21/09/2024
Ataku në zemër është dëmtimi i muskulit të zemrës, që shkaktohet nga reduktimi ose bllokimi i qarkullimit të gjakut në muskulin e zemrës.
Kjo gjendje quhet edhe infarkt i miokardit.
Ataku në zemër është urgjencë serioze mjekësore
Nëse mendoni se vetë ju, ose dikush tjetër, mund të jetë duke pësuar një atak në zemër telefononi 127, ose urgjencën më të afërt mjekësore.
Simptomat e një ataku në zemër mund të përfshijnë:
Dhimbje gjoksi që mund të ndihet si presion, shtërngim, dhimbje, shtrydhje, shtypje, djegje.
Dhimbje ose diskomfort që përhapet në shpatull, krah, shpinë, qafë, nofull, dhëmbë, ose në pjesën e sipërme të barkut
Djersë të ftohta
Lodhje e theksuar
Djegje në zemër ose në stomak
Marrje mendsh e pa pritur
Nauze me të vjella
Vështirësi në frymëmarrje
Një atak në zemër zakonisht shkakton dhimbje gjoksi, që zgjat më shumë se15 minuta.
Dhimbja e gjoksit mund të jetë e lehtë ose e fortë
Disa njerëz nuk kanë dhimbje gjoksi, ose presion në gjoks.
Tek disa persona të tjerë simptomat mund të jenë më pak të shprehura, sidomos tek gratë.
Mund të ndodh psh që simptomat e sulmit në zemër, mund të çfaqen me ndjenjën e të vjellit, me një dhimbje té shkurtër ose të mprehtë, që ndihet në qafë, krah, ose shpinë.
Disa sulme në zemër ndodhin papritur, por tek shumë njerëz, kanë shenja paralajmëruese orë ose ditë më parë.
Ndihma e parë..Telefono urgjent 127, ose urgjencën më të afërt mjekësore.
Kurrë mos i injoroni simptomat e një ataku në zemër.
Kërkoni ndihmë që dikush pranë jush t'ju çojë me makinë në spital.
Nëse nuk keni zgjidhje tjetër, merreni vetë makinën, dhe shkoni në spital.
Merrni Aspirinë nëse ju rekomandohet. Aspirina ndihmon në parandalimin e mpiksjes së gjakut, dhe marrja e saj në këto raste, mund të zvogëlojë dëmtimin e zemrës.
Mos e merr aspirinën nëse nuk ju rekomandohet nga një profesionist mjekësor, ndaj mos vono të telefonosh urgjencën për këtë këshillë të vyer mjekësore dhe jo vetëm.
Vendosni një tablet Trinitrinë/ Nitroglicerinë nën gjuhë ndëra prisni ndihmën mjekësore urgjente.
Filloni CPR/ ringjalljen zemër- mushkri nëse personi që po ndihmoni, nuk ka puls, dhe nuk merr frymë.
Nëse nuk jeni të trajnuar për kétë procedurë, bëni vetëm CPR me duar, që do të thotë të shtypësh dhe shtysh fort dhe shpejtë në krahërorin e pacientit.
Bëjeni këtë veprim për rreth 100-120 herë në minutë.
Nëse jeni të trajnuar për këtë procedurë dhe të sigurt në aftësitë tuaja, filloni me 30 shtypje-
shtytje në kraharor, dhe dy frymëmarrje artificiale shpëtimi.
Ka një ndryshim sinjifikativ midis termave "Atak kardiak" dhe Arrest kardiak.
Arresti kardiak është një humbje e menjëhershme dhe e papritur e funksionit të zemrës, dhe bashkë me të, edhe e frymëmarrjes dhe vetëdijes.
Arresti kardiak zakonisht ndodh nga një problem elektrik ose mekanik në zemër, dhe që çon në ndërprerjen e funksionit pompë.
Ataku kardiak mund të shkaktoj arrest kardiak, sepse nga iskemia aktute muskulare shkaktohen aritmitë madhore, që ndalojnë funksionin e zemrës.
Arresti Kardiak është urgjencë mjekësore vdekjeprurse.
Nëse aplikohet menjëherë CPR ekzistojnë mundësitë për mbijetëse
Faktorët e riskut për Atak kardiak.
Faktori genetik, trashëgimia familjare
Duhanpirja
Përdorimi i drograve të ndryshme
Hipertensioni
Diabeti i sheqerit
Dislipidemit ose çrregullimi i yndyrnave në gjak.
Kolesteroli dhe trigliceridet mbi nivelin e normës
Stresi dhe jeta sedentare etj
PS. Për postimet me tematika të ndryshme mjekësore, ngaherë jam përpjekur, që të shprehem me terma dhe fjalë të thjeshta.
Këte postime adresohen kryesisht për ndjeksit e mi, që nuk janë profesionistë mjekësor
Shpresoj të vlejnë sadopak për këdo.
Për të ruajtur një shëndet të shëndetshëm, duhet treguar kujdes në çdo çast, cdo ditë, dhe në çdo kohë.
Nuk kushton asgjë të bësh një profil të thjeshtë analizash gjaku, një EKG dhe një vizitë mjekësore.
"Klinika mjekësore "Jeta" në Laprakë, ka kohë që ofron konsulta mjekësore falas, me mjekë me shumë eksperiencë, në këtë fushë
Vepro sot jo nesër. E nesërmja nuk ekziston për askënd ..
