21/08/2025
“Përmirësimet e vazhdueshme në mjekësi kanë ndikuar ndjeshëm në trajtimin e kancerit duke rezultuar në rezultate të suksesshme. Sot, trajtimi i kancerit mbështetet në tre strategji kryesore: kirurgjia, radioterapia dhe terapitë sistemike. Kirurgjia shpesh shërben si trajtimi fillestar për shumë lloje kanceri, duke ofruar mundësinë më të mirë për shërim nëse tumori mund të hiqet plotësisht nga trupi.
Megjithatë, disa lloje tumoresh vlerësohen si të paoperueshme, pra të rrezikshme për kirurgji, ose gjendja e përgjithshme shëndetësore e pacientit nuk është e përshtatshme për të kryer operacionin. Në disa raste të tjera, edhe nëse kryhet një ndërhyrje kirurgjikale, ajo mund të mos jetë e mjaftueshme për shërim të plotë, duke bërë të nevojshme aplikimin e metodave shtesë të trajtimit si radioterapia dhe terapitë sistemike, për të përmirësuar rezultatet dhe për të zvogëluar rrezikun e rikthimit të sëmundjes.
Në Acıbadem, të gjitha këto metoda trajtimi përdoren në trajtimin e kancerit, si në fazat e hershme ashtu edhe në ato të avancuara të sëmundjes. Për më tepër, pacientëve mund t’u ofrohen kombinime të disa opsioneve të trajtimit, të cilat mund të sigurojnë shkatërrimin e të gjitha qelizave kancerogjene.”
