Kolegji i Mjekëve Shqiptarë

03/08/2025

📍Sistemi yne arsimor i rraskapitur, dhe me asnje lidhje me tregun e punes.

02/08/2025

📍Spitalet universitare, pa lere ato te rretheve...

29/07/2025

Gjykata Kushtetuese ka “korrigjuar” SPAK mbi vendimin e sekuestrimit të celularit të shoqes së Klod Allajbeut, Onejda Ymerajt. Sipas GJK, SPAK ka cënuar të drejtat themelore të individit duke i thyer privatësinë me marrjen e celularit Ymerajt.

Ymeraj, e njohur si krahu i djathtë i biznesmenit Klodian Allajbeu ka ankimuar në GJK vendimin e SPAK për sekuestron e celularit të saj. Në një vendim të shpallur së fundmi, Gjykata e ka pranuar pjesërisht kërkesën e Ymerajt, duke konstatuar se sekuestrimi pa dallim i të gjithë përmbajtjes së celularit të saj ka cenuar lirinë dhe fshehtësinë e korrespondencës, si dhe të drejtën për mbrojtjen e të dhënave personale, të garantuara nga Kushtetuta.

Celulari i Ymerajt u sekuestrua nga SPAK në kuadër të hetimeve për dosjen e ish-zëvendëskryeministrit Arben Ahmetaj, ku ajo u mor në pyetje si person që ka dijeni për hetimin.

Sipas vendimit të Gjykatës Kushtetuese, Prokuroria e Posaçme nuk mund të mbajë nën sekuestro të gjithë pajisjen dhe të dhënat e saj pa afat dhe pa kriter.

Gjykata ka urdhëruar se SPAK ngarkohet me ekzekutimin e këtij vendimi brenda 3 muajve nga hyrja e tij në fuqi, duke i kthyer kërkueses çdo të dhënë që nuk ka lidhje me çështjen penale.

14/06/2025

📍Sipas burimeve të “Ora News” nga brenda institucionit, Rosaj ka ndërmarrë një “tur kontrolli” jo për të zbuluar shkelje reale, por për të kërcënuar mjekë e infermierë me penalitete dhe masa administrative, nëse nuk i plotësojnë kërkesat e tij të papranueshme.

Nuk është hera e parë që emri i tij përmendet në rrethana të tilla. Një histori e gjatë shoqëron figurën e Rosajt, me episode të mëparshme ku janë raportuar praktika të ngjashme shantazhi në kuadër të kontrolleve të auditit të brendshëm në institucione të tjera publike.

Nga kolegët dhe ish-kolegët, Luan Rosaj njihet si një figurë problematike, që për vite me radhë ka përdorur të gjitha format e shantazhit për të ushtruar presion mbi punonjësit – që nga kërcënimet e hapura e deri tek letrat anonime, të cilat kanë pasur si qëllim njollosjen apo frikësimin e stafit.
Punonjës të spitalit, nën kushte anonimati, pohojnë se klima e frikës dhe pasigurisë është bërë pjesë e përditshmërisë në këtë institucion jetik për shëndetin publik. Ata theksojnë se janë lodhur nga abuzimi me pushtetin dhe mungesa e reagimit institucional.

“Jemi kërcënuar me masa disiplinore dhe humbje vendi pune, vetëm sepse nuk pranojmë të ‘bashkëpunojmë’ me kërkesat absurde,” – deklaron një punonjës me përvojë në spital.

Kjo sjellje abuzive ngre një pyetje thelbësore që prek sigurinë e publikut: A mundet një staf mjekësor të ushtrojë detyrën në kushte të tilla presioni? Dhe më e rëndësishmja: a rrezikohen pacientët nga ky destabilizim i brendshëm?

Kur mjekët dhe infermierët punojnë në një ambient ku frika zëvendëson etikën dhe profesionalizmin, pasojat për pacientët janë të pashmangshme. Gabimet mjekësore, vonesat në trajtim, apo shpërqendrimi emocional i stafit janë vetëm disa nga rreziqet që mund të lindin nga një klimë shantazhi dhe pasigurie.

Për momentin, zyrtarisht nuk ka një reagim nga drejtoria e Spitalit të Traumës apo nga Ministria e Shëndetësisë, megjithëse thirrjet për hetim dhe ndërhyrje po shtohen nga brenda dhe jashtë institucionit./Ora News

11/06/2025

Japonia sapo ka zbuluar mitrën e parë artificiale plotësisht funksionale në botë — një arritje e jashtëzakonshme që duket sikur është nxjerrë nga faqet e fantashkencës.

Ky inovacion i jashtëzakonshëm u mundëson embrioneve të zhvillohen tërësisht jashtë trupit të njeriut, duke kopjuar kushtet e një mitre natyrale me saktësi të jashtëzakonshme.

Duke menaxhuar me kujdes nivelet e oksigjenit, furnizimin me lëndë ushqyese dhe largimin e toksinave, sistemi krijon një mjedis mbështetës që funksionon shumë si një placentë e vërtetë.

Ky zbulim i madh ka potencialin të revolucionarizojë procesin e shtatzënisë dhe kujdesit neonatal.

Mund të përmirësojë ndjeshëm rezultatet për foshnjat e parakohshme dhe të hapë mundësi të reja në trajtimet e fertilitetit.

Në të njëjtën kohë, ngre pyetje të thella etike në lidhje me prindërimin, krijimin e jetës dhe të ardhmen e teknologjisë riprodhuese.

Ndërsa kërkimi përparon, mitra artificiale mund të transformojë jo vetëm mjekësinë, por edhe mënyrën se si e përcaktojmë fillimin e jetës dhe rolin e ndërhyrjes njerëzore në të.

Është një hap historik përpara — dhe vetëm fillimi i asaj që do të vijë....
Japan has just revealed the world’s first fully operational artificial womb — a groundbreaking achievement that feels like it’s been pulled from the pages of science fiction.

This remarkable innovation enables embryos to develop entirely outside the human body, replicating the conditions of a natural womb with extraordinary accuracy.

By carefully managing oxygen levels, nutrient supply, and waste removal, the system creates a supportive environment that functions much like a real placenta.

This breakthrough has the potential to revolutionize our understanding of pregnancy and neonatal care.

It could dramatically improve outcomes for premature infants and open new possibilities in fertility treatments.

At the same time, it raises profound ethical questions about parenthood, life creation, and the future of reproductive technology.

As the research progresses, the artificial womb may transform not only medicine but also how we define the beginning of life and the role of human intervention in it.

It’s a historic step forward — and just the start of what’s to come.

11/06/2025

Femija i Pare me Metoda te Riprodhimit te Asistuar ne Spitalin Shteteror ne Vend. 👏👏👏

09/06/2025

Shëndetësia në dy pamje: Pacientët e qarkut Kukës gjejnë shpëtim në spitalet e Kosovës
Ndërsa spitalet e Kukësit, Hasit dhe Tropojës janë në degradim dhe në mungesë të theksuar mjekësh, mijëra pacientë nga këto zona kërkojnë shpëtim në Gjakovë dhe Prizren, ku trajtohen falas dhe me dinjitet.

Kur u përball me probleme kardiovaskulare këtë pranverë, Hasan Çaush*t nga fshati Nikoliq i Hasit i shkoi ndërmend që të zgjidhte vdekjen përballë shtrimit në qendrën spitalore universitare “Nënë Tereza në Tiranë. Por burri 75-vjeçar e gjeti një rrugëdalje në spitalin rajonal “Isa Grezda” në Gjakovën fqinje, ku BIRN e takoi ndërsa po kurohej në fillim të majit.

“Doktori këtu në Gjakovë më tha me shkue në Tiranë, e i thashë: nëse më merr në dorë mirë, që jo, po shkoj në shtëpi e vdes,” tha Çaushi për BIRN nga pavioni i kardiologjisë në spitalin e Gjakovës. “Nuk po merremi vesh shumë atje [Tiranë], ka popullsi të madhe atje, e nuk po merremi vesh,” shtoi ai.

Çaushi nuk është i vetmi pacient nga qarku i Kukësit që po kërkon shpëtim në spitalin publik të Gjakovës në Kosovë. Të mbetur pa shërbim shëndetësor eficent, 171 banorë nga Hasi dhe Tropoja i gjetën dyert e hapura në spitalin e Gjakovës për probleme shëndetësore nga më të ndryshmet gjatë 3-mujorit të parë të vitit 2025.

Sipas protokolleve të Ministrisë së Shëndetësisë, këta pacientë duhet të trajtohen në spitalin rajonal të Kukësit, por ky i fundit vuan nga mungesa e kushteve dhe e mjekëve specialistë, aq sa po i detyron pacientët e vet që të udhëtojnë drejt Prizrenit për t’u kuruar.

Qyteti i Gjakovës në Kosovë gjendet vetëm 29 kilometra larg Krumës në bashkinë e Hasit dhe njerëzit në të dy anët e kufirit ndajnë mes tyre një histori të gjatë marrëdhëniesh sociale dhe ekonomike. Për pacientë si Çaushi, sistemi shëndetësor dallon si nata me ditën.

Ai tha BIRN se në spitalin e Gjakovës e pritën si vëlla dhe e trajtuan me vizita dhe medikamente brenda një kohe të shkurtër.

“Këto shërbime në Krumë dhe Kukës janë me fukarallëk, se në Krumë nuk kemi dhomë të hyjmë, duhet të presim 3 orë për të marrë një serum,” tha ai.

Në vitin 2022, qeveria shqiptare ndryshoi ligjin për shërbimin spitalor dhe spitali i vogël i Krumës u kthye në ditor. Drejtori i këtij spitali, Shaban Peka, i pranon mangësitë e shumta ndërsa pohon se banorët e zonës i drejtohen Gjakovës si raste urgjente dhe pranohen atje, pavarësisht kostove të trajtimit.

“Shëndetësia ka një kosto të lartë, por në Gjakovë e kanë lëshuar dorën për shkaqe që dihen,” tha ai duke nënkuptuar patriotizmin.

https://www.reporter.al/2025/06/03/shendetesia-ne-dy-pamje-pacientet-e-qarkut-kukes-gjejne-shpetim-ne-spitalet-e-kosoves/?fbclid=IwY2xjawKzx59leHRuA2FlbQIxMQABHv0oqTsx3qitjIJcGwbyo4Wk_3cqt-WDCcvs0fv1dSkNAfc2YLyAKOtv7f3P_aem_o2Y_bV2-uPpDvUbb-Ux6YA

Ndërsa spitalet e Kukësit, Hasit dhe Tropojës janë në degradim dhe në mungesë të theksuar mjekësh, mijëra pacientë nga këto zona kërkojnë shpëtim në Gjakovë dhe Prizren, ku trajtohen falas dhe me dinjitet.