Qendra Spitalore Universitare "Nënë Tereza" Tiranë

05/08/2025

Mirëmëngjesi me zërin e pacientëve të cilët marrin shërbim në Spitalin Ditor, në Qendrën Spitalore Universitare “Nënë Tereza”🏥

Në këtë njësi të specializuar, rreth 100 pacientë 👨‍🦱🧒 çdo ditë marrin trajtimin e nevojshëm në kushte moderne, me përkujdesje dhe profesionalizëm.

Terapi ditore të personalizuara, konsulta me mjekë specialistë dhe mbështetje e vazhdueshme shëndetësore 👨‍⚕️🧑‍⚕️ të gjitha në një ambient të dedikuar dhe komod.

04/08/2025

Në takimin me stafin e Shërbimit Onkologjik ku diskutuam aspektet kyçe që lidhen me përditshmërinë klinike, sfidat që shoqërojnë trajtimin e pacientëve dhe hapat konkretë për të përmirësuar cilësinë e shërbimit.

Çdo ditë, qindra pacientë marrin shërbime mjekësore pranë Spitalit Onkologjik duke nisur nga konsultat, terapitë e ndryshme dhe ndërhyrjet kirurgjikale, duke e bërë këtë shërbim një nga më të rëndësishmit në rang kombëtar.

🩺 Çdo përmirësim nis me dëgjimin e atyre që janë në vijën e parë të kujdesit 👩‍⚕🥼

03/08/2025

👶🤱Kur përkujdesja bëhet shpresë!

Në çdo dhomë të Shërbimit të Pediatrisë së Specialiteteve, nuk ndihen vetëm fjalët e mjekëve dhe hapat e infermierëve — por edhe zëri i prindërve që gjejnë qetësi, mbështetje dhe besim.
Familjarët e pacientëve të vegjël ndajnë përditë fjalë mirënjohjeje për përkushtimin, profesionalizmin dhe humanizmin e stafit tonë mjekësor.

Po punojmë çdo ditë jo vetëm për trajtim të standardizuar, por për një ambient mikpritës, njerëzor e të denjë për çdo fëmijë dhe familjen e tij.

💙 Kujdesi për më të vegjlit, me përkushtim të madh.

01/08/2025

🌞 Rritja e rasteve toksikologjike gjatë verës kërkon kujdes dhe ndërgjegjësim.

Gjatë muajve të verës, për shkak të pushimeve dhe rritjes së aktiviteteve sociale, vërehet një shtim i konsumit të alkoolit dhe lëndëve psikotrope, shpesh të shoqëruara me abuzim dhe pasoja serioze për shëndetin.

🩺 Mjekja toksikologe pranë QSUT, Dr. Matilda Kambo, apelon për kujdes të shtuar gjatë kësaj periudhe, jo vetëm ndaj substancave të rrezikshme, por edhe ndaj pickimeve të insekteve dhe ekspozimeve aksidentale ndaj agjentëve toksikë në ambientet natyrore.

QSUT mbetet qendra referuese për trajtimin e të gjitha rasteve toksikologjike, duke garantuar vlerësim dhe ndërhyrje të specializuar në kohë.

01/08/2025

MIRËMËNGJES 😊

dhe me njoftimin e këndshëm se më shumë se 237 MIJË fëmijë kanë përfituar bonusin e bebes prej fillimit të programit të qeverisë në janar 2019, duke mbështetur familjet e reja me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë, ju uroj një ditë të mbarë🫶

31/07/2025

30/07/2025

29/07/2025

📍Sot në Ministrinë e Shëndetësisë, bashkë me drejtuesit e spitaleve publike në rang kombëtar, diskutuam mbi masat konkrete për garantimin e shërbimeve mjekësore gjatë sezonit turistik.

Rritja e numrit të turistëve rrit edhe nevojën për shërbime mjekësore.

🏥 Si spitali më i madh në vend, Qendra Spitalore Universitare “Nënë Tereza” mbetet në funksion të plotë 24/7, me të gjitha shërbimet e saj të specializuara gati për të pritur çdo rast të referuar nga spitalet rajonale apo qendrat verore shëndetësore.

👩‍⚕️👨‍⚕️ Me bashkëpunim, koordinim dhe përkushtim profesional, jemi të përgatitur për të garantuar një sezon turistik të sigurt për të gjithë.

29/07/2025

💉🏥Stafi infermieror përbën një shtyllë themelore të funksionimit të përditshëm në çdo shërbim spitalor, veçanërisht në shërbime me kompleksitet të lartë si ai neurovaskular.

Përkushtimi, përgjegjshmëria dhe aftësitë profesionale të infermierëve janë thelbësore për ofrimin e një kujdesi të vazhdueshëm dhe cilësor për pacientët që përballen me situata delikate shëndetësore.

Faleminderit për rolin që luani çdo ditë, duke siguruar vazhdimësinë e trajtimit dhe mbështetjen që ky shërbim kërkon. Kontributi juaj është i pazëvendësueshëm.

28/07/2025

Përzemërsisht i urojmë komisar Agim Trocit një shërim sa më të shpejtë dhe të plotë!🙏

Shprehim mirënjohjen më të thellë për sakrificën dhe përkushtimin e tij në shërbim të sigurisë publike dhe jetës së qytetarëve.

Forca dhe respekt, komisar Troci!🙏