12/04/2026
LIMFIDRENAZH apo MASAZH ABDOMINAL?
Mos i ngatërroni!
Shpesh në rrjete sociale shohim trajtime të abdomenit që quhen “limfodrenazh” për efekt marketingu, por në realitet nuk janë të tilla.
Çfarë është limfodrenazhi?
Është një teknikë shumë e butë që synon stimulimin e sistemit limfatik.
👉Punon sipërfaqësisht (në nivel të lëkurës)
👉Ka lëvizje të ngadalta dhe ritmike
👉Ndjek drejtimin e rrjedhjes limfatike
👉 Përdoret për ënjtje, mbajtje lëngjesh, pas ndërhyrjeve kirurgjikale
Po masazhi abdominal?
Është një teknikë që vepron më thellë në zonën e barkut, ai:
👉 Mund të stimulojë lëvizjen e zorrëve (peristalsis)
👉 Shpesh dëgjohen zhurma si “gurgullima” (borborygmi)
👉 Ndihmon në fryrje, kapsllëk dhe ndjesi rëndese
E RËNDËSISHME:
Zhurmat që dëgjoni gjatë masazhit abdominal NUK janë limfë që po lëviz, por aktivitet normal i zorrëve.
Limfodrenazhi nuk duhet të jetë i thellë apo me presion të fortë.
Nëse trajtimi përfshin shtypje të thellë në abdomen, atëherë nuk është limfodrenazh.
PËRFUNDIM:
Të dyja teknikat kanë vlerë terapeutike, por janë të ndryshme në qëllim dhe në mënyrën si veprojnë.
Informimi i saktë ju ndihmon të zgjidhni trajtimin e duhur për nevojat tuaja.
