16/11/2025
🔊 Diagnoza e saktë & bashkëpunimi midis mjekëve që bën të mundur trajtimin e suksesshëm të pacientit
.BlerinaDhamo
Pacienti 47 vjeçar u paraqit në Urgjencën e spitalit Hygeia me dhimbje të forta barku. Pas ekzaminimit klinik dhe imazherik ( skaner abdominal me kontrast ) u pa një trombozë në arterien që ushqen zorrën ( trombozë e arteries mezenterika) dhe në vijim pacienti ju nënshtrua kirurgjisë për heqjen e zorrës së prekur, ndërhyrje kjo që u realizua me sukses nga stafi i mjekëve kirurgë dhe pacienti pas rikuperimit doli nga spitali në gjendje të mirë. Disa javë më pas pacienti rikthehet në urgjencë këtë herë me dhimbje të forta në kokë dhe pasi u plotësua me ekzaminimin imazherik të kokës u konstatua një mpiksje gjaku ( tromboze/ishemi cerebrale ), këtë herë në një zonë të trurit.
Pas këtyre dy episodeve që pacienti kishte përjetuar gjatë kësaj periudhe kohore mjekët specialistë neurologë, kirurgë dhe reumatologë, pas një konsulte të përbashkët, vendosën të kërkonin mbi shkaqet e mundshmë që japin këtë prirje të organizmit për të krijuar tromboza. Për këtë u vendos kryerja e analizave të tjera laboratorike nga ku pacienti rezultoi pozitiv për dy antitrupa të sëmundjes që njihet si Sindromi Antifosfolipid. Në vijim mjekja reumatologe e Spitalit Hygeia, dr. Blerina Dhamo, filloi menjëherë trajtimin e pacientit me hollues të gjakut, që në të tilla raste do të merren për një kohë më të gjatë, trajtim i cili reflektoi në mënyrë pozitive tek pacienti duke qënë se gjendja e tij u permiresua ndjeshëm, duke ju rikthyer kështu jetës normale.
📌 Ҫfarë është Sindromi Antifosfolipid ?
Kjo është një sëmundje reumatizmale autoimune ku organizmi prodhon antitrupa që rrisin rrezikun për tromboza në të gjithë organizmin ( tromboza në arteriet apo venat e anësive, tromboza në organet e brendshme dhe në shumicën e rasteve kjo sëmundje mund të shkaktojë edhe aborte spontane të perseritura sidhe komplikacione gjatë shtatzënisë si për nënën ashtu edhe për bebin)
Trajtimi dhe ndjekja e kësaj sëmundje realizohet nga mjeku reumatolog ku, si trajtim, aplikohen hollues gjaku dhe preparate që synojnë frenimin e prodhimit të antitrupave nga sistemi imun.
Kontaktoni ☎️: +355 (0) 4 23 90 000
