25/09/2025
Të dashur miq, kolegë dhe bashkëpunëtorë,
Sot është një ditë e veçantë – edhe pse, për të qenë i sinqertë, unë vetë pothuajse e harrova që klinika jonë mbush plot 7 vite. Ndoshta kjo ndodhi ngaqë çdo ditë këtu është kaq e mbushur me punë, përkushtim, sfida e emocione, sa që koha kalon pa u ndjerë. Dhe ndoshta ky është treguesi më i madh se kjo klinikë nuk është vetëm një vend pune, por një shtëpi e dytë për të gjithë ne.
Kur kthehem pas në kohë, kujtoj fillimet – ato ditë të mbushura me pasiguri, pyetje dhe ëndrra të mëdha. Sot, pas 7 vitesh, e shoh këtë klinikë si një familje të madhe, ku çdo buzëqeshje e pacientit është suksesi ynë më i madh, dhe çdo përqafim falënderues është shpërblimi më i vlefshëm.
7 vite nuk janë thjesht një numër. Janë 7 vite besim nga pacientët tanë, 7 vite punë të palodhur nga stafi ynë, dhe 7 vite sfida të kthyera në fitore. Dhe e gjitha kjo nuk do të ishte e mundur pa secilin prej jush që jeni sot këtu – mjekë, asistentë, bashkëpunëtorë dhe mbi të gjitha, pacientët tanë që na kanë besuar shëndetin e tyre.
E pranoj me zemër: ndoshta sot e harrova për një moment se është ditëlindja e klinikës sonë. Por ndoshta kjo është sepse çdo ditë për mua është një festë kur shoh ndryshimin që bëjmë tek njerëzit.
Le të festojmë jo vetëm 7 vitet që kaluan, por edhe të ardhmen e ndritur që kemi përpara. Le ta vazhdojmë këtë rrugëtim me të njëjtën dashuri, me të njëjtën përkushtim dhe me të njëjtën zemër të madhe që na ka sjellë deri këtu.
Gëzuar 7-vjetorin tonë! Dhe faleminderit që jeni pjesë e kësaj historie të bukur.
