E themeluar në vitin 2010 me synimin e qartë të krijimit të qendrave të ekselencës në Shqipëri në fushat e Okulistikës, Fertilizimit In Vitro dhe Ortopedisë, “Klinika Italiane San Antonio” sot ofron shërbime në mbi 12 specialitete të ndryshme, nën asistencën e plotë të stafit të specializuar Italo-Shqiptar. Humaniteti, profesionalizmi, ndjenja të larta të përgjegjësisë, investimi serioz, stafi i s
pecializuar dhe përdorimi i teknologjive më bashkëkohore në fushën e mjekësisë kanë qenë themelet e drejtimit të Klinikës Italiane San Antonio. Në një sipërfaqe rreth 2 000 m2 dhe me një investim në mbi 2.2 milion euro, Klinika Italiane San Antonio ofron shërbimet: Obstetrikë, Gjinekologji, Fertilizim In Vitro, Okulistikë, Ortopedi, Fizioterapi, Patologji, Pediatri, Otorinolaringologji, Imazheri, trajtim të problemeve të shëndetit mendor, Mjekësi estetike, Laboratori, Farmacia. Me një investim serioz në përdorimin e teknologjisë më bashkëkohore, në Klinikën Italine S.Antonio ndodhet laboratori më modern i Fertilizimit in Vitro. Dr. Astrit Bimbashi dhe asistencës së plotë të mjekëve dhe biologëve italo-shqiptarë, në Klinikën Italiane S.Antonio prej gati katër vitesh janë regjistruar histori të shumta suksesi të plotësimit të ëndrrës së shumë çifteve për të qënë prindër. Ortopedia në Klinikën Italiane S.Antonio nën drejtimin e Prof.Dr. Carlo Celli ofron mundësinë e trajtimit të të gjithë problemeve ortopedike, të gjymtyrëve të sipërme, të poshtme dhe të kolonës, përmes kirurgjisë së hapur konvencionale si dhe asaj të mbyllur (artroskopisë). Gjithashtu stafi italian i shërbimit të ortopedisë ofron shërbim të specializuar edhe në ortopedinë pediatrike dhe fizioterapi përmes përdorimit të teknologjisë së lazerit apo fizioterapisë manuale. Ne e dimë se profesionalizmi dhe cilësia e shërbimit përfaqësojnë pikat më të forta të një asistence të mirë, e për këtë arsye jemi të impenjuar maksimalisht në garantimin e këtyre kritereve. Sa më e madh të jetë sasia e informacionit që ju merrni për klinikën tonë, aq më të garantuara janë të drejtat tuaja për të zgjedhur! Ju falenderojmë dhe Ju mirëpresim në klinikën tonë!
