What are the opening hours?

Monday 08:30 - 17:00 Wednesday 08:30 - 17:00 Thursday 08:30 - 17:00 Friday 08:30 - 17:00 Saturday 09:00 - 14:00

https://vasmirbogdani.blogspot.com/

MindTherapist - V.Bogdani, Tirana (2025)

18/04/2025

Krizat Ekzistenciale u referohen ndjenjave, mendimeve dhe pyetjeve shqetësuese të cilat lidhen me kuptimin dhe qëllimin e jetës së një individi.

Kjo gjëndje i shtyn individët të mendojnë se jeta është në thelb e pakuptimtë dhe se ekzistenca nuk ka kuptim.

Të tilla mendime dhe ndjesi çojnë në konfuzion në lidhje me ndjenjën e identitetit të një individi.

Sipas ekzistencialistëve - një krizë ekzistenciale konsiderohet një udhëtim, një ndërgjegjësim, një përvojë e nevojshme dhe një fenomen kompleks. Ajo lind nga vetëdija për liritë tuaja dhe se si jeta do të përfundojë për ju një ditë.

📣Si ta identifikojmë një krizë ekzistenciale?!
Gjatë një krize ekzistenciale, një individ mund të përjetojë një sërë simptomash, duke përfshirë:
📌Ankth
📌Depresion
📌Ndjenja të mbingarkuara
📌Izolimi nga shokët/miqtë
📌Mungesa e motivimit dhe e energjisë
📌Vetmia
📌Shqetësim obsesiv

Mund të jetë e vështirë të thuash nëse po përjeton një krizë ekzistenciale por ndër shqetësimet më të zakonshme të krizave ekzistenciale përfshijnë:

➡️Ndjenja e mbingarkesës dhe e preokupuar me vdekjen: Krizat ekzistenciale shpesh përfshijnë një ndërgjegjësim të shtuar për vdekshmërinë, vështirësinë e jetës dhe realitetin e vdekjes. Për shumë njerëz, të menduarit për vdekjen mund të ndihet dërrmuese dhe konfuze dhe pyetje të tilla si : Çfarë kuptimi ka jeta?!

➡️Pendimi për gjërat që nuk mund t'i ndryshoni: Individi mund ta gjejë veten duke menduar për zgjejet e tij jetësore dhe mund të ndihet i trishtuar ose i penduar mbi ato çfarë ka zgjedhur .

➡️Të shqetësoheni më shumë se zakonisht: Individi mund të ndihet i preokupuar me shqetësimin për kuptimin e jetës, zgjedhjet që ka bërë ose kërcënimet ekzistenciale, si ndryshimi i klimës ose fatkeqësitë natyrore. Preokupimi si këto mund të korrespondojnë gjithashtu me ankthin.

📌Trajtimi:
Farmaceutik dhe Psikoterapeutik .
Psikoterapia është shumë më e rëndësishme pasi duke ndërhyrë në proceset e mendimit sjell atë që e quajmë “Ndryshimi i Rekursit Mendor”

Literaturë shkencore: Shoqata Amerikane e Psikiatrisë

17/04/2025

Bixhozi kompulsiv, i quajtur edhe çrregullimi i kumarit, është një dëshirë e pakontrollueshme për të luajtur pavarësisht nga dëmi që shkakton.

Bixhozi mund të stimulojë sistemin e shpërblimit në tru, ashtu si droga ose alkooli, duke çuar në varësi.

Kumari kompulsiv është një gjendje serioze që mund të shkatërrojë jetë.
Shenjat dhe simptomat e kumarit kompulsiv (çrregullimi i lojërave të fatit) mund të përfshijnë:

✅Vazhdimisht i zënë me lojërat e fatit, të tilla si planifikimi i vazhdueshëm i aktiviteteve të lojërave të fatit dhe si të fitosh më shumë para nga kumari
✅Nevojë për të luajtur kumar me shuma parash që vijnë e rriten për të marrë të njëjtin emocion
✅Përpjekja për të kontrolluar, shkurtuar ose ndaluar lojërat e fatit, por pa sukses
✅Individi ndjehet i shqetësuar ose nervoz kur përpiqet të pakësojë lojërat e fatit
✅Individi luan për të shpëtuar nga problemet ose për të lehtësuar ndjenjat e pafuqisë, fajit, ankthit ose depresionit
✅Përpjekja për të rikthyer paratë e humbura duke luajtur më shumë kumar
✅Rrezikimi ose humbja e marrëdhënieve të rëndësishme

📌Faktor rreziku

𝑰𝒏𝒅𝒊𝒗𝒊𝒅ë𝒕 𝒒ë 𝒍𝒖𝒂𝒋𝒏ë 𝒃𝒊𝒙𝒉𝒐𝒛 𝒎𝒆 “𝒅𝒆𝒕𝒚𝒓𝒊𝒎” 𝒔𝒉𝒑𝒆𝒔𝒉 𝒌𝒂𝒏ë 𝒑𝒓𝒐𝒃𝒍𝒆𝒎𝒆 𝒎𝒆 𝒌𝒆𝒒𝒑ë𝒓𝒅𝒐𝒓𝒊𝒎𝒊𝒏 𝒆 𝒔𝒖𝒃𝒔𝒕𝒂𝒏𝒄𝒂𝒗𝒆, ç𝒓𝒓𝒆𝒈𝒖𝒍𝒍𝒊𝒎𝒆 𝒕ë 𝒑𝒆𝒓𝒔𝒐𝒏𝒂𝒍𝒊𝒕𝒆𝒕𝒊𝒕, 𝒅𝒆𝒑𝒓𝒆𝒔𝒊𝒐𝒏 𝒐𝒔𝒆 𝒂𝒏𝒌𝒕𝒉. 𝑩𝒊𝒙𝒉𝒐𝒛𝒊 𝒌𝒐𝒎𝒑𝒖𝒍𝒔𝒊𝒗 𝒈𝒋𝒊𝒕𝒉𝒂𝒔𝒉𝒕𝒖 𝒎𝒖𝒏𝒅 𝒕ë 𝒔𝒉𝒐𝒒ë𝒓𝒐𝒉𝒆𝒕 𝒎𝒆 ç𝒓𝒓𝒆𝒈𝒖𝒍𝒍𝒊𝒎 𝒃𝒊𝒑𝒐𝒍𝒂𝒓, ç𝒓𝒓𝒆𝒈𝒖𝒍𝒍𝒊𝒎 𝒐𝒃𝒔𝒆𝒔𝒊𝒗-𝒌𝒐𝒎𝒑𝒖𝒍𝒔𝒊𝒗 ,𝒐𝒔𝒆 ç𝒓𝒓𝒆𝒈𝒖𝒍𝒍𝒊𝒎 𝒕ë 𝒅𝒆𝒇𝒊𝒄𝒊𝒕𝒊𝒕 𝒕ë 𝒗ë𝒎𝒆𝒏𝒅𝒋𝒆𝒔/𝒉𝒊𝒑𝒆𝒓𝒂𝒌𝒕𝒊𝒗𝒊𝒕𝒆𝒕𝒊𝒕 (𝑨𝑫𝑯𝑫).

Kur të shihni një mjek ose profesionist të shëndetit mendor?

A kanë shprehur shqetësime anëtarët e familjes, shokët,miqtë etj për lojërat e fatit? Nëse po, dëgjoni shqetësimet e tyre. Për shkak se mohimi është pothuajse gjithmonë një tipar i sjelljes kompulsive ose varësisë, mund të jetë e vështirë për individin që ta kuptojë .

Literaturë shkencore: gambling addiction E, M et al

11/03/2025

Shëndeti mendor është themeli i mirëqenies sonë të përditshme – ai ndikon në mënyrën si mendojmë, ndiejmë dhe veprojmë. Të kërkosh trajtim nuk është turp, por një akt vetëdijeje dhe kujdesi ndaj vetes. Çdo hap drejt përmirësimit mendor është një hap drejt një jete më të plotë, më të qetë dhe më të balancuar

Mendja, është pushteti mbi trupin !

Mendja, është pushteti mbi trupin !

11/02/2025

BB4B trajton:

• Crregullimet e Ankthit dhe Panikut – Për ta stabilizuar dhe caktivizuar
• Crregullimi Obsesiv- Kompulsiv – Puna në kompleskin reptilian
• Puna klinike me sëmundjet fizike - Puna me neuronet e korteksit parietal
• Insomnia/pagjumsia – Puna me sistemin limbik
• Crregullime të të ngrënit – Puna me hipotalamusin dhe pankreasin
• Crregullimet seksuale – Puna me rrugët neurotike të indicjes seksuale
• Infertiliteti – Puna me meshkujt dhe femrat
• Agorafobia - Puna me rrugët neurotike të lobit frontal
• Energjia fizike - Puna me kontrollin e impulsit dhe sistemin limbik

07/02/2025

Lexoje!
Kërkohet një punonjës i ri:
Punonjës social klinik ose psikolog klinik / dhe ose këshillimi
Kushti i vendosur është i çuditshëm sepse po flitet me preference gjinore por për shkak të kushteve të punës dhe balancimit gjinor.

Ps: Fushat sociale vuajnë për profesionistë meshkuj pasi nuk para e preferojnë.

Nuk ka rëndësi eksperienca sepse do më ketë personalisht mentor.
Edhe në rast se është student në nivel master është në rregull.

Vendodhja: Tiranë

Faleminderit

18/11/2024

Vrasja e të miturit 14 vjecar sot në Tiranë , është një tragjedi kombëtare jo e panjohur!

Kohë më parë e kam iniciuar dhe vijuar frazën se Bullizmi Krijon Bomba me Sahat.

Kemi të bëjmë me një epidemi sociale , e cila po keq menaxhohet nga individë profesionistë llafollogë , që japin analiza nëpër emisione dhe nuk dinë cfarë flasin , apo profesionstë që hyjnë në vendet e punës me para , dihet që kjo do ndodhë.

Një peshë të madhe kanë prindërit , që dijnë të bëjnë fëmij por nuk dinë të prindërojnë që po rrisin individë që vrasjen dhe dëmtimin e kanë si gjënë më të lehtë .

E kjo e fundit është më e rëndë : Para disa kohësh pashë një fëmijë jo më shumë se 4 vjec , që po torturonte një mace dhe aty ndodhej e ëma dhe gjyshja që në mënyrën më të pazhvilluar të mundshme me element psikopatie filmonin fëmijën dhe telefononin farefisin se si kjo e fundit po e mbyste macen.

NO COMMENT ! O bëni fëmij dhe mësoni si të prindëroni ose mos e merrni jetën e tij në qafë nesër pas nesër.

03/11/2024

Individë të cilët vuajnë nga crregullimi i ankthit përjetojnë mendime intruzive, të cilat themi se i atribuohen disa mekanizmave mendorë të lidhura me gjendjet e larta të frikës (gjeneza e ankthit).

Si fillim ankthi bën të mundur që tek individi të rritet ndjeshmëria ndaj kërcënimeve të pë rceptuara duke e nxitur këtë të fundit për mendime obsessive dhe si rrjedhojë krijohet gjë ndja e hiper-vigjilencës.

Kjo gjëndje con në shqetësime të vazhdueshme të cilat shfaqen si mendime intruzive, të cilat bëjnë të mundur që individi të shqetësohet pasi në parim janë shumë të vështira për tu kontrolluar.

Duke u vijuar ky cikël , skemat konjitive karakterizohen nga mbimendimi (overthinking) dhe mbivlersimi (Rumination – Përqëndrim obsesiv për mendime , ndjesi dhe ngjarje kryeesisht si një formë reflektimi për ngjarje nga e kaluara të mbetura të pazgjidhura dhe që cojnë në rritje te ankthit dhe depresionit). Të dyja këto komponentë i mban individët të bllokuar në një rreth vicioz të mendimeve katastrofike. Kjo gjë con drejt një frike irracionale se ai/ajo po humbet kontrollin mbi veten dhe pikërisht kjo gjë është QELIZA e mendimeve intrusive.

Nga kjo gjëndje , individët priren ti shmangin ose shtypin këto mendime dhe ndjesi me idenë se kështu mund të kemi ‘shërim’ por në fakt kanë efekt të kundërt . ( Teoria e procesit ironic e cila thot se përpjekjet për të kontrolluar mendimet e padëshiruara mund të rrisin frekuencën e tyre)

Për ta përfunduar , mendimet intruzive tek individët që vuajnë nga crregullimet e ankthit ndikohen nga ndjeshmëria e rritur, modelet e papërshtatshme kognitive dhe frika nga humbja e kontrollit.

Kjo gjë ndje trajtohet dhe për këtë të duhet vetëm një Terapist i mirë dhe një gotë uji e cila të duhet gjatë kohës që flet pasi të thahet goja . (Në Terapi , ka biseda që ndonjë herë duket se nuk mbarojnë ).

11/10/2024

🌍 Sot është Dita Botërore e Shëndetit Mendor! Si psikoterapeut, dëshiroj t'ju kujtoj se kujdesi për shëndetin tuaj mendor është po aq i rëndësishëm sa ai fizik. Është në rregull të kërkoni ndihmë, të flisni për ndjenjat tuaja dhe të jepni përparësi vetëkujdesit. Le të thyejmë stigma së bashku dhe të krijojmë një komunitet mbështetës ku secili ndihet i sigurt për të ndarë vështirësitë e tij. Mos harroni, nuk jeni vetëm në këtë udhëtim.

29/08/2024

Neuroza dhe Psikoza janë lloje të ndryshme të çrregullimeve mendore. Neuroza i referohet një çrregullimi mendor të karakterizuar nga shqetësime fizike dhe mendore. Disa shqetësime mendore dhe fizike dhe lufta e brendshme karakterizojnë neurozën. Psikoza, nga ana tjetër, është një çrregullim i madh i personalitetit i shënuar nga çrregullime mendore dhe emocionale. Ndërsa neuroza është një çrregullim i butë mendor, psikoza i referohet marrëzisë dhe “çmendurisë”.
Neuroza është një grup çrregullimesh mendore që përfshijnë shqetësime kronike, por ato nuk përfshijnë iluzione dhe halucinacione. Neuroza njihet gjithashtu si një çrregullim neurotik ose psikoneurozë dhe është i llojeve të ndryshme:

● Histeri
● Çrregullimi i kontrollit të impulsit
● Çrregullim obsesiv-kompulsiv
● Ankthi
● Neuroza përfshin trishtimin, depresionin, nervozizmin, ankthin, konfuzionin, zemërimit, etj. Mund të themi se neuroza është paaftësia e një personi për të ndryshuar modelin e tij të jetës dhe për të zhvilluar një personalitet më kompleks, të kënaqshëm.
● Një person që vuan nga neuroza përballet me një konflikt të pavetëdijshëm dhe shqetësim emocional, i cili çon në probleme të ndryshme mendore. Personi gjithashtu mund të jetë në një gjëndje neurotike si pasojë e ndonjë fatkeqësie , ndodhie etj , që ai ishte dëshmitar dhe nuk mund t'i kapërcejë mendimet që çojnë në paqëndrueshmëri emocionale.
● Neuroza mund t'i ndodhë një personi që ka kaluar një ngjarje traumatike, dhe mendimet e ngjarjeve e bëjnë të vështirë për të që të harrojë incidentet dhe të shkaktojë ankth, që është simptoma kryesore e neurozës.
● Çdo person ndërton imazhin e tij ideal nga përvojat që ka kaluar, nevojat, fantazitë dhe lehtësitë që i janë dhënë. Një person tenton të hyjë në mekanizmat e mbrojtjes së egos ndonjëherë dhe kur ky mekanizëm çon në shqetësime emocionale e quajmë neurozë.
● Specialistët e trajtojnë neurozën në mënyra të ndryshme. Qoftë me anë të medikamenteve apo psikoterapisë.
● Pacienti gjithashtu mund të shërohet duke parë ose mësuar nga shembujt.

29/08/2024

Çrregullimi i ankthit të sëmundjes është një frikë e përhapur nga zhvillimi i një sëmundjeje serioze. Shpesh është kronik me një tendencë për t'u përkeqësuar në momentet e stresit akut. Është një shqetësim obsesiv dhe irracional për të pasur një gjendje të rëndë mjekësore.
Tre llojet e mendimeve obsesive janë:
• Individi është i dënuar për të pasur një sëmundje sëmundje
• Frika nga sëmundjet
• Kontrolli i vazhdueshëm i trupit
Ankthi çliron hormonet e stresit të cilat vërshojnë trupin. Kjo ndikon në organe të ndryshme, duke e dëmtuar trupin me kalimin e kohës. Sëmundja më pas shkakton ankth të mëtejshëm. Kjo krijon një rreth vicioz ku pacienti përforcohet në besimin se ankthi është i justifikuar dhe se në të vërtetë ata kanë një sëmundje.
Pacientët fillojnë të shqetësohen më shumë, jo më pak, me çdo diagnozë. Por vlen të theksohet se , ata nuk shqetësohen shumë për ndonjë “sëmundje” që kanë - ata shqetësohen për pasojat që kjo sëmundje , kj gjëndje shëndetësore do tu lërë atyre në të ardhmen.
Disa persona me këtë çrregullim në të vërtetë nuk kenë një sëmundje fizike të diagnostikuar. Por për shkak të çrregullimit të ankthit të sëmundjes, ata mund të mendojnë se gjendja e tyre është e rëndë dhe se mund të “Vdesin”.
Simptomat e këtij çrregullimi përfshijnë:

Shmangia e njerëzve ose vendeve për shkak të shqetësimit për kapjen e ndonjë sëmundjeje.
Vazhdimisht kërkojnë informacion dhe kryejnë ekzaminime të panevojshme.
Ekzagjerimi i simptomave dhe ashpërsië së tyre (për shembull, një kollë i lehtë e përkthejnë si shenjë e kancerit të mushkërive).
Niveli i lartë i ankthit për shëndetin personal.
Obsesioni me funksionet normale të trupit, të tilla si rrahjet e zemrës.
etj.
Çrregullimi Hipokondriak mund të trajtohet në dy forma në atë farmaceutike dhe psikoterapeutike ( më e rëndësishme).

04/07/2024

Çfarë është paranoja?

Paranoja është një ndjesi irracionale dhe këmbëngulëse të cilën individët e shohin veten si “ qëllimi për tu arrirë ( për tu dëmtuar) nga të tjerët. Ky dyshim i pabazë ndaj të tjerve mund ta bëjë të vështirë për një person me paranojë të funksionojë normalisht në shoqëri ose të ketë mardhënie të ngushta me individë të tjerë.Paranoja mund të jetë një simptomatikë e një sërë çrregullimesh si ; Çrregullimi Paranojak i Personalitetit , Çrregullimi Delusional ose grupe Psikozash të ndryshme.
Në bazë të studimeve nuk është gjetur një shkak specific që shkakton paranojën por që gjenetika luan rolin më kryesor.

Trajtimi varet nga gjëndja e diagnostikuar dhe mund të përfshijë trajtimin Psikoterapeutik dhe atë Farmaceutik.

Simptomat
Simptomat e paranojës mund të shkojnë nga të ato më të lehta deri tek ato më të rënda. Ato varen nga shkaku, por, përgjithësisht, një person që është paranojak mund të:
-Ofendohet lehtë
- Vështirësi për tu besuar të tjerve
-Gjatë gjithë kohës rrinë në “mbrojtje” nga sulme të pa baza nga të tjerët
-Janë armiqësorë, agresivë por herë herë kanë një sjellje shumë të qetë dhe tejet argumentuese
-Pothuajse e kanë të pamundur të falin apo të harrojnë
-Supozojnë se njerzit flasin keq pas shpinës së tij
- Janë tepër dyshues - për shembull, mendojnë se njerëzit e tjerë gënjejnë ose po i/e mashtrojnë atë etj.

Për informacion më të detajuar na kontaktoni në inbox.

16/05/2024

(Pasi është kryer ekzaminimi mjekësor) Ankthi i shëndetit-sëmundjes është një shqetësim obsesiv dhe irracional për të pasur një gjendje të rëndë mjekësore. Quhet gjithashtu ankthi i sëmundjes ose term mjekësor Hipokondri/Hipokondriazë. Kjo gjëndje shënohet nga imagjinata e një personi për se mund të vuajë nga një sëmundje e rrezikshme për shkak të simptomave fizike. Kryesisht personat në këtë gjëndje priren të shqetësohen për sëmundje tejet të rënda si; Kancer, Tumor, Infeksione etj.
Por kush janë simptomat e çrregullimit të ankthit të sëmundjes?
Personat me çrregullime ankthi të sëmundjes kanë frikë të vazhdueshme, por joreale për të qenë të sëmurë rëndë. Sëmundja (et) specifike që atë e shqetësojnë shpesh ndryshon.

Disa persona me këtë çrregullim në të vërtetë nuk kenë një sëmundje fizike të diagnostikuar. Por për shkak të çrregullimit të ankthit të sëmundjes, ata mund të mendojnë se gjendja e tyre është e rëndë dhe se mund të “Vdesin”.

Simptomat e këtij çrregullimi përfshijnë:

Shmangia e njerëzve ose vendeve për shkak të shqetësimit për kapjen e ndonjë sëmundjeje.
Vazhdimisht kërkojnë informacion dhe kryejnë ekzaminime të panevojshme.
Ekzagjerimi i simptomave dhe ashpërsië së tyre (për shembull, një kollë i lehtë e përkthejnë si shenjë e kancerit të mushkërive).
Niveli i lartë i ankthit për shëndetin personal.
Obsesioni me funksionet normale të trupit, të tilla si rrahjet e zemrës.
etj.
Çrregullimi Hipokondriak mund të trajtohet në dy forma në atë farmaceutike dhe psikoterapeutike ( më e rëndësishme)

MindTherapist - V.Bogdani

18/04/2025

17/04/2025

11/03/2025

11/02/2025

07/02/2025

18/11/2024

03/11/2024

11/10/2024

29/08/2024

29/08/2024

04/07/2024

16/05/2024

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:30 - 17:00
Wednesday	08:30 - 17:00
Thursday	08:30 - 17:00
Friday	08:30 - 17:00
Saturday	09:00 - 14:00