http://imca.al/, http://amea.al/

IMCA Albania, American Hospital, Tirana (2026)

09/04/2026

Njihuni me lektorët e Samitit të VII-të Kombëtar të Gastroenterologjisë – 25 Prill 2026, Plaza Hotel Tirana:

Dr. Zana Nikolla, M.D.
Mjeke Gastroenterologe – Premier Medical Group, Hudson Valley, SHBA

Dr. Zana Nikolla është mjeke gastroenterologe me përvojë të gjerë klinike dhe akademike, e specializuar në sëmundjet digjestive, motilitetin gastrointestinal dhe neurogastroenterologjinë. Ka përfunduar Gastroenterology Fellowship në Bridgeport Hospital/Yale School of Medicine dhe GI Motility & Neurogastroenterology Fellowship në Temple University, si dhe ka shërbyer si Chief Resident në Jacobi Medical Center, Albert Einstein College of Medicine.

Është certifikuar nga American Board of Gastroenterology dhe Internal Medicine dhe vazhdon të ruajë standardet më të larta profesionale përmes programeve MOC dhe ABIM. Dr. Nikolla ka publikuar dhe prezantuar hulumtime të shumta mbi Celiac Disease, Malnutrition, Microscopic Colitis dhe MASLD/MASH, duke kontribuar në përmirësimin e kujdesit klinik dhe zbatimin e udhëzimeve të përparuara të gastroenterologjisë.

Në aspektin akademik, ajo udhëheq programe edukative për mjekët e rinj dhe specialistët në gastroenterologji, duke moderuar dhe zhvilluar GI Teaching Day dhe programe CME. Gjithashtu, Dr. Nikolla është aktive në komunitet dhe organizata profesionale, duke promovuar edukimin për shëndetin digjestiv dhe duke mbështetur pacientët me sëmundje kronike gastrointestinale.

Ekspertiza e saj përfshin diagnostikimin dhe trajtimin e sëmundjeve të aparatit tretës, edukimin klinik të profesionistëve të shëndetit, si dhe kërkimin shkencor mbi sëmundjet gastrointestinale kronike dhe komplikacionet e tyre.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Dr. Sokol Shehu
Mjek Anestezist–Reanimator – Spitali Vila Maria

Dr. Sokol Shehu është mjek anestezist–reanimator me eksperiencë të gjerë në anestezinë kardiake dhe kujdesin intensiv, me një karrierë të ndërtuar në disa nga spitalet më të rëndësishme private dhe publike në Shqipëri. Ka përfunduar studimet në Fakultetin e Mjekësisë, Universiteti i Tiranës dhe më pas ka kryer specializimin në Anestezi dhe Reanimacion në Qendrën Spitalore Universitare “Nënë Tereza”, me fokus në anestezinë për kirurgjinë kardiake dhe menaxhimin e pacientëve kritikë.

Gjatë karrierës së tij profesionale, Dr. Shehu ka ushtruar aktivitetin si anestezist në GVM Hospital në Tiranë, si dhe më herët në spitalet Hygeia dhe German Hospital, Përvoja e tij përfshin anestezinë në kirurgjinë kardiake, abdominale, traumatologjike, pediatrike, obstetriko-gjinekologjike dhe kirurgjinë ditore (day surgery). Gjithashtu, ka punuar në Balkan Alliance Medical Center, qendra e parë private e kirurgjisë kardiake në Shqipëri, si dhe në Medicare Clinic dhe Spitalin Obstetrik-Gjinekologjik “Mbretëresha Geraldinë”.

Dr. Sokol Shehu ka një eksperiencë të gjatë në anestezinë kardiovaskulare, përfshirë ndërhyrjet e hapura të zemrës, kirurgjinë vaskulare dhe procedurat me rrezik të lartë. Gjithashtu ka përvojë në anestezinë ambulatore dhe në menaxhimin e pacientëve në terapi intensive, duke garantuar siguri dhe stabilitet hemodinamik gjatë dhe pas ndërhyrjeve kirurgjikale.

Është anëtar i disa shoqatave profesionale si Albanian Society of Anesthesiology (ASA), European Association of Cardiothoracic Anaesthesiology (EACTA) dhe Society of Cardiovascular Anesthesiologists (SCA).

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Asc. Teona Berdica (Bushati)
Mjeke Anatomopatologe – Spitali Amerikan

Prof. Asc. Teona Berdica është mjeke anatomopatologe me eksperiencë të gjatë në anatominë patologjike, imunohistokimi dhe diagnostikimin molekular të tumoreve. Ajo ka përfunduar studimet për Mjekësi të Përgjithshme në Universitetin e Tiranës dhe më pas specializimin katërvjeçar në Anatomi Patologjike.
Në vitin 2016 ka mbrojtur doktoraturën me temë mbi tumoret gliale dhe përcaktimin e gradës së tyre përmes metodave imunohistokimike, ndërsa në vitin 2023 është vlerësuar me titullin Profesor i Asociuar në Patologji.

Gjatë formimit të saj profesional ka ndjekur një sërë trajnimesh ndërkombëtare në Gjermani, Itali dhe Kore të Jugut, me fokus në imunohistokimi, citologji cervikale, neuropatologji dhe patologjinë e organeve të ndryshme. Eksperienca e saj përfshin gjithashtu trajnim në Asan Medical Center në Seul, si dhe kurse të avancuara në Universitetin La Sapienza në Romë në fushën e neuropatologjisë.

Në aspektin klinik, ajo ka punuar si mjeke anatomopatologe në Shërbimin e Anatomisë Patologjike në Qendrën Spitalore Universitare “Nënë Tereza”, si dhe ka mbajtur pozicionin e shefes së Departamentit të Patologjisë në Spitalin Hygeia Tiranë. Aktualisht ushtron aktivitetin profesional në departamentet e patologjisë në Spitalin Amerikan duke ofruar diagnostikim histopatologjik, imunohistokimik dhe molekular të sëmundjeve tumorale dhe jo tumorale.

Prof. Teona ka një angazhim të rëndësishëm akademik si pedagoge në Fakultetin e Mjekësisë, Universiteti i Mjekësisë Tiranë, si dhe në universitete të tjera si Aldent University dhe Western Balkans University. Ajo kontribuon në formimin e studentëve të mjekësisë dhe infermierisë në lëndët e patologjisë, histologjisë dhe anatomisë patologjike, duke udhëhequr gjithashtu tema diplome dhe projekte kërkimore.

Gjithashtu, është autore dhe bashkëautore e një numri të madh publikimesh shkencore ndërkombëtare në fushën e tumoreve të sistemit nervor qendror, kancerit të mushkërive, patologjisë gastrointestinale dhe diagnostikimit molekular. Ka kontribuar në botimin e librave dhe teksteve universitare të patologjisë, duke përfshirë atlase, tekste mësimore dhe materiale akademike për studentët e mjekësisë.

Ekspertiza e saj përfshin patologjinë kirurgjikale dhe klinike, imunohistokiminë dhe biologjinë molekulare në diagnostikimin modern.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Dr. Ledio Bregu
Mjek Onkolog-Radioterapeut
Shef i Departamentit të Radioterapisë – Spitali Hygeia

Dr. Ledio Bregu është Onkolog Radioterapeut me eksperiencë të gjerë në aplikimin e teknikave moderne të radioterapisë për trajtimin e tumoreve malinje dhe beninje.
Aktualisht mban pozicionin e Shefit të Departamentit të Radioterapisë dhe Koordinatorit të Këshillit Onkologjik në spitalin Hygeia, duke kontribuar në vendimmarrjen multidisiplinare dhe planifikimin e trajtimeve të personalizuara për pacientët onkologjikë.

Formimi i tij akademik përfshin diplomimin si mjek i përgjithshëm në Universitetin e Mjekësisë në Tiranë, specializimin në Onkologji Radioterapeutike dhe më pas Master në teknika të avancuara të radioterapisë në Institutin Madrilen të Onkologjisë në bashkëpunim me Universitetin e Murcias në Spanjë. Gjatë kësaj periudhe është trajnuar në teknologjitë më moderne si IMRT, 3DCRT, SBRT, radiokirurgjia, brakiterapia dhe trajtimet me akseleratorë linearë dhe tomoterapi.

Ka një eksperiencë ndërkombëtare të gjerë duke punuar në Instituto Oncológico del Sureste (IOSE) në Murcia dhe Instituto Madrileño de Oncología në Madrid, ku u përfshi në trajtimin e tumoreve komplekse dhe përdorimin e teknikave të avancuara të radioterapisë. Pas kthimit në Shqipëri, ka ushtruar profesionin si onkolog radioterapeut në Qendrën Spitalore Universitare “Nënë Tereza” dhe më pas në spitalin Hygeia Tiranë, ku mban role drejtuese që prej vitit 2014.

Gjatë karrierës së tij, ka qenë gjithashtu pjesë e shërbimit X-Knife në Neurokirurgji, duke kontribuar në trajtimet me radiokirurgji stereotaktike për patologji tumorale të trurit. Përvoja e tij përfshin planifikimin e radioterapisë për tumoret e kokë-qafës, mushkërive, gjirit, prostatës, traktit gastrointestinal dhe shumë lokalizime të tjera, duke përdorur fraksionime të avancuara që rrisin kontrollin lokal të sëmundjes.

Dr. Ledio Bregu është anëtar i disa shoqatave prestigjioze ndërkombëtare si European Society for Radiotherapy and Oncology (ESTRO), Shoqata Euro-Aziatike e Kirurgjisë Onkologjike (EUASSO), Shoqata Mesdhetare e Radioterapisë (AROME), Shoqata Spanjolle e Radioterapisë Onkologjike (SEOR) dhe Shoqata Ballkanike e Onkologjisë (BUON). Gjithashtu, ka prezantuar gjithashtu një numër të madh punimesh shkencore ndërkombëtare mbi IMRT, radiokirurgjinë dhe trajtimin e avancuar të tumoreve.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Dr. Kenan Bayrakci
Kirurg Ortoped/Traumatolog - Spitali Villa Maria

Prof. Dr. Kenan Bayrakci është kirurg ortoped dhe traumatolog me eksperiencë ndërkombëtare shumëvjeçare në diagnostikimin dhe trajtimin e patologjive të sistemit muskuloskeletal. Ai ka përfunduar studimet për mjekësi në Universitetin Hacettepe në Ankara dhe më pas specializimin në Ortopedi dhe Traumatologji në Fakultetin e Mjekësisë të Universitetit të Ankarasë, duke ndërtuar një bazë të fortë akademike dhe klinike në këtë fushë.

Karriera e tij profesionale ka nisur si kirurg ortoped në Ankara Numune Research and Training Hospital, ku më pas u emërua profesor i asociuar dhe mbajti role drejtuese si zëvendësshef dhe më vonë shef i klinikës së ortopedisë. Gjatë kësaj periudhe ai fitoi eksperiencë të gjerë në kirurgjinë ortopedike, traumatologjinë sportive, artroplastikën dhe kirurgjinë rekonstruktive.

Gjithashtu, Prof. Bayrakci ka eksperiencë ndërkombëtare, përfshirë një periudhë si observer në Johns Hopkins Bayview Medical Center në SHBA dhe certifikimin nga Bordi Turk i Ortopedisë dhe Traumatologjisë. Ai ka ushtruar funksione të rëndësishme drejtuese edhe në Shqipëri, ku ka qenë Shef i Klinikës së Ortopedisë në Spitalin Amerikan në Tiranë dhe më pas Drejtor Mjekësor në Spitalin Amerikan II.

Në vijim të karrierës së tij, ka ushtruar aktivitet akademik si Profesor i Ortopedisë dhe Traumatologjisë në Biruni University në Stamboll, ndërsa paralelisht ka shërbyer si Drejtor Mjekësor dhe kirurg ortoped konsulent në Spitalin Villa Maria në Tiranë. Aktualisht ushtron aktivitetin e tij klinik edhe në praktikë private, duke ofruar trajtime të avancuara ortopedike dhe kirurgjikale.

Prof. Dr. Kenan Bayrakci është anëtar i disa shoqatave prestigjioze ndërkombëtare dhe profesionale, përfshirë Turkish Orthopedics and Traumatology Society, American Academy of Orthopedic Surgeons, AO Spine dhe shoqata të specializuara në artroplastikë, ortopedi pediatrike dhe traumatologji sportive.
Ekspertiza e tij përfshin kirurgjinë e nyjeve, traumatologjinë sportive, protezat artikulare dhe trajtimin modern të patologjive ortopedike.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Dr. Denis Godaj
Kirurg i përgjithshëm - QSUT

Dr. Denis Godaj është kirurg i përgjithshëm me eksperiencë të gjerë në kirurgjinë moderne, onkologjike dhe kirurgjinë e gjirit. Ai ushtron aktualisht pranë Shërbimit të Kirurgjisë së Përgjithshme I në Qendrën Spitalore Universitare “Nënë Tereza” në Tiranë, duke sjellë një kombinim të përvojës klinike, akademike dhe kërkimore në trajtimin e patologjive komplekse kirurgjikale. Aktiviteti i tij përfshin kirurgjinë abdominale, senologjinë dhe ndërhyrjet minimale invazive.

Dr. Godaj është diplomuar në Fakultetin e Mjekësisë, Universiteti i Tiranës me rezultate të shkëlqyera dhe më pas ka përfunduar specializimin afatgjatë në Kirurgji të Përgjithshme. Formimi i tij profesional është pasuruar me një fellowship 6-mujor në Spitalin Universitar “St. Vincent’s” në Dublin, Irlandë, i fokusuar në kirurgjinë e kancerit të gjirit dhe patologjive endokrine, i mbështetur nga Shkolla Europiane e Onkologjisë (ESO).

Gjatë karrierës së tij, ai ka shërbyer si kirurg i përgjithshëm në Spitalin Rajonal të Durrësit, ku ka drejtuar Njësinë e Senologjisë dhe ka kontribuar në zhvillimin e kirurgjisë së gjirit dhe trajtimeve onkologjike. Paralelisht, ushtron aktivitet klinik edhe në Spitalin Amerikan në Tiranë. Aktualisht vazhdon praktikën si kirurg në QSUT, duke trajtuar një gamë të gjerë patologjish kirurgjikale me fokus në qasjen bashkëkohore dhe multidisiplinare.

Në fushën akademike, Dr. Godaj është i angazhuar si pedagog dhe tutor universitar, duke kontribuar në formimin e mjekëve të rinj në kirurgjinë abdominale dhe semiotikën kirurgjikale. Gjithashtu, është aktiv në kërkimin shkencor, me një numër të madh publikimesh dhe prezantimesh në konferenca kombëtare dhe ndërkombëtare në fushën e kirurgjisë, onkologjisë dhe laparoskopisë.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Dr. Arben Dhima
Mjek Radiolog/Nuklear– Spitali Amerikan

Dr. Arben Dhima është mjek nuklear dhe radiolog me eksperiencë shumëvjeçare në imazherinë e avancuar, diagnostikimin onkologjik dhe përdorimin e teknikave moderne të mjekësisë nukleare. Ai ushtron aktivitetin e tij profesional në Spitalin Amerikan dhe Spitalin Hygeia, ku është i angazhuar në interpretimin e ekzaminimeve komplekse dhe në vlerësimin multidisiplinar të pacientëve, veçanërisht në fushën e radiologjisë, Pet CT-së dhe onkologjisë.

Është diplomuar në Mjekësi të Përgjithshme në Fakultetin e Mjekësisë dhe më pas ka përfunduar specializimin në Radiologji pranë Qendrës Spitalore Universitare “Nënë Tereza”. Formimi i tij është pasuruar me trajnime ndërkombëtare të avancuara në Itali dhe Austri, duke përfshirë kursin intensiv në “total body CT” në Policlinico di Bari dhe trajnimet në mjekësinë nukleare në Universitetin Sacro Cuore – Policlinico Gemelli në Romë, të fokusuara në shintigrafi, SPECT/CT dhe diagnostikimin e tumoreve.

Një pjesë e rëndësishme e karrierës së tij është specializimi njëvjeçar në Innsbruck University Medical Center në Austri, ku u fokusua në shintigrafinë konvencionale, PET/CT onkologjike dhe menaxhimin multidisiplinar të tumoreve. Gjatë kësaj periudhe ka marrë pjesë në tumor board-e të shumta dhe ka kontribuar në interpretimin e mijëra rasteve PET/CT, përfshirë tumoret neuroendokrine, kancerin e tiroides dhe patologjitë onkologjike hepatike dhe abdominale.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Asc. Albana Shahini
Mjeke Imazheriste
Shefe e Departamentit të Imazherisë së Gjirit -Spitali Hygeia

Prof. Asc Albana Shahini është mjeke radiologe me eksperiencë shumëvjeçare në diagnostikën imazherike, me fokus të veçantë në patologjitë e gjirit dhe diagnostikimin e hershëm të kancerit. Aktualisht ushtron aktivitetin e saj si shefe e departamentit te radiologjisë së gjirit në Spitalin Hygeia në Tiranë dhe njëkohësisht është pedagoge me kohë të plotë në Universitetin e Mjekësisë në Tiranë, duke kontribuar në formimin e brezave të rinj të mjekëve.

Karriera e saj profesionale përfshin një eksperiencë të gjatë në departamente të avancuara të imazherisë, përfshirë Spitalin Amerikan në Tiranë, si dhe qendra të ndryshme diagnostike private. Ka përfundouarspecializimin në Radiologji në Qendrën Spitalore Universitare “Nënë Tereza”, duke ndërtuar një bazë të fortë klinike dhe akademike në diagnostikën moderne.

Prof. Shahini ka ndjekur dhjetëra trajnime dhe kurse ndërkombëtare në Europë, me fokus në rezonancën e gjirit, mamografinë, ultratingullin dhe aplikimin e inteligjencës artificiale në radiologji. Ka marrë pjesë në kongrese prestigjioze si EUSOBI, workshop-e në Austri, Itali, Gjermani dhe Turqi, duke sjellë në praktikën klinike standardet më të avancuara të diagnostikimit.

Në fushën akademike dhe shkencore është autore dhe bashkautore e një numri të madh publikimesh dhe prezantimesh ndërkombëtare, kryesisht mbi diagnostikimin e hershëm të patologjive të gjirit, elastografinë, rezonancën magnetike dhe rolin e imazherisë në trajtimin onkologjik. Kontributi i saj shkencor ka ndihmuar në përmirësimin e protokolleve diagnostike dhe në rritjen e ndërgjegjësimit për kontrollin e hershëm.

Prej më shumë se 15 vitesh është është një zë aktiv në media për ndërgjegjësimin mbi shëndetin e grave dhe përmirësimin e kujdesit shëndetësor për to.

Githashtu, është anëtare aktive e disa shoqatave prestigjioze ndërkombëtare si European Society of Radiology, European Society of Breast Imaging dhe Radiologic Society of North America, si dhe mban role drejtuese në shoqata profesionale shqiptare të imazherisë së gjirit. Angazhimi i saj profesional fokusohet në diagnostikë të avancuar, edukim mjekësor dhe përmirësim të vazhdueshëm të shërbimit ndaj pacientëve.

09/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Asc. Arjan Shtylla
Mjek Obstetër - Gjinekolog

Prof. Asc. Arjan Shtylla është mjek specialist obstetër-gjinekolog me përvojë të gjatë klinike, akademike dhe shkencore në fushën e obstetrikës, mjekësisë fetale dhe urogjinekologjisë. Ai ushtron aktivitetin pranë Spitalit Universitar Obstetrik-Gjinekologjik “Koço Gliozheni” në Tiranë, ndërkohë që është i angazhuar edhe si pedagog në Fakultetin e Mjekësisë, si dhe në programe të tjera akademike në fushën e obstetrikë-gjinekologjisë.

Është diplomuar në Fakultetin e Mjekësisë në Universitetin e Tiranës dhe ka përfunduar specializimin në Obstetrikë-Gjinekologji, duke ndërtuar një karrierë të qëndrueshme klinike në ndjekjen e shtatzënive, patologjive gjinekologjike dhe kirurgjisë mini-invazive. Në vitin 2013 ka mbrojtur doktoraturën me fokus në survejimin antenatal të shtatzënive multiple, një fushë ku ka dhënë kontribute të rëndësishme në praktikën klinike dhe kërkimin shkencor.

Formimi i tij profesional është pasuruar me specializime dhe trajnime të shumta ndërkombëtare në Itali, Gjermani, Austri dhe vende të tjera europiane, në fusha si ekografia prenatale e avancuar, mjekësia fetale, kolposkopia, laparoskopia dhe kirurgjia minimale gjinekologjike. Ai ka kryer gjithashtu specializim në Spitalin Sachsenhausen në Frankfurt, me fokus në kirurgjinë mini-invazive, endometriozën dhe trajtimin e inkontinencës urinare femërore.

Prof. Asc. Shtylla ka marrë pjesë në një numër të madh kongresesh dhe konferencash ndërkombëtare në fushën e mjekësisë fetale dhe obstetrikës. Është autor dhe bashkëautor i shumë publikimeve shkencore, kapitujsh librash universitarë dhe prezantimesh ndërkombëtare, veçanërisht në menaxhimin e shtatzënive binjake, lindjen cezariane, urogjinekologjinë dhe patologjitë obstetrikale.

Gjithashtu, është President i Shoqatës Shqiptare të Urogjinekologjisë dhe Gjinekologjisë Estetike dhe anëtar i organizatave ndërkombëtare profesionale. Përveç aktivitetit klinik dhe akademik, ai kontribuon në organizimin e eventeve shkencore dhe në zhvillimin e standardeve moderne në obstetrikë-gjinekologji, duke sjellë një eksperiencë të gjerë multidisiplinare në kujdesin ndaj shëndetit të gruas.

08/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Dr. Arvin Dibra

Shef i Klinikës së Kirurgjisë së Përgjithshme QSUT
Shef i Departamentit të Kirurgjisë në Universitetin e Mjekësisë, Fakulteti i Mjekesise Tirane

Prof. Dr. Arvin Dibra është një nga figurat më të spikatura të kirurgjisë së përgjithshme dhe kirurgjisë së aparatit tretës në Shqipëri, me një karrierë të gjatë klinike dhe akademike. Ai mban aktualisht pozicionin e Shefit të Klinikës I të Kirurgjisë së Përgjithshme në Qendrën Spitalore Universitare “Nënë Tereza” dhe është drejtues i Departamentit të Kirurgjisë në Universitetin e Mjekësisë, Tiranë. Aktiviteti i tij profesional përfshin praktikën kirurgjikale, mësimdhënien universitare dhe zhvillimin e kirurgjisë moderne.

Formimi akademik i Prof. Dr. Dibra është realizuar në një nga universitetet më prestigjioze europiane. Ai është diplomuar në Mjekësi dhe Kirurgji në Universitetin “La Sapienza” në Romë, ku gjithashtu përfundoi specializimin në Kirurgji të Aparatit Tretës dhe Endoskopi Digjestive. Në vijim, ai ndoqi kurse të avancuara në menaxhimin e institucioneve shëndetësore në Universitetin e Firences, duke forcuar kompetencat në drejtimin e strukturave mjekësore.

Prof. Dr. Arvin Dibra ka përfunduar gjithashtu studimet e doktoraturës në Universitetin Tor Vergata në Romë, me fokus në robotikën dhe inovacionet informatike në shkencat kirurgjikale. Ky formim i avancuar shkencor ka kontribuar në aplikimin e teknikave moderne dhe teknologjive të reja në kirurgjinë bashkëkohore, duke përmirësuar cilësinë e trajtimit dhe sigurinë për pacientët.

Gjatë karrierës së tij profesionale, ai ka mbajtur role të rëndësishme drejtuese dhe akademike, duke qenë njëkohësisht kirurg aktiv dhe pedagog universitar. Si shef klinike dhe drejtues departamenti, ai ka kontribuar në zhvillimin e shërbimeve kirurgjikale, trajnimin e mjekëve të rinj dhe modernizimin e praktikave kirurgjikale në vend. Eksperienca e tij përfshin kirurgjinë e përgjithshme, kirurgjinë onkologjike dhe kirurgjinë e aparatit tretës, me fokus në teknikat moderne dhe endoskopike.

Përvoja e gjerë klinike, formimi ndërkombëtar dhe angazhimi në edukimin mjekësor e bëjnë Prof. Dr. Arvin Dibrën një nga profesionistët më të vlerësuar në fushën e kirurgjisë. Kontributi i tij në zhvillimin e kirurgjisë moderne dhe në formimin e brezave të rinj të mjekëve vazhdon të ketë ndikim të rëndësishëm në sistemin shëndetësor dhe akademik në Shqipëri. 👨⚕️🏥🎓

08/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Dr. Silva Bino
Shefe e Departamentit të Kontrollit të Sëmundjeve Infektive në Institutin e Shëndetit Publik - ISHP

Prof. Dr. Silva Bino është një nga figurat më të njohura në fushën e shëndetit publik dhe kontrollit të sëmundjeve infektive në Shqipëri. Ajo mban pozicionin e Shefes së Departamentit të Kontrollit të Sëmundjeve Infektive në Institutin e Shëndetit Publik dhe është njëkohësisht profesore e Sëmundjeve Infektive në Fakultetin e Mjekësisë, Universiteti i Mjekësisë në Tiranë. Karriera e saj është e lidhur ngushtë me zhvillimin e politikave të shëndetit publik dhe forcimin e sistemeve të survejancës epidemiologjike.

Ka shërbyer si Drejtore e Institutit të Shëndetit Publik gjatë viteve 2000–2006, ku kontribuoi në ndërtimin e strategjive moderne për kontrollin e sëmundjeve infektive, veçanërisht në vende me burime të kufizuara dhe ka luajtur rol kyç në koordinimin e survejancës, diagnostikimit dhe reagimit gjatë pandemisë së influencës A (H1N1) në vitin 2009, si dhe në menaxhimin e survejancës epidemiologjike dhe koordinimin e procesit të vaksinimit gjatë pandemisë COVID-19.

Në nivel rajonal dhe ndërkombëtar, Prof. Dr. Silva Bino ka shërbyer si koordinatore për forcimin e rrjeteve të survejancës dhe kontrollit të sëmundjeve infektive në Evropën Juglindore, duke kontribuar në zhvillimin e sistemeve të paralajmërimit të hershëm, politikave të shëndetit publik dhe trajnimin e profesionistëve në epidemiologjinë e aplikuar dhe ka bashkëpunuar ngushtë me organizata ndërkombëtare dhe ka qenë konsulente për OBSH dhe agjenci të ndryshme të OKB-së.

Prof. Dr. Bino ka qenë anëtare e disa grupeve strategjike ndërkombëtare të ekspertëve për imunizimin, rregulloret ndërkombëtare të shëndetit dhe përgatitjen ndaj pandemive, duke kontribuar në vendimmarrje globale për emergjencat shëndetësore. Përveç angazhimit institucional, ajo ka ndjekur specializime të avancuara në Evropë dhe SHBA dhe ka botuar artikuj shkencorë, udhëzues dhe raporte profesionale mbi sëmundjet infektive, vaksinimin dhe survejancën e shëndetit publik.

Përvoja e gjerë akademike, angazhimi ndërkombëtar dhe kontributi i vazhdueshëm në menaxhimin e emergjencave shëndetësore e bëjnë Prof. Dr. Silva Bino një nga zërat më autoritarë në fushën e sëmundjeve infektive dhe shëndetit publik. 🌍🧬👩‍⚕️

08/04/2026

Njihuni me lektorët e Samitit të VII-të Kombëtar të Kirurgjisë me fokus " Gruaja në fokus: sfida dhe shpresë përballë sëmundjeve tumorale " – 25 Prill 2026, Plaza Hotel Tirana:

Prof. Dr. Arben Beqiri
Kirurg i përgjithshëm

Prof. Dr. Arben Beqiri është Profesor i Kirurgjisë në Universitetin e Mjekësisë, Tiranë dhe kirurg i përgjithshëm në Qendrën Spitalore Universitare “Nënë Tereza”, me një përvojë të gjatë akademike dhe klinike në kirurgjinë e përgjithshme, endoskopike dhe mini-invazive. Ai ka dhënë një kontribut të rëndësishëm në zhvillimin dhe implementimin e teknikave moderne të kirurgjisë laparoskopike dhe endoskopike në Shqipëri, si dhe në avancimin e kirurgjisë kolorektale mini-invazive.

Prof. Beqiri është diplomuar në Fakultetin e Mjekësisë, Universiteti i Tiranës (1988), dhe ka përfunduar specializimin në Kirurgji të Përgjithshme në të njëjtin institucion (1993). Në vijim të formimit profesional, ai ka kryer fellowship në endoskopinë gastrointestinale nën drejtimin e Prof. William G. Hardison në VA Hospital UCLA San Diego, si dhe ka qenë përfitues i grantit prestigjioz Fulbright për studime në kirurgjinë laparoskopike të kolonit dhe rektumit në National Naval Medical Center, Bethesda, SHBA (2004–2005). Gjithashtu ka zhvilluar kërkime dhe trajnime të avancuara në Catholic University of Leuven, Belgjikë, si dhe në Butterworth Hospital dhe Holland Community Hospital, Michigan, SHBA, në fushën e endoskopisë fleksibël dhe kirurgjisë mini-invazive.

Që nga viti 1993, Prof. Beqiri është pedagog në Fakultetin e Mjekësisë, Universiteti i Mjekësisë, Tiranë, ndërsa nga viti 2006 lektor në Departamentin e Kirurgjisë Abdominale. Ai ka shërbyer gjithashtu si Zëvendës Rektor i Universitetit të Mjekësisë, Tiranë dhe ka kontribuar në zhvillimin e kurrikulave akademike dhe formimin e brezave të rinj të kirurgëve.

Kontributi i tij profesional përfshin futjen për herë të parë në Shqipëri të teknikave të avancuara të endoskopisë terapeutike dhe kirurgjisë laparoskopike, përfshirë polipektominë endoskopike gastrointestinale, trajtimin endoskopik të hemoragjive digjestive, gastrostominë dhe jejunostominë endoskopike perkutane, ERCP, si dhe aplikimin e gjerë të kirurgjisë laparoskopike në patologjitë abdominale dhe kolorektale. Ai ka kontribuar gjithashtu në zhvillimin e kirurgjisë mini-invazive për trajtimin e hernieve inguinale dhe patologjive të tjera abdominale.

Prof. Beqiri është autor dhe bashkautor i disa publikimeve shkencore në revista ndërkombëtare të indeksuara, që trajtojnë kirurgjinë laparoskopike, menaxhimin endoskopik dhe aspektet klinike të trajtimit kirurgjikal. Ai është anëtar i Society of American Gastrointestinal Endoscopic Surgeons (SAGES) dhe pjesë e Task Force për sigurinë në kolecistektominë laparoskopike, si dhe ka qenë Sekretar i Përgjithshëm i Shoqatës Shqiptare të Kirurgjisë.

IMCA Albania

09/04/2026

09/04/2026

09/04/2026

09/04/2026

09/04/2026

09/04/2026

09/04/2026

09/04/2026

09/04/2026

08/04/2026

08/04/2026

08/04/2026

Address

Website

Alerts

Contact The Practice

Shortcuts

Share