ԿենԷԱն Արվեստանոց է, որտեղ ամեն կին Ստեղծագործում է, "Քայլում" է դեպի Ինքն Իրեն :) .
ԿենԷԱ-յի միջոցառումները վերաբերում են
և՛ ֆիզիկական ոլորտին. շարժումներին, կեցվածքին և մարմնի այլ արտաքին դրսևորումներին,
և՛ մտա-հուզային ոլորտին. ներքին զգացումներին, պատկերացումներին և ապրումներին:
Կատարվում են յուրահատուկ ձեռքի աշխատանքների, բնության մեջ սպորտային բնույթի զբաղմունքների, հետաքրքիր սեմինարների և քննարկումների, նոր և հետաքրքիր վարժանքների միջոցով, որոնց անբաժանելի մասն է բաց, անկեղծ և հաճելի շփումը հետաքրքիր և հարազատ դառնող մարդկանց հետ:
ԵԹԵ ՇԱՏ ԱՄՓՈՓ :) . ԿենԷԱյի միջոցառումները բերում են կնոջը ներդաշնակ, խաղաղ և ներքին ոգեշնչված վիճակին:
ԿենԷԱ-յի հիմքում ընկած է մի ԳԱՂԱՓԱՐ, համաձայն որի կայուն ներդաշնակությանը, լիցքավորմանը և ոգեշնչվածությանը նախորդում է լիցքաթափման փուլ, որը իրականացվում է ֆիզիկական, հուզական և մտային ոլորտներում վարժանքների հատուկ մի համակարգի միջոցով:
Լիցքաթափման ընթացքում կատարվում է ավելորդ և խանգառող "հուզական մնացորդների", "հուզական տպավորությունների" արտամղումը և տրանսֆորմացիան:
Դրան հետևում է լիցքավորմանը, ոգեշնչվածությանը ուղղված վարժանքների երկրորդ համակարգը՝ նույնպես ֆիզիկական, հուզական և մտային ոլորտներում:
Զուգահեռ իրականացվում են նաև տարբեր ընկերական, ընտանեկան և բաց միջոցառումներ՝ ուղղված տարբեր տարիքի, մասնագիտության և աշխարհընկալման մարդկանց բաց և համագործակցող շփմանը, որը նպաստում է նոր ընկալումների, տեսանկյունների բացահայտմանը, գիտելիքների և փորձի փոխանակմանը մասնակիցների միջև, և, վերջապես, հաճելի և հանրօգուտ ժամանց:
Հենց ներքին խաղաղվածության, ներքին ներդաշնակության վիճակում է, որ կինը լինում է ԿԱՆԱՑԻ ԶՈՐԵՀ, ՈԳԵՇՆՉՎԱԾՑ, ՍՏԵՂԾԱԳՈՐԾԱԿԱՆ, ՍԻՐՈՂ և ԲԱՐԻ, ինչը նա ինքըստինքյան փոխանցում է նաև իր ամբողջ շրջապատին. լինի դա իր ընտանիքը և ընկերները, թե հասարակությունը և բնությունը: Այդ վիճակը կնոջ իսկական բնական վիճակն է, և դա է պատճառը, որ, գտնվելով այս վիճակում, կինը իրեն զգում է իսկապես երջանիկ:
Հետաքրքիր է, որ այստեղ ԿԱՐԵՒՈՐ է ոչ թե հենց ներդաշնակության վիճակը, այլ ինքնուրույն այդ վիճակին գալու հնարավորությունը:
Ներդաշնակությանը հասնելու բազում տարբեր ճանապարհներ կան, որոնցից մեկը և ԿենԷԱյի միջոցառումներն են, գործունեությունը և վարժանքների համակարգը: :)
