Operatori i Shërbimeve të Kujdesit Shëndetësor

16/04/2026

16/04/2026

🌞 Vera është këtu dhe, bashkë me të, vjen edhe ekspozimi më i madh në diell!
Lëkura jonë ka nevojë për kujdes të veçantë. 🧴

🔍 Kontrolloni rregullisht nishanet dhe çdo ndryshim në lëkurë.
🛡️ Përdorni krem mbrojtës ndaj diellit çdo ditë.
👨‍⚕️ Mos neglizhoni asnjë shqetësim.

Kujdesi për lëkurën është kujdes për shëndetin tuaj. ❤️

Për çdo paqartësi apo shqetësim, drejtohuni te mjeku dermatolog.

15/04/2026

Në kuadër të Ditës Botërore të Artit

OSHKSH vlerëson rolin e artit në promovimin e shëndetit mendor dhe mirëqenies 🌿.

Arti shërben si një formë e rëndësishme shprehjeje që ndihmon në reduktimin e stresit dhe përmirësimin e cilësisë së jetës ✨.

Kujdesi për shëndetin nuk është vetëm fizik, por përfshin edhe mirëqenien emocionale, ku arti mbetet një aleat i çmuar 🤍.

15/04/2026

💉 Vaksinimi kundër Fruthit dhe Rubeolës mbron shëndetin e fëmijëve!

📅 Gjatë periudhës janar – mars 2026:
👶 4,781 fëmijë kanë marrë dozën I të vaksinës
👶 4,831 fëmijë kanë marrë dozën II të vaksinës

Vaksinimi në kohë është mënyra më e sigurt për të parandaluar përhapjen e sëmundjeve dhe për të mbrojtur komunitetin.

✅ Respektoni kalendarin e vaksinimit për fëmijën tuaj!

15/04/2026

🏥 Kujdesi Shëndetësor në Banesë
Shërbim pranë çdo qytetari.

Gjatë periudhës janar - mars 2026, janë realizuar 45,112 vizita në kuadër të Kujdesit Shëndetësor në Banesë, duke garantuar mbështetje të vazhdueshme dhe cilësore për pacientët që kanë nevojë për shërbim në shtëpi.

Ky program synon të ofrojë kujdes profesional, të aksesueshëm dhe të përkushtuar, veçanërisht për të moshuarit dhe pacientët me vështirësi në lëvizje.

📍 Në Shkodër janë realizuar 7,534 vizita, duke reflektuar angazhimin maksimal të ekipeve mjekësore në terren.

👩‍⚕️👨‍⚕️ OSHKSH vijon të mbetet e përkushtuar për të garantuar shërbime shëndetësore cilësore dhe të barabarta për çdo qytetar, kudo që ai ndodhet.

15/04/2026

🗓️ Raportimi javor 6-12 prill 2026

Gjatë kësaj jave, ekipet e OSHKSH ofruan një sërë shërbimesh për qytetarët:
✔️ Shërbime stomatologjike dhe depistim të shikimit për fëmijët
✔️ Kujdes shëndetësor në banesë për pacientët më vulnerabël
✔️ Teste të shpejta COVID-19
✔️ Vaksinim kundër HPV për mbrojtjen nga kanceri i qafës së mitrës
✔️ Mamografi për depistimin e hershëm të kancerit të gjirit
✔️ Vaksinimi i fëmijëve, doza e dytë kundër fruthit & rubeolës

📊 Të dhënat e detajuara i gjeni në posterat më poshtë ⬇️

OSHKSH vazhdon të garantojë shërbime cilësore, të afërta dhe të aksesueshme për të gjithë qytetarët.

14/04/2026

Zgjidh shëndetin, zgjidh të mbrohesh. 💉💙
Vaksina është një hap i rëndësishëm për parandalimin e përhapjes së HPV-së dhe për një të ardhme më të sigurt për të gjithë.

Gjatë periudhës janar–mars, interesi për vaksinim ka ardhur në rritje:
👩 2,940 femra të vaksinuara
👨 1,343 meshkuj të vaksinuar

Këto shifra tregojnë se gjithnjë e më shumë qytetarë po ndërgjegjësohen për rëndësinë e parandalimit dhe kujdesit ndaj vetes. 🌿

Vepro sot për një të ardhme më të shëndetshme!

14/04/2026

12/04/2026

Operatori i Shërbimeve të Kujdesit Shëndetësor uron të gjithë besimtarët ortodoksë Gëzuar Pashkët! ✨

Në këtë ditë të shenjtë, ju përcjellim urimet më të përzemërta për shëndet, paqe dhe begati në familjet tuaja. Le të sjellë festa e ringjalljes së Krishtit më shumë shpresë, mirësi dhe forcë për të gjithë.

11/04/2026

🧠 Dita Botërore e Parkinsonit

Me rastin e Ditës Botërore të Parkinsonit, Operatori i Shërbimeve të Kujdesit Shëndetësor i bashkohet nismave për rritjen e ndërgjegjësimit dhe mbështetjes ndaj personave që jetojnë me këtë sëmundje.

Kjo ditë na kujton rëndësinë e mirëkuptimit, kujdesit dhe solidaritetit në përditshmëri.

OSHKSH mbetet i angazhuar në ofrimin e shërbimeve cilësore dhe në përkrahjen e pacientëve.

10/04/2026

🎀 Mamografia, kontrolli që bën diferencën.

Në periudhën janar – mars 2026, janë kryer gjithsej 945 mamografi, duke ndihmuar në diagnostikimin e hershëm dhe kujdesin më të mirë për shëndetin e grave.

Poliklinika e Specialiteteve Nr. 3 ka realizuar numrin më të lartë të ekzaminimeve mamografike, duke treguar rëndësinë e këtij shërbimi në parandalim dhe kontroll.

OSHKSH vijon angazhimin për të garantuar shërbime shëndetësore cilësore dhe nxit çdo grua të kryejë kontrollet periodike në kohë.

10/04/2026

🤝 OSHKSH dhe SOLIDAR nisin bashkëpunimin për forcimin e kapaciteteve në menaxhimin e emergjencave shëndetësore

📍 Në kuadër të projektit SOLIDAR “Forcimi i kapaciteteve të qeverisjes dhe menaxhimit për gatishmërinë, reagimin ndaj emergjencave shëndetësore dhe qëndrueshmërinë e sistemit në Shqipëri”, pranë Drejtorisë Qendrore të OSHKSH-së u zhvilluan takime prezantuese me pjesëmarrjen e përfaqësuesve të SOLIDAR, z. Filip Vila, znj. Mirela Cela, ekspertit gjerman Lars Kyburg, si dhe eksperteve znj. Elona Gjebrea dhe znj. Gertjana Hasalla.

🤝 Nga OSHKSH morën pjesë Drejtoresha e Përgjithshme, znj. Jeta Deda, Zëvendësdrejtoresha e Përgjithshme, znj. Fleura Truja, Drejtoresha e Drejtorisë së Financave dhe Shërbimeve Mbështetëse, znj. Hygerta Goxhaj, Drejtoresha e Drejtorisë së Racionalizimit të Kujdesit Shëndetësor, znj. Rolanda Mërkuri, Drejtori i Drejtorisë së Racionalizimit të Kujdesit Shëndetësor, z. Hermes Xhemalaj, Drejtori i Drejtorisë së Ofrimit të Kujdesit Shëndetësor, z. Lorenc Hashorva, si edhe përfaqësues të tjerë të këtyre drejtorive.

📊 Gjatë takimeve u prezantuan objektivat e bashkëpunimit, i cili do të fokusohet në tre komponentë kryesorë:
▪️ Rishikimi institucional dhe mbështetja për planifikim
▪️ Ngritja e kapaciteteve përmes trajnimit dhe zhvillimit të stafit
▪️ Zhvillimi i sesioneve të përbashkëta të punës për hartimin e mjeteve dhe planeve konkrete të veprimit

🏥 Ky bashkëpunim synon të mbështesë OSHKSH-në në forcimin e kapaciteteve institucionale për planifikim, menaxhim, monitorim dhe organizim të shërbimeve shëndetësore, në funksion të një sistemi më të qëndrueshëm dhe të përgatitur për përballimin e emergjencave shëndetësore.