08/05/2025
Ky është rasti i një paciente, e cila paraqitet me shqetësime estetike të lidhura me humbjen e volumit dhe tonusit të lëkurës në zonën e faqeve, vijës mandibulare dhe tempujve. Pas vlerësimit klinik dhe konsultimit të plotë, u vendos të kryheshin trajtime me acid polilaktik (PLLA), një biostimulues që inkurajon prodhimin e kolagjenit në mënyrë progresive.
Janë kryer gjithsej 2 seanca trajtimi, në intervale prej 6 javësh mes tyre. Gjatë çdo seance, produkti u injektua në mënyrë të kontrolluar dhe të shpërndarë në shtresat e thella të dermës, sipas planeve të personalizuara për fytyrën e pacientes.
Rezultatet e vëzhguara deri më tani përfshijnë:
• Përmirësim gradual i densitetit dhe elasticitetit të lëkurës
• Rifitimi i kontureve natyrale të fytyrës, veçanërisht në zonën e faqeve dhe vijës mandibulare
• Pamje më e freskët dhe rinore, me efekte natyrale dhe progresive
Pacientja e ka toleruar trajtimin shumë mirë, pa efekte anësore të konsiderueshme. Rekomandohet ndjekje periodike dhe, nëse është e nevojshme, një seancë mirëmbajtjeje pas 12 muajsh.
®
