14/04/2026
Parandalimi i shfaqjes se mykut ne lekure ose Pityriasis versicolor
Pityriasis versicolor ose tinea versicolor eshte nje infeksion mykotik siperfaqesor i lekures dhe shkaktohet nga nje lloj majaje ose kerpudhe qe normalisht jeton ne lekuren tone . Kur majaja rritet me teper se norma atehere shfaqet infeksioni mykotik me njolla kafe , roze, te kuqe ose te bardha.
Infeksioni mykotik ose pitiriasis versicolor shfaqet me teper ne personat me lekure te yndyrshme, tek personat qe djersiten shume e jetojne ne klime te nxehte dhe tek personat me sistem te dobet imunitar. Kjo patologji mund te preke te gjitha racat dhe me shume shfaqet tek moshat e reja .
Shenjat e pitiriasis versicolor: Acidi i cliruar nga vete kerpudha ( shkaktari i semundjes) eshte pergjegjes per njollat qe shfaqen ne lekure .Njollat mund te jene te bardha , roze ,te kuqe ose kafe . Njollat shfaqen ne fillim ne zonen e shpatullave, ne gjoks , qafe, krah dhe pastaj nese nuk mjekohen ne kohen e duhur shfaqen ne ne gjithe trungun ndonjehere dhe ne fytyre.
Njollat mund të zbehen gjate muajve te dimrit dhe perkeqesohen gjate periudhes se ngrohte dhe me lageshtire .Njollat mund te jene te thata ose me skuama te lehta dhe rralle here mund te kruhen.
Ekzaminimi me vatrat me llambe wood konfirmon diagnozen e pitiriasis versicolor .
Trajtimi i Pitiriasis versicolor :
• Mjekimi lokal i njollave ne lekure me produkte antimykotike . Keto produkte aplikohen direkt ne lekure dhe mund te jete ne forme locioni, shampo, krem, shkume, ose sapun. Mjekimet mbajne nen kontroll rritjen e kerpudhes pra te shkaktarit te semundjes .
•Mjekimi sistemik me tableta antimykotike te marra nga goja, perdoret per te trajtuar rastet me te renda ose te perseritura te pitiriasis versicolor. Ne disa raste mjekimi sistemik mund te perdoret per shkak se ai mund te ofroje nje trajtim te me te shpejte te infeksionit. Keto medikamente jepen me recete nga mjeku dermatolog
Trajtimi eliminon infeksionin mykotik por njollat ne lekure ne disa raste duhan disa muaj qe te eleminohen plotesisht .
Pitiriasis versicolor mund te shfaqet disa here pra episode te perseritura jane shume te zakonshme, sepse maja qe shkakton infeksionin eshte nje kerpudhe qe normalisht jeton ne lekure.
Disa keshilla per t'ju ndihmuar ne menaxhimin dhe parandalimin e shfaqjes se Pitiriasis versicolor:
• Shmangni perdorimin e produkteve vajore ne lekure .
• Ulni ekspozimin tuaj ndaj diellit. Ekspozimi ndaj diellit sidomos ne intervalin nga ora 11 deri ne oren 16 mund te shkaktoje ose te perkeqesoje nje episod.
• Vendosi krem fotombrojtes çdo dite me faktor mbrojtje (SPF) 30.
• Mos vishni rroba të ngushta dhe sintetike por veshi rroba pambuk per te ulur djersitjen.
•Ne qofte se do ekspozoheni ne diell( gjate periudhes se plazhit dhe keni anamneze per pitiriasis versicolor pra keni vuajtur nga prania e njollave te bardha ose kafe ne lekure), duhet te perdorni nje shampo antimykotike çdo dite per disa dite para ekspozimit ne diell dhe ne vazhdimesi nje ose dy here ne muaj per te ndihmuar ne parandalimin e shfaqes se pitiriasis versicolor.
KLINIKA-DERMATOLOGJIKE-dhe-ESTETIKE-DERMOVITA-
Dr.Albana Lufi Mjeke –Dermatologe-
Doktore Shkencash ne Dermatologji
