Rreth nesh
Klinika “ALBATURK TURKISH MEDICAL CONSULTING” me ekipin e mjekëve specialistë të çdo lloj fushe të mjekësisë është në shërbimin tuaj për çdo diagnoze, terapi dhe kirurgji në spitalet më cilësore dhe të besuara të Turqisë.
Klinika Albaturk Turkish Medical Consulting e nisi aktivitetin e saj në Tiranë, në vitin 2006 me qëllim kryesor informimin e pacientëve që kërkojnë zgjidhjen e problemeve të tyre shëndetësore në spitalet e Turqisë, mbi metodat e dignostikimit dhe trajtimit. Gjithashtu bëhet e mundur vënia e pacientit në kontakt me mjekun dhe spitalin e duhur, përllogaritja paraprake e kostos së dignostikimit dhe trajtimit në mënyrë që pacienti të jetë i përgatitur para nisjes së këtij “udhëtimi shëndetësor”. Në rastet kur pacienti dëshiron të gjejë zgjidhjen dhe trajtimin e duhur të sëmundjes jashtë vendit, ai duhet të vihet në kontakt me mjekun dhe spitalin e duhur, në të kundërt shëndeti i tij do të vihet në rrezik, gjithashtu pacienti rrezikon të ndodhet në një situatë të vështirë ekonomike.
Për këtë arsye, duke ditur që shëndeti është më i rëndësishmi për jetën e njeriut dhe për të parandaluar që pacientët shqiptarë të bien në duart e përkthyesve sekserë, të ashtuquajtur ”menaxherë pacienti”, jemi të bindur se një organizim shëndetësor i mirëfilltë me një mision të tillë jetik, duhet të udhëhiqet nga një staf profesional mjekësor.
Në periudhën që u themelua klinika jonë, në Shqipëri ekzistonin pak aktivitete të tilla private. Për shumë vite me radhë ka qenë klinika e parë dhe e vetme që ka pasur në stafin e saj mjekë specialistë turq të cilët e ekzaminojnë në mënyrën e duhur pacientin. Edhe pse në Shqipëri gjatë kësaj kohe ka patur shumë klinika turke, Albaturk ka qenë e vetmja që ka ofruar konsulencë mjekësore me specialistët më të mirë të spitaleve turke.
Kemi 9 vjet në mesin tuaj. Zyra Albaturk TMC në Tiranë që nga viti 2006 ka gjetur zgjidhje për problemet shëndetsore qindra pacientëve shqiptar. Ne kemi mundësuar ndjërmjetësime në kryerjen e ndërhyrjeve të ndryshme; që nga transplanti i mëlçisë dhe veshkave deri në vendosjen e implanteve kokleare, trajtimin e tumoreve cerebrale me metodën Gamma Knife të radioterapisë ashtu dhe me kemoterapi me dozë të lartë, trajtimin e kancerit të gjirit, ndërhyrje për korigjimin e skoliozës, operacione të zgjatjes së kockës, operacione për vendosjen e protezës së gjurit, të kaviljes, të shpatullës, të artikulacionit koksofemoral, si dhe operacione ortopedike mbrojtëse ne rastet tumorale.
