomandon, një kontroll rutinë para moshës 20 vjeç është i këshillueshëm për të përjashtuar këto sëmundje dhe për të vendosur një bazë krahasimi për të ardhmen (përmes EKG-së, EKO-së së zemrës dhe analizave të gjakut).

Gjithashtu, këto kontrolle ndihmojnë në identifikimin e hiperkolesterolemisë familjare (kolesterolit të trashëguar), diabetit të fshehtë apo faktorëve të tjerë të rrezikut, edhe nëse pesha trupore është normale dhe personi nuk ka shqetësime.

📌 Nëse një person është rreth 20 vjeç dhe nuk ka faktorë rreziku, rekomandohet të bëjë një kontroll bazë kardiak për të përjashtuar sëmundjet e lindura dhe për të vlerësuar rrezikun për të ardhmen. Në këto raste, mjafton që kontrolli të përsëritet çdo 3 vite.

📌 Nëse personi ka faktorë rreziku, si:
• Diabet
• Hipertension
• Kolesterol të lartë
• Histori familjare për sëmundje zemre
• Raste vdekjeje të papritur në familje..atëherë rekomandohet që kontrolli kardiak të bëhet çdo vit.

Ky duhet të përfshijë:
• Check-up-in bazë
• EKG
• EKO zemre
• Dhe, sipas gjykimit të mjekut, mund të shtohet edhe testi ushtrimor apo Holter EKG (24–48 orë), në varësi të nivelit të rrezikut.

📌 Në rastet me rrezik të lartë ose me sëmundje të diagnostikuara (aterosklerozë në zemër, qafë apo enë periferike; diabet për më shumë se 10 vjet; kolesterol shumë të lartë), kontrolli duhet të jetë më i shpeshtë — çdo 6 muaj.

Kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

29/09/2025

A keni menduar kohët e fundit për shëndetin tuaj?

Një kontroll i plotë dhe komod mund t’ju japë qetësinë që meritoni.

Spitali Amerikan 3 ofron Check Up VIP, paketa ekskluzive që përfshijnë:

- vizita me mjekët më të mirë
- analizat dhe ekzaminimet e avancuara dhe
- këshillim të personalizuar

Çdo gjë realizohet brenda 1 dite dhe në kushte komoditeti, privatësie dhe shërbimi prioritar, sepse shëndeti juaj vlen më shumë se gjithçka.

Rezervoni kontrollin tuaj VIP në Spitalin Amerikan 3 duke kontaktuar në
📲 068 80 80 807

29/09/2025

Skaneri i zemrës

Skaneri i zemrës është një ekzaminim joinvaziv, pa komplikacione dhe i shpejtë. Ky ekzaminim jep informacion të detajuar jo vetëm për zemrën e arteriet koronare, por edhe për organet e tjera të kraharorit duke bërë një diagnozë të hollësishme diferenciale për të gjitha patologjitë e mundshme të kësaj zone.

Përveç përdorimit në urgjencë në rastet me dhembje atipike të gjoksit, metoda e angiografisë me skaner është shumë e përdorshme dhe e suksesshme në personat me aktivitet të ngjeshur e kohë të reduktuar, në grupet e pacientëve që kanë historik familjar ose predispozitë për të patur sëmundje koronare, por nuk shfaqin simptoma, si dhe për arsye kontrolli në pacientët që i janë nënshtruar by-pass apo rivaskularizimit me stent koronar.

Sipas një studimi të bërë nga ACC (American College of Cardiology) 1/3 e pacientëve që pësojnë infarkt kardiak nuk kanë asnjë simptomë apo faktor rrezikshmërie të evidentuar më parë. Prandaj është shumë i rëndësishëm diagnostikimi i sëmundjes koronare që në fazat e para. Skaneri i zemrës është një ndër ekzaminimet më të rëndësishme të diagnostikimit të hershëm të sëmundjes koronare dhe përcakimit efikas të terapisë për pacientët.

Për më shumë informacion ose vizitë me mjekët tanë kardiologë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

29/09/2025

Spitali Amerikan kërkon të punësojë, Përgjegjës Housekeeper/ Përgjegjës Mirëmbajtje Ambienti ( Femra/ Meshkuj)

Detyrat dhe përgjegjësitë:

Organizimi dhe mbikëqyrja e punës së stafit të mirembajtjes në të gjitha zonat e spitalit.
Hartimi dhe zbatimi i planeve të mirembajtjes sipas protokolleve spitalore.
Trajnimi i stafit mbi përdorimin e mjeteve, materialeve të punës dhe masat e sigurisë.
Kontrolli i cilësisë së punës dhe marrja e masave korrigjuese kur është e nevojshme.
Menaxhimi i stokut të materialeve të punës dhe kryerja e kërkesave për furnizime.
Sigurimi që eliminimi i mbetjeve dhe menaxhimi i tyre bëhet sipas rregullave.

Edukimi dhe eksperienca:

Përbën avantazh kryerja e studimeve të larta
Njohuri te mira kompjuterike të paketës office
Eksperiencë e mëparshme në menaxhimin e stafit të pastrimit, preferohet në institucion shëndetësor.
Njohuri të protokolleve të pastrimit dhe dezinfektimit në mjedise spitalore.
Aftësi të mira organizative dhe menaxheriale.
Komunikim i mirë dhe aftësi për të punuar në ekip.

Të interesuarit të dërgojnë CV dhe një fotografi në adresën e e-mail të Departamentit të Burimeve Njerëzore hr@spitaliamerikan.com

Spitali Amerikan, përqafoje jetën!

29/09/2025

Spitali Amerikan kërkon të punësojë infermiere. Kandidatet duhet të plotësojnë kriteret e kërkuara në imazh.

Të interesuarit të dërgojnë CV dhe një fotografi në adresën e e-mail të Departamentit të Burimeve Njerëzore hr@spitaliamerikan.com

Spitali Amerikan, përqafoje jetën!

29/09/2025

29 shtator - Dita Botërore e Zemrës

Shenjat që trupi shfaq përpara atakut kardiak

Ndjesia e shtrëngimit në gjoks është një shenjë klasike, por një sulm në zemër mund të vijë pa dhembje kraharori, sidomos te gratë.

Kërkoni kujdes mjekësor nëse përjetoni një nga simptomat e mëposhtme:

1 - Marramendje

Shumica e sulmeve në zemër nuk shkaktojnë humbjen e papritur të vetëdijes, por ato mund të pakësojnë ose të ndërpresin rrjedhjen e gjakut që çon oksigjen në zemër dhe në tru, gjë që mund t’ju bëjë të përjetoni paqartësi.

2 - Dhembje në pjesën e sipërme të trupit

Zemra jonë nuk ka shumë mbaresa nervore, kështu që ndonjëherë ndan një rrugë me nervat e pjesëve të tjera të trupit, duke shkaktuar dhembje që ndihen në shpinë, shpatulla, krahë, qafë ose nofull.

3 - Lodhje e pajustifikuar

Ndjenja e lodhjes pas një nate pa gjumë ose një dite stresuese është normale, por më shumë se gjysma e grave ndihen të lodhura ose kanë dobësi trupore për më shumë se një muaj përpara se të pësojnë një atak në zemër.

4 - Djersitje

Me përjashtim të rasteve kur jeni duke kaluar menopauzën ose keni kryer aktivitet fizik, djersët e ftohta mund të sinjalizojnë një sulm në zemër.

5 - Të përziera

Një sulm në zemër mund të shkaktojë të përziera, një situatë e cila ndodh më shpesh te femrat sesa te meshkujt (shumë prej tyre gjithashtu ndihen sikur po preken nga gripi para një sulmi në zemër). Nëse keni të përziera të papritura dhe konstante që nuk vijnë nga ushqimi i konsumuar, duhet të shkoni te mjeku.

6 - Frymëmarrje e shpeshtë

Nëse ushtrimet fizike të një ngarkese normale ju duken të papërballueshme, duhet të bëni një vizitë me mjekun. Nëse papritur frymëmarrja ju vështirësohet sikur të ish*t duke ngjitur shkallët dhe nuk mund të qetësoheni duhet t’i telefononi urgjencës.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

28/09/2025

Çfarë është kirurgjia maksilofaciale?

Kirurgjia orale dhe maksilofaciale është një specialitet kirurgjik që fokusohet në kirurgjinë rindërtuese të fytyrës, kirurgjinë e traumave të fytyrës, kokës dhe qafës, gojës dhe nofullave, si dhe në kirurgjinë estetike të fytyrës.

Kirurgët maksilofacialë janë specialistë të avancuar që diagnostikojnë dhe trajtojnë problemet me:

- Kockat dhe indet e nofullës dhe pjesës së poshtme të fytyrës (zona maksilofaciale)
- Kulmi i gojës (qiellzës)
- Dhëmbët

Pse kryhet operacioni maksilofacial?

Kirurgjia maksilofaciale kryhet për:

- Përmirësimin e funksionit të nofullës
- Lehtësimin e dhimbjeve

Kirurgjia Maksilofaciale mund të trajtojë një sërë problemesh dhe kushtesh dentare, të tilla si:
- Diagnostikimi i arsyeve të dhimbjes kronike të dhëmbëve
- Përgatitja e gojës për implante dhe proteza dentare
- Vendosja e implanteve dentare
- Heqja (nxjerrja) e dhëmbëve të impaktuar
- Trajton sëmundjet e gojës

Procedurat gjithashtu mund të trajtojnë problemet e nofullës, të tilla si:

- Shartimi i kockave, ose transplantimi i kockave nga një zonë tjetër e trupit për të zëvendësuar kockën që mungon në nofullën tuaj
- Rindërtimi i nofullës për të korrigjuar një kafshim jonormal
- Trajtimi i çrregullimeve të artikulacionit temporomandibular (TMJ) që prekin zonën ku nofulla e poshtme ngjitet me kafkën
- Trajtimi i lëndimeve që lidhen me traumat në fytyrë, nofullë dhe gojë

Arsyet e tjera për të kryer kirurgji maksilofaciale përfshijnë:

- Korrigjimi i anomalive kongjenitale (të pranishme në lindje) si çarja e buzës dhe qiellzës (buza e lepurit)
- Diagnostikimi dhe trajtimi i kisteve, tumoreve, kancerit dhe rritjeve të tjera në kokë dhe qafë
- Diagnostikimi i arsyeve të dhimbjes kronike të fytyrës
- Trajtimi i traumave (lëndimeve) të fytyrës, si frakturat e fytyrës ose indet e dëmtuara maksilofaciale.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

28/09/2025

Meningjiti

Meningjiti është një inflamacion i membranave (meningeve) dhe i lëngut cerebrospinal që rrethojnë trurin dhe palcën kurrizore. Ai mund të shfaqet shpejt dhe të jetë një gjendje serioze që kërkon vëmendje mjekësore urgjente.

Shenjat më të zakonshme janë: dhimbje koke, temperaturë e lartë dhe qafë e ngurtë.

Shkaqet
• Më shpesh viral – zakonisht më i lehtë dhe shpesh shërohet vetvetiu brenda disa javësh.
• Bakterial – shumë më i rrezikshëm, mund të jetë kërcënues për jetën dhe kërkon trajtim të menjëhershëm me antibiotikë.
• Më rrallë shkaktohet nga kërpudhat ose parazitët.

Simptomat tek fëmijët mbi 2 vjeç dhe të rriturit
• Temperaturë e lartë e papritur
• Qafë e ngurtë
• Dhimbje koke e fortë
• Dhimbje koke me të përziera ose të vjella
• Konfuzion ose vështirësi në përqendrim
• Kriza (ngërçe)
• Përgjumje ose vështirësi për t’u zgjuar
• Ndjeshmëri ndaj dritës së fortë
• Humbje oreksi ose etje
• Në disa raste, skuqje në lëkurë (më tipike për meningjitin meningokoksik)

Simptomat tek të porsalindurit dhe foshnjat
• Temperaturë e lartë
• Qarje e vazhdueshme, shpesh e mprehtë
• Përgjumje ose nervozizëm i theksuar
• Vështirësi për t’u zgjuar ose për t’u ushqyer
• Pasje të vjellash
• Mungesë oreksi
• Fryrje në fontanelë (vendi i butë në majë të kokës)
• Ngurtësi në trup dhe qafë

Foshnjat me meningjit shpesh janë të vështira për t’u qetësuar dhe mund të reagojnë më keq kur i mbani në krahë.

Faktorët e rrezikut
• Mungesa e vaksinave
• Mosha (foshnjat, fëmijët e vegjël dhe të moshuarit janë më të rrezikuar)
• Jetesa në komunitet (konvikte, ushtri etj.)
• Shtatzënia – rrit rrezikun për infeksion me Listeria monocytogenes, që mund të shkaktojë meningjit
• Sistemi imunitar i dobësuar (SIDA, diabeti, alkoolizmi, trajtimi me barna imunosupresive etj.)

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

28/09/2025

Si të aktivizoni hormonet tuaja të lumturisë?

Shëtisni

Po kërkoni të rrisni nivelet e endorfinës dhe serotoninës? Kalimi i kohës jashtë, në rrezet e diellit, është një mënyrë e shkëlqyer për ta bërë këtë.

Kryeni aktivitet fizik

Aktiviteti i rregullt fizik nuk ndikon vetëm tek endorfina. Ai mund të rrisë gjithashtu nivelet e dopaminës dhe serotoninës.

Qeshni

Sigurisht, e qeshura nuk do të trajtojë problemet shëndetësore, por mund të ndihmojë në lehtësimin e ndjenjave të ankthit ose stresit dhe të përmirësojë humorin duke rritur nivelet e dopaminës dhe endorfinës.

Gatuani dhe shijoni një vakt të preferuar me miqtë tuaj
Disa ushqime mund të kenë gjithashtu një ndikim në nivelet e hormoneve:
• ushqime pikante, të cilat mund të nxisin lirimin e endorfinës
• kos, fasule, vezë, mish me përmbajtje të ulët yndyre dhe bajame, të cilat janë të lidhura me çlirimin e dopaminës
• ushqime të pasura me triptofan, të cilat ndikojnë në rritjen e niveleve të serotoninës
• ushqime që përmbajnë probiotikë
Provoni suplementet

Ekspertët që studiojnë efektet e suplementeve kanë gjetur rezultate të ndryshme, por kujdes duhet më parë të flisni me mjekun tuaj.

Dëgjoni muzikë

Dëgjimi i muzikës që ju jep emocione mund të rrisë prodhimin e dopaminës në tru.

Meditoni

Nëse jeni njohur me meditimin, mund të dini tashmë për përfitimet e tij të shumta shëndetësore – nga përmirësimi i gjumit deri te ulja e stresit.

Planifikoni një mbrëmje romantike

Kjo mund të ndihmojë në rritjen e oksitocinës duke ju bërë të ndiheni të lumtur apo edhe euforikë.

Përkëdheli kafshët

Kjo është një mënyrë e shkëlqyer për të rritur nivelet e oksitocinës.

Bëni një gjumë të mirë të natës

Të fjeturit 7-9 orë çdo natë mund të ndihmojë në rivendosjen e ekuilibrit të hormoneve në trupin tuaj.

Menaxhoni stresin

Të jetosh me stres kronik ose të përballesh me ngjarje shumë stresuese të jetës mund të shkaktojë rënie në prodhimin e dopaminës dhe serotoninës.

Bëni masazh

Studimet tregojnë se masazhi ndikon pozitivisht në të 4 hormonet e lumturisë.

Spitali Amerikan, përqafoje jetën!

27/09/2025

Fibromialgjia

Nga Dr. Ilektra Xhafa, mjeke reumatologe

Fibromialgjia ( FM) është një sëmundje, e cila shkakton dhembje të përgjithshme muskuloskeletike, në formë kronike, e shoqëruar me dobësi të përgjithshme trupore, mungesë përqendrimi, pagjumësi, plogështi, dhimbje koke të vazhdueshme etj.

Epidemiologjia: FM është një shkaktar i zakonshëm e dhembjes kronike dhe shkaktari më i shpeshtë i dhembjes muskulo- skeletike te femrat e moshës 22-55 vjeç. Është rreth 6 herë më e shpeshtë te femrat se të meshkujt dhe mund të shfaqet edhe tek fëmijët.

Klinika e sëmundjes: FM karakterizohet nga dhembje e përgjithshme kryesisht muskulare, shoqëruar me dobësi trupore, shpesh edhe me simptoma somatike ose çrregullime psikiatrike, dhimbje koke, pagjumësi…

Simptoma te tjera: Këto janë më pak specifike por përfshijnë: dhimbje abdominale, sindroma e zorrës së irrituar, dhimbje të kafazit të krahërorit, dhimbje pelvike etj.

Megjithëse sindromi i zorrës së irrituar është gjetje e shpeshtë, sëmundja e Refluksit Gastrointestinal (urthi), është gjithashtu simptomë shoqëruese e këtyre pacientëve. Ankesa të tjera përfshijnë: tharje të syve, simptoma të tipit të alergjisë, rrahje të shpeshta të zemrës, vështirësi në frymëmarrje, ndryshime në peshë, djersitje e shtuar gjatë natës etj.

Në ekzaminimin fizik të këtyre pacientëve vërehet ndjeshmëri e shtuar e indit muskuloskeletik, në disa zona anatomike specifike.

Diagnoza vendoset nëpërmjet vlerësimit të kujdesshëm të simptomave që paraqet pacienti, ekzaminimit të kujdesshëm fizik, si dhe nëpërmjet disa analizave laboratorike që përgjithesisht janë për të përjashtuar sëmundje të tjera reumatizmale, kryesisht inflamatore si: Arthriti Rheumatoid, Lupusi Eritematoz Sistemik, Sindromi Sjogren, Spondiliti Ankilozant, Polimialgjia Rheumatike, Miopatite metabolike etj.

Trajtimi: Trajtimi është medikamentoz dhe ndihmues që konsiston në përmirësimin e cilësisë së jetës së pacientit.

Për më shumë informacion ose vizitë me mjeken reumatologe Ilektra Xhafa, kontaktoni në 042357535 ose në rezervime.spitaliamerikan.com

Spitali Amerikan, përqafoje jetën!

27/09/2025

Janë të shumta ndërhyrjet kirurgjikale që Dr. Bledar Kola kryen me sukses në përditshmërinë e tij. Dr. Bledar Kola, ka ushtruar profesionin e tij në klinika dhe qendra spitalore të ndryshme në vend, private dhe shtetërore, prej vitesh është pjesë e Departamentit të Kirurgjisë së Përgjithshme, pranë Spitalit Amerikan 3.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

27/09/2025

4 teste gjaku të rëndësishme për gratë!

Kur mjeku juaj ju rekomandon kryerjen e testeve të gjakut gjatë një kontrolli rutinë, qëllimi është të mësoni se sa mirë funksionon trupi juaj dhe të diagnostikojë sëmundje të tilla si diabeti ose sëmundjet e zemrës që mund të mos kenë simptoma të dukshme.
Veçanërisht 4 teste gjaku janë të rëndësishme për të përcaktuar gjendjen e shëndetit tuaj.

1. Testi i sheqerit në gjak: Mat nivelin e glukozës (sheqerit) në gjak. Niveli i lartë i sheqerit është një shenjë që trupi juaj ose nuk po prodhon insulinë të mjaftueshme ose nuk është duke përdorur insulinë në mënyrë efikase. Nivelet e larta të sheqerit në gjak mund të tregojnë se keni diabet ose paradiabet. Mjeku juaj duhet të kontrollojë nivelin tuaj të glukozës esëll ose HbA1C tuaj - një mesatare të sheqerit në gjak gjatë tre muajve të fundit — një herë në vit, ose më shpesh nëse tensioni juaj i gjakut është i lartë.

2. Lipidograma: Mat nivelet e kolesterolit jo të shëndetshëm dhe triglicerideve për të vlerësuar rrezikun e sëmundjes së zemrës suaj. Gratë që kanë rrezik më të madh për sëmundje të zemrës ose që kanë diabet duhet të testohen një herë në vit.

3. Hormoni stimulues i tiroides (TSH) dhe testi FT4 : Tiroidja prodhon hormone të cilat rregullojnë metabolizmin.

Gratë kanë më shumë gjasa se burrat të kenë një gjëndër tiroide joaktive (hipotiroidizëm) ose gjëndër tiroide aktive (hipertiroidizëm). Mjeku juaj përcakton frekuencën e testimit.

Gjithashtu kini parasysh këto simptoma të hipotiroidizmit ose hipertiroidizmit, të cilat përfshijnë:

- lodhje
- rrahje të shpejta të zemrës
- oreks të shtuar
- ndjeshmëri të madhe ndaj të ftohtit
- dobësi muskulore
- thonj dhe flokë të brishtë
- shtim ose rënie në peshë

4. Testi i vitaminës D (25 hidroksivitamina D): Mat nivelet e vitaminës D në gjakun tuaj. Vitamina D është thelbësore për fortësinë e kockave dhe funksionet e tjera të rëndësishme në trup. Gratë e moshuara kanë më shumë të ngjarë të kenë mungesë të vitaminës D.

Për më shumë informacion ose vizitë me mjekët tanë kontaktoni në 042357535 ose klikoni në: rezervime.spitaliamerikan.com

Spitali Amerikan, përqafoje jetën!

Spitali Amerikan - American Hospital Albania

29/09/2025

29/09/2025

29/09/2025

29/09/2025

29/09/2025

29/09/2025

28/09/2025

28/09/2025

28/09/2025

27/09/2025

27/09/2025

27/09/2025

Address

Telephone

Website

Alerts

Contact The Practice

Shortcuts

Share

Category