Konferenca Kombëtare e Shkencave Mjekësore - KKSHM

Konferenca Kombëtare e Shkencave Mjekësore është një aktivitet që organizohet nga Organizata Brainstorm, Universiteti i Mjekësisë, Tiranë, Këshilli Studentor i Universitetit të Mjekësisë,Tiranë (KSUMT) dhe mbështetet nga Ministria e Shëndetësisë, Ministria e Arsimit dhe Sportit dhe Qendra Spitalore Universitare “Nënë Tereza”, Tiranë dhe partnerëve. Qëllimi KKSHM është të sjellë të rejat më të fund

it nga kërkimet shkencore në fushën e mjekësisë dhe ta promovojë atë në vend. Gjithashtu KKSHM synon të nxisë punën e studentëve në kërkimin shkencor për të rritur formimin e tyre profesional. Në KKSHM marrin pjesë profesorë dhe doktorë të nderuar, profesionistë të fushave mjekësore dhe studentë nga i gjithë vendi. Ky aktivitet kurorëzon çdo vit një punë intensive disa mujore, nga një staf i gjerë profesorësh dhe studentësh të përkushtuar. KKSHM përfshin referime shkencore me tema nga fusha e Mjekësisë, Farmacisë, Shëndetit Publik, Mjekësisë Dentare dhe Shkencave Mjekësore Teknike. Programi i saj përbëhet nga:
• Prezantime nga profesorë të ndryshëm dhe mjekë të specialiteteve të ndryshme.
• Prezantime nga studentë të udhëhequra nga pedagogë të Universitetit të Mjekësisë, Tiranë.
• Prezantime individuale në Poster. Konferenca zgjat 3 ditë dhe është e akredituar nga QKEV (Qendra e Kombëtare e Edukimit në Vazhdim).