Drejtoria Rajonale e Operatorit të Shërbimeve të Kujdesit Shëndetësor Vlorë

17/04/2026

🩸 Dita Botërore e Hemofilisë

Hemofilia është një çrregullim, ku gjaku nuk mpikset si normalisht, duke rritur rrezikun për gjakderdhje të zgjatura.

🎯 Sot synojmë të rrisim ndërgjegjësimin dhe të mbështesim pacientët që jetojnë me këtë sëmundje.

🏥 OSHKSH angazhohet për akses në shërbime cilësore dhe kujdes të vazhdueshëm shëndetësor.

17/04/2026

🩸🌍 17 Prill – Dita Botërore e Hemofilisë

Sot është një ditë e veçantë për të rritur ndërgjegjësimin mbi hemofilinë dhe çrregullime të tjera të rralla të gjakut ❤️

Hemofilia është një sëmundje e trashëgueshme që ndikon në mpiksjen e gjakut, duke bërë që edhe dëmtime të vogla të kërkojnë kujdes të veçantë. Megjithatë, falë përparimeve në mjekësi 🏥💉, personat që jetojnë me hemofili sot kanë mundësi për një jetë aktive, të sigurt dhe me cilësi të mirë ✨

💙 Kjo ditë na kujton rëndësinë e:

✔️ Informimit dhe edukimit 📚
✔️ Diagnostikimit të hershëm 🔍
✔️ Trajtimit të vazhdueshëm 💊
✔️ Mbështetjes për pacientët dhe familjet e tyre 🤝👨‍👩‍👧‍👦

Le të bashkohemi për të dhënë më shumë zë kësaj kauze 📢

Le të tregojmë empati dhe solidaritet ❤️
Sepse çdo hap drejt ndërgjegjësimit është një hap drejt një jete më të mirë për ata që jetojnë me hemofili 🌟

🩸 Së bashku mund të bëjmë ndryshimin!

17/04/2026

🌿🤝 DROSHKSH Vlorë pjesë e nismës për një mjedis më të pastër 🌍✨

Drejtoria Rajonale e Operatorit të Shërbimeve të Kujdesit Shëndetësor Vlorë (DROSHKSH Vlorë) iu bashkua me përkushtim sot herët në mëngjes nismës së Bashkisë Vlorë për pastrimin dhe mirëmbajtjen e mjedisit tonë të përbashkët. 🧹🌱

Nëpërmjet këtij aksioni, synojmë jo vetëm përmirësimin e kushteve mjedisore, por edhe rritjen e ndërgjegjësimit qytetar për rëndësinë e një ambienti të pastër dhe të shëndetshëm. 🌼💚

Stafet tona u angazhuan aktivisht në pastrimin e hapësirave publike, duke dhënë një shembull konkret të bashkëpunimit institucional dhe përgjegjësisë qytetare. 🙌🌳

Një mjedis i pastër është një hap më shumë drejt një shoqërie më të shëndetshme! 🌍💪



🌿✨

08/04/2026

🌍 Në kuadër të Dita Ndërkombëtare e Romëve, Njësia Vendore e Kujdesit Shëndetësor Delvinë organizoi dhe zhvilloi një aktivitet sensibilizues në zonën e Vrionit, me qëllim rritjen e ndërgjegjësimit të komunitetit për çështje të rëndësishme të shëndetit publik dhe mirëqenies sociale.

Ky aktivitet u fokusua në afrimin e informacionit të saktë dhe të besueshëm pranë qytetarëve, përmes shpërndarjes së materialeve informuese dhe zhvillimit të bisedave ndërgjegjësuese 🗣️ në terren, në bashkëbisedim të drejtpërdrejtë me anëtarët e komunitetit rom 👥. Pjesëmarrësit u njohën me rëndësinë e kujdesit të vazhdueshëm për shëndetin, si dhe me mundësitë konkrete për përfitimin e shërbimeve shëndetësore falas që ofrohen nga sistemi publik.

Një vëmendje e veçantë iu kushtua rëndësisë së vaksinimit 💉kundër HPV-së, si një nga masat më efektive për parandalimin e kancerit të qafës së mitrës, duke theksuar domosdoshmërinë e vaksinimit në moshat e rekomanduara. Gjithashtu, u trajtua parandalimi dhe diagnostikimi i hershëm i kancerit të gjirit, duke inkurajuar gratë dhe vajzat 👩🏻‍🦱 për kontrolle të rregullta mjekësore dhe ndërgjegjësim mbi shenjat e hershme të kësaj sëmundjeje.

📄Në vijim të aktivitetit, u ofrua informacion mbi një sërë shërbimesh shëndetësore falas, përfshirë vizitat në qendrat shëndetësore, 🏥kontrollin periodik, vaksinimet, 💉si dhe programet parandaluese të disponueshme për grupmosha të ndryshme 🧍‍♀️🙎🏻‍♀️

Përveç çështjeve të shëndetit, aktiviteti adresoi edhe tema me rëndësi sociale, si parandalimi i dhunës në familje, lufta kundër ekstremizmit dhe radikalizmit, si dhe promovimi i vlerave të bashkëjetesës, respektit dhe përfshirjes sociale. Këto diskutime synuan fuqizimin e komunitetit përmes informimit dhe nxitjes së dialogut të hapur.

Nëpërmjet këtij aktiviteti, NJVKSH Delvinë është e gatshme për të qenë pranë komunitetit, duke kontribuar në rritjen e ndërgjegjësimit, përmirësimin e aksesit në shërbime dhe ndërtimin e një shoqërie më të shëndetshme, të barabartë dhe të informuar për të gjithë.

07/04/2026

🌍 Dita Botërore e Shëndetit

Shëndeti është pasuria më e madhe. Sot kujtojmë rëndësinë e kujdesit për veten dhe për njëri-tjetrin.

🩺 OSHKSH është gjithmonë pranë jush, për shërbime shëndetësore cilësore dhe të aksesueshme për të gjithë.

💙 Kujdesu për veten. Shëndeti yt ka rëndësi!

06/04/2026

🌍💚 Dita Botërore e Shëndetit – 7 Prill 💚🌍

Sot festojmë atë që shpesh e marrim si të mirëqenë: shëndetin tonë.
Në përditshmërinë e ngarkuar, harrojmë që gjërat më të thjeshta janë ato që kanë më shumë vlerë – një trup i shëndetshëm, një mendje e qetë dhe energjia për të jetuar çdo ditë plotësisht.

Kjo ditë na kujton se kujdesi për veten nuk duhet të jetë vetëm kur ndihemi keq, por një zgjedhje e përditshme. Sepse shëndeti nuk është vetëm mungesa e sëmundjes, por mirëqenie fizike, mendore dhe emocionale.

🌿 Kujdesu për trupin tënd – ushqehu mirë dhe lëviz sa më shumë
🧠 Mos harro shëndetin mendor – jepi vetes kohë për qetësi dhe reflektim
💧 Pi ujë, fle mjaftueshëm dhe dëgjo nevojat e trupit tënd.

❤️ Kujdesu edhe për njerëzit që do – sepse shëndeti është më i bukur kur ndahet
Nuk duhen ndryshime të mëdha – mjaftojnë hapa të vegjël, por të qëndrueshëm.

✨ Sepse kur ke shëndet, ke gjithçka.

05/04/2026

05/04/2026

MSHMS ju uron Gëzuar Pashkën të gjithë besimtarëve katolikë dhe ungjillorë ✝️!

03/04/2026

🫂 Nis zbatimi i Planit të Veprimit për Personat me Aftësi të Kufizuara për vitet 2026–2030, një angazhim i prekshëm për avancimin e integrimit europian duke vendosur në qendër barazinë, gjithëpërfshirjen dhe kujdesin social 🇦🇱🇪🇺

02/04/2026

Sot, në Ditën Botërore të Ndërgjegjësimit për Autizmin 💙, kemi mundësi për të reflektuar dhe për të rritur ndërgjegjësimin mbi rëndësinë e pranimit dhe përfshirjes së çdo individi në shoqëri.

Autizmi nuk është një kufizim, por një mënyrë unike për të perceptuar botën 🌍✨. Çdo person në spektrin e autizmit ka aftësi, talente dhe mënyra të veçanta komunikimi që e bëjnë botën më të pasur dhe më të larmishme.

Le të përpiqemi të kuptojmë më shumë, të gjykojmë më pak dhe të tregojmë më shumë empati ❤️. Të jemi të duruar në komunikim, të hapur ndaj ndryshimeve dhe të gatshëm për të mbështetur familjet dhe fëmijët që përballen çdo ditë me sfida, por edhe me arritje të vogla që vlejnë.

Duke krijuar një ambient më të ngrohtë, më të sigurt dhe më mbështetës, ne ndihmojmë që çdo individ të ndihet i pranuar dhe i vlerësuar për atë që është.

Sot dhe çdo ditë, le të zgjedhim mirëkuptimin, dashurinë dhe respektin 💙💫

24/03/2026

Dita Botërore e Tuberkulozit

🫁 Në kuadër të forcimit të masave kundër tuberkulozit, Operatori i Shërbimeve të Kujdesit Shëndetësor mori pjesë në një takim ndërinstitucional, të organizuar nga Instituti i Shëndetit Publik, në bashkëpunim me Ministrinë e Shëndetësisë dhe Mirëqenies Sociale dhe Spitalin Universitar Shefqet Ndroqi, me fokus përmirësimin e koordinimit dhe rritjen e efektivitetit të ndërhyrjeve në menaxhimin e kësaj sëmundjeje.

OSHKSH u përfaqësua nga Drejtori i Përgjithshëm, znj. Jeta Deda 👩‍⚕️, e cila nënvizoi rëndësinë e një qasjeje të koordinuar dhe gjithëpërfshirëse në ofrimin e shërbimeve shëndetësore 🏥, duke vendosur pacientin në qendër të çdo ndërhyrjeje.

👉 Diskutimet u përqendruan në përmirësimin e gjithë zinxhirit të kujdesit, nga parandalimi dhe depistimi i hershëm , te diagnoza cilësore dhe trajtimi i plotë, duke garantuar shërbime të vazhdueshme dhe efikase për çdo pacient.

💬 Përmes këtij bashkëpunimi, OSHKSH synon të rrisë cilësinë e kujdesit, të përmirësojë aksesin në shërbime dhe të kontribuojë në arritjen e objektivit për eliminimin e tuberkulozit në vend.