26/05/2025
Çfarë është hierarkia e kancerit?
Po, kanceri funksionon në bazë të një hierarkie.
1️⃣ Në majë të piramindës qëndrojnë qelizat staminale të kancerit - janë të rralla, por shumë të fuqishme. Ato mund të krijojnë qeliza të tjera dhe janë shpesh rezistente ndaj trajtimeve. Edhe pas kimioterapisë, nëse mbeten këto qeliza, tumori mund të rikthehet.
2️⃣ Në mes të piramidës qëndrojnë qelizat pasardhëse të atyre staminale (progenitore) - ato nuk janë aq “të fuqishme” sa qelizat staminale, por janë të specializuara për t’u shumuar shpejt dhe për të ndërtuar pjesën më të madhe të tumorit. Janë si “ndihmëse” të qelizave staminale.
3️⃣ Në fund të hierarkisë janë qelizat e zakonshme tumorale.
Këto janë qelizat që e kanë humbur aftësinë për t’u replikuar shumë ose për të krijuar qeliza të reja.
Ato janë qeliza tumorale, por:
- Nuk mund të rrisin një tumor të ri nëse ndahen nga pjesa tjetër e tumorit
- Nuk vetë-rinovohen, pra nuk mbajnë gjallë tumorin në mënyrë të pavarur.
Gjithashtu, qelizat e thjeshta tumorale janë shpesh më të ndjeshme ndaj kimioterapisë dhe rrezatimit, sepse kanë më pak mekanizma mbrojtës dhe nuk janë aq “inteligjente” sa qelizat staminale ose progenitore.
Prandaj, edhe pse eliminimi i këtyre qelizave ul përkohësisht madhësinë e tumorit, nuk është e mjaftueshme për ta zhdukur sëmundjen, nëse qelizat staminale mbeten aktive.
🎯 Work smart, not hard…edhe në onkologji!
🩻 Imazhi i gjeneruar me AI 👌
