Klinika “Gliozheni” ka një historik mjaft të vjetër të aktivitetit të saj mjekësor. Ajo është krijuar për herë të parë në Korçë, në vitin 1905, kur mjeku Pandeli Gliozheni, hapi në shtëpinë e tij një Klinikë për trajtimin e sëmundjeve të brëndëshme si dhe atyre oftalmologjike. Pandeliu kishte mbaruar studimet e larta në Athinë dhe specializimin në Paris dhe ishte një nga 3-4 mjekët e pakët dhe me
reputacion shumë të mirë të qytetit. Kjo Klinikë u trashëgua më pas nga djali i tij mjek, Koço Gliozheni, i cili kishte mbaruar studimet për mjekësi dhe specializimin për kirurgji e gjinekologji në Universitetin e Athinës. Ai fillimisht punoi bashkë me të atin dhe më pas vetë, si mjek i përgjithshëm, por edhe si kirurg e gjinekolog. Në vitin 1949, Koço Gliozheni transferohet në Tiranë dhe në 1951 emërohet Drejtor i Spitalit Universitar Obstetrik - Gjinekologjik të Tiranës. Përveç aktivitetit si gjinekolog në këtë institucion, ai rihapi në shtëpinë e tij Klinikën “Gliozheni”. Klinika ishte nga strukturat më në zë dhe më të frekuentuara të asaj kohe në Tiranë. Me hapjen e Universitetit të Tiranës në Vitin 1957, Koço Gliozheni emërohet Shef i Katedrës së Obstetrikë - Gjinekologjisë, post që e mbajti deri në daljen në pension. Në vitin 1958 i jepet Titulli Profesor, së bashku me grupin e 7 profesorëve të parë të Shqipërisë. Klinika u mbyll në fillimet e viteve 60’ si rezultat i vendimit të qeverisë komuniste për të mos lejuar më në Shqipëri aktivitetin mjekësor privat. Klinika “Gliozheni” rihapet në vitin 1992 nga Orion Gliozheni, djali i Koços dhe nipi i Pandeliut. Orioni porsa ishte kthyer nga specializimi për gjinekologji në Paris dhe kthimi konçidonte me vendosjen e një sistemi demokratik, ku aktiviteti privat shëndetsor u lejua përsëri. Që prej asaj kohe, Klinika “Gliozheni” ka gati 20 vjet që jep një kontribut të çmuar në diagnozën dhe trajtimin e patologjve obstetrikale, gjinekologjike si dhe në fushën e infertilitetit në Shqipëri. Orion Gliozhenit, filloi për herë të parë në Shqipëri, pranë kësaj Klinike dhe proçesi i fertilizimit in vitro (FIV-ET), dhe sot numërohen mbi 1000 fëmijë të lindur me këto metoda, si rezultat i punës të kësaj klinike, duke u dhënë këtyre çifteve lumturinë më të madhe të jetës së tyre, atë të bërjes prindër. Sot, Klinika “Gliozheni” është një nga strukturat private më të kompletuara dhe më të njohura në Shqipëri, në fushën e obstetrikës, gjinekologjisë dhe infertilitetit. Ajo ka në përberje të saj një grup mjekësh, që prej vitesh punojnë në këtë specialitet dhe në mënyrë të veçantë edhe në fushën e diagnostikimit dhe kurimit te infertilitetit të çiftit. Pjestarë të grupit janë gjithashtu edhe mjaft mjekë gjinekologë dhe specialistë të tjerë, të cilët nëpërmjet konsulencave, drejtojnë aty pacientet e tyre, duke influencuar në marrjen e vendimeve dhe në strategjitë terapeutike. Klinika disponon gjithashtu aparatura e teknologji bashkëkohore, të cilat pa dyshim ndikojne në rezultatet shumë të mira të diagnozës dhe trajtimit të këtyre sëmundjeve.
