22/11/2024
Me dt 22 Nëntor u zhvillua Kongresi i Manastirit i gjuhës Shqipe, përveç se festë kombëtare që e festojmë me mirënjohje dhe gëzim, personalisht e marr si një ditë ndërgjegjësimi dhe kërkim falje për gjithë gabimet që bëj gjatë vitit në drejtshkrim.
Gjeta një rrëfim të At Gjergj Fishtës në web që e gjeni në poshtë statusit dhe pyes mbi vërtetësinë miqtë që ndoshta kanë informacione më të sakta.
Kujtojmë se Komisioni ishte i përbërë nga:
1.Gjergj Fishta - Kryetar i komisionit të alfabetit
2.Mit'hat Fashëri - Kryetar i kongresit
3.Luigj Gurakuqi
4.Gjergj Qiriazi
5.Ndre Mjedja
6.Gligor Cilka
7.Taqi Buda
8.Shahin Kolonja
9.Sotir Peçi
10.Bajo Topulli
11.Nyzhet Vrioni
Rrëfimi i Fishtës:
Ishim nga të gjitha skajet e Shqipnisë dhe të kolonive shqiptare ndër dhena të hueja. U treguam me të vertët shqiptar sepse kurnjani nuk donte me i lëshue asnji fije penit nga mendimi i vet atij tjetrit. Kongresi duhej të shpërndahej pa marrë kurrnji vendim.
– U terbova nga inati, U çova në kambë e u fola: – O burra shqyptarë po a me të vërtetë do t’i lamë marre vedit para të gjithë botës?
– Po a mendoni ndopak se çka do t’u thomi shqyptarëve kur të na pvesin se çka keni ba ju dijetarët atje në Manastir?
– Çka do t’u thomi na njerzve të pashkollë që nuk dijnë as me shkrue as me këndue?… Na jemi që mendojmë me ba Shqypninë e si do ta bajmë atë kur na nuk duem me u marrë vesht ndërmjet vedit se si duhet me u shkrue germa A e ajo I?
– Burra po u flas me zemër në dorë se asht marre e turp e faqe e zezë me i lanë marre vedit para popullit shqyptar e para tanë botës, që pret dishka prej nesh e na të kthejmë pa kurrgja në dorë ndër shpija tona.
– Po ulnju burra, ulnju shesh*t e pse të kalojmë edhe nji ditë ma shumë në kët vend, mos ta lamë duerbosh popullin që na pret!…
– Aferim! Padre Gjergj!… Aferim të kjoftë, . bërtiti më të madhë një hoxhë me mjekërr"Hoxhë Hafiz Ali Korça" Ai u çue në kambë e e erdh drejt te un, e më puthi në ballë e më tha: – Kështu flet shqiptari që e di që asht shqiptar!…
Ulnju burra, – u tha, – ulnju këtu në shesh të zgjedhim një komisjon e në krye të vemë Pater Gjergj Fishten e vetëm komisioni do të caktojë se shka duhet të bajmë sot për të mirën e popullit shqiptar neser…
Fjala e tij u ndigjue me duartrokitje e më caktuen Kryetar të Komisionit të Kongresit të Manastirit, i cili do të delte bosh sikur mos të isjte tregue toleranca e eme që të pranojshm dy alfabete njiherit, atë të Stambollit që kërkonte Mit’hat Frashëri dhe kët që u vendos.
Kjo sjellje e eme në Kongres të Manastirit më ka kushtue mjaft shtrejt në jetë sepse Abat Doçi, të cilin un e përfaqsova në atë Kongres m’u idhnue e kur u ktheva më tha: Pater Gjergj, un të kam dijtë si nieri që nuk ban kompromis në jetë! …
Por Shqypnija nuk mund të bahej ndrysh…”
Nga: At’ Gjergj Fishta
