Qendra Spitalore Universitare "Nënë Tereza" Tiranë

27/01/2026

Në zemër të çdo ndërhyrjeje kirurgjikale në Spitalin Francez qëndron një punë e palodhur koordinimi dhe përkushtimi. Flutura Hyseni, si kryeinfermiere e Bllokut Operator, është një nga hallkat kyçe që garanton mbarëvajtjen e çdo procedure dhe standarde të larta kujdesi për pacientët. Edhe pse shpesh larg vëmendjes publike, roli i kryeinfermierëve është thelbësor për suksesin e çdo ndërhyrjeje.
Mirënjohje Flutura për profesionalizmin dhe angazhimin e vazhdueshëm!

26/01/2026

Lajm i mirë!

Gjatë vitit 2025, në Shërbimin e Kirurgjisë Vaskulare janë realizuar 310 ndërhyrje tek pacientë me stenoza kritike të arterieve karotide, nga të cilët 98 kanë qenë pacientë simptomatikë pas stroke — pa u shënuar asnjë rast fataliteti apo përkeqësimi postoperator.

Sipas Shefit të Shërbimit, Prof. Dr. Sokol Xhepa, kjo arritje është rezultat i një projekti të nisur që në vitin 2018, në bashkëpunim të ngushtë me Shërbimin Neurovaskular, si dhe me ekipin e Anestezisë dhe Reanimacionit.

Vlera e këtij rezultati bëhet edhe më domethënëse kur krahasohet me të dhënat e studimeve mjekësore ndërkombëtare, ku përqindja e komplikacioneve serioze apo vdekshmërisë tek pacientët simptomatikë varion nga 3.5% në 6%.

👏 Një sukses që dëshmon profesionalizëm, bashkëpunim dhe përkushtim maksimal ndaj jetës së pacientëve.

23/01/2026

22/01/2026

Erjon Ngjelo, Drejtor i Shërbimeve Mbështetëse në QSUT, sqaron se mbrëmjen e ditës së hënë u evidentuan problematika në furnizimin me energji elektrike, si pasojë e një avarie teknike të shkaktuar nga një defekt madhor në linjën e tensionit të lartë, jashtë territorit të QSUT.
Situata u monitorua në bashkëpunim me OSHEE dhe furnizimi me energji elektrike u rikthye gradualisht.

21/01/2026

20/01/2026

🩺 Prof. Krenar Lilaj, Shefi i Reanimacionit në QSUT, në një dalje për mediat, ka sqaruar problematikën e krijuar një ditë më parë lidhur me ndërprerjen e energjisë elektrike në një nga godinat e QSUT.

⚡️Ndërprerja ishte pasojë e një defekti teknik në linjën e furnizimit, ndërsa menjëherë janë marrë të gjitha masat e nevojshme për garantimin e vazhdimësisë së shërbimit mjekësor dhe sigurisë së pacientëve.

🟢 Situata u menaxhua në kohë reale nga stafet teknike dhe mjekësore, duke shmangur çdo pasojë në ofrimin e shërbimeve shëndetësore.

19/01/2026

*Informacion për qytetarët*

Qendra Spitalore Universitare “Nënë Tereza” informon se sot në mbrëmje, për shkak të një defekti në linjën e furnizimit me energji elektrike të tensionit të lartë që furnizon Godinën A2 të QSUT, ka pasur një ndërprerje të përkohshme të energjisë elektrike.

Falë aktivizimit të menjëhershëm të sistemeve rezervë (UPS, Gjeneratorë), aparaturat mjekësore jetike kanë vijuar të funksionojnë normalisht, duke garantuar vijimësinë e trajtimit dhe duke mos u cenuar në asnjë moment jeta e pacientëve.

Menjëherë, ekipet mjekësore, teknike dhe drejtuese janë vënë në gatishmëri të plotë, duke vepruar sipas protokolleve të sigurisë dhe duke ofruar çdo suport të nevojshëm, për garantimin e shërbimit shëndetësor si dhe duke marrë masat e nevojshme.

QSUT siguron qytetarët se situata është menaxhuar me përgjegjësi dhe profesionalizëm dhe se institucioni mbetet në gatishmëri të plotë, për të përballuar çdo situatë, në funksion të mbrojtjes së shëndetit dhe jetës së pacientëve.

QSUT ka ngritur menjehere grupin e punës për verifikimin e situatës.

15/01/2026

ℹ️Informacion për qytetarët

🏥 Qendra Spitalore Universitare “Nënë Tereza” informon pacientët, se në Njësinë e Radioterapisë, akseleratori linear, LINAC 1, ka shfaqur një problematikë në sistem ditën e sotme ku menjëherë pas njoftimit nga stafi është kërkuar asistenca e teknikëve të mirëmbajtjes. Pas ndërhyrjes teknike të kryer nga inxhinierët dhe zëvendësimit të një komponenti të akseleratorit, u realizuan të gjitha verifikimet mekanike dhe dozimetrike, si dhe kalibrimet përkatëse.

Këto procese u kryen me qëllim sigurimin e funksionimit të pajisjes në përputhje me standardet e kërkuara të sigurisë dhe cilësisë për trajtimin e pacientëve.

Ndërkohë, edhe akseleratori LINAC 2 është në funksion të plotë, pas ndërhyrjes së ekpertëve për defektin teknik në derën e bunkerit në të cilën kjo pajisje ndodhet.

Aktualisht të dy akseleratorët linearë janë në funksion dhe punojnë me kapacitete të plota për te ofruar trajtimet ndaj pacienteve.

Pacientët e Shërbimit Onkologjik informohen rregullisht për përditësimet në shërbim duke koordinuar me stafin mjekësor realizimin e terapive sipas gjithë protokolleve.

13/01/2026

Disa këshilla lidhur me kujdesin që duhet të kenë parasysh pacientët që vuajnë nga sëmundjet kardiake në ditët me temperatura të ulëta!