12/08/2025
1. Shmangni daljet 11:00–17:00 – Në këtë interval rrezatimi diellor është më i fortë, gjë që rrit rrezikun për goditje nga i nxehti dhe djegie të lëkurës.
2. Vishuni lehtë e me ngjyra të hapura – Veshjet prej pambuku dhe ngjyrat e hapura ndihmojnë trupin të marrë frymë dhe reflektojnë rrezet, duke ulur nxehtësinë që përthithet.
3. Përdorni kapele, çadër e syze dielli – Mbrojnë kokën nga mbinxehja, sytë nga drita e fortë dhe lëkurën e fytyrës nga dëmtimet UV.
4. Mbani shtëpinë të freskët – Mbyllja e dritareve gjatë ditës dhe mbajtja e temperaturës brenda 25°–27°C shmang akumulimin e nxehtësisë.
5. Freskohuni shpesh me ujë – Dushi ose lagia e qafës, ballit dhe krahëve ul menjëherë temperaturën e trupit.
6. Pini mjaftueshëm ujë – Edhe kur nuk keni etje, trupi humbet shumë lëngje në të nxehtë, ndaj hidratimi është thelbësor.
7. Shmangni alkoolin, pijet me sheqer e kafeinën – Këto nxisin humbjen e lëngjeve dhe përkeqësojnë dehidratimin.
8. Hani ushqime të freskëta e të pasura me ujë – Frutat dhe perimet si shalqiri, kastraveci e domatet freskojnë trupin dhe ndihmojnë tretjen.
9. Ruani ushqimet në frigorifer – Nxehtësia e verës përshpejton prishjen e ushqimeve dhe rrit rrezikun për helmime.
10. Shmangni ushqimet e nxehta e pikante – Këto rrisin temperaturën e trupit dhe shtojnë djersitjen.
