«Կարդիոմեդ Ընտանեկան Բժշկության Կենտրոն» ՍՊԸ

13/05/2026

🏥 Շուտով «Կարդիոմեդ Ընտանեկան Բժշկության Կենտրոն» ում հասանելի կլինի
կատարակտի էքստրակցիա ֆակոէմուլսիֆիկացիայի մեթոդով՝ ժամանակակից և արդյունավետ վիրահատական մոտեցմամբ։ 👁️

🔬 Ֆակոէմուլսիֆիկացիան կատարակտի բուժման ամենատարածված մեթոդներից է, որը թույլ է տալիս հեռացնել պղտորված ոսպնյակը փոքր կտրվածքով և վերականգնել տեսողությունը՝ արագ վերականգնման հնարավորությամբ։

Ծառայությունը նախատեսվում է մատուցել նաև
Առողջապահության համընդհանուր ապահովագրության շրջանակներում։

📌 Շուտով կհրապարակենք՝
• ծառայության մեկնարկի օրը
• խորհրդատվության կարգը
• անհրաժեշտ հետազոտությունների ցանկը
• ապահովագրական պայմանների մանրամասները
Վիրահատությունը կիրականացնեն Asatur Hovsepyan ը և Alina Terteryan ը

📍 Կարդիոմեդ ընտանեկան բժշկության կենտրոն
Առողջություն և ժամանակակից բժշկական ծառայություններ՝ մեկ վայրում։

12/05/2026

Այսօր՝ Բուժքույրերի միջազգային օրը, սրտանց շնորհավորում ենք բոլոր բուժքույրերին՝ Ձեր նվիրվածության, հոգատարության և ամենօրյա պատասխանատու աշխատանքի համար։
Դուք առողջապահական համակարգի անփոխարինելի մասն եք․
հենց Ձեր ուշադրությունը, համբերությունը և մարդկային վերաբերմունքն են հաճախ դառնում պացիենտի վստահության, հանգստության և ապաքինման կարևոր հիմքը։
Այն մարդկանց օրն է այսօր, ովքեր կարող են միաժամանակ չորս բան անել՝ ներարկումը անել, ջերմաչափը պահել, հիվանդի հարազատին հանգստացնել և բժշկի ձեռագիրը վերծանել (5-րդն էլ` Արմեդ համակարգում գրանցել այս ամենը)։ 😄
«Կարդիոմեդ Ընտանեկան Բժշկության Կենտրոն» ը բարձր է գնահատում Ձեր մասնագիտական աշխատանքը, թիմային նվիրումը և մարդասիրական առաքելությունը։
Մաղթում ենք առողջություն, ուժ, մասնագիտական հաջողություններ և անսպառ եռանդ։ 💙

Հարգանքով՝
Կարդիոմեդ ընտանեկան բժշկության կենտրոն

01/05/2026

🟩 Տիպ 2 շաքարային դիաբետ․ Վաղ հայտնաբերումը՝ առողջ կյանքի հիմք։
Տիպ 2 շաքարային դիաբետը հաճախ ընթանում է առանց ակնհայտ ախտանիշների, սակայն կարող է հանգեցնել լուրջ բարդությունների՝ սիրտանոթային հիվանդությունների, կաթվածի, տեսողաական խնդիրների, երիկամների ախտահարման և այլն։

📊 Հայաստանում հիվանդության տարածվածությունը շարունակում է աճել, և շատ դեպքեր մնում են չախտորոշված։

⚠️Սքրինինգը հնարավորություն է տալիս ՇԴ-ն հայտնաբերել վաղ փուլում այն մարդկանց մոտ, ովքեր դեռևս չունեն արտահայտված ախտանիշներ։ Տ2 ՇԴ-ն հաճախ ընթանում է աննկատ, ուստի պարբերական սքրինինգը կարևոր է՝ հիվանդությունը ժամանակին հայտնաբերելու և դրա բարդությունները կանխելու համար։
Ո՞ւմ է անհրաժեշտ ստուգվել․
✔️ Եթե 18+ եք և ունեք՝
- ավելորդ քաշ
- բարձր զարկերակային ճնշում
- ընտանիքում շաքարային դիաբետ
- ցածր ֆիզիկական ակտիվություն
- նախադիաբետ
- պոլիկիստոզ ձվարանների համախտանիշ,
👉 Խորհուրդ է տրվում սքրինինգ՝ տարեկան

✔️ Եթե ռիսկի գործոններ չկան (35–68 տ.)`
👉 յուրաքանչյուր 3 տարին մեկ

💡 Ինչու է կարևոր
✅ Վաղ հայտնաբերումը թույլ է տալիս ժամանակին սկսել բուժումը, օգնում է կանխել բարդությունները, պահպանում է կյանքի որակը։

📍 Ստուգվե՛ք ժամանակին
📍 Խորհրդակցե՛ք Ձեր ընտանեկան բժշկի հետ։

Կարդիոմեդ ԸԲԿ
#Ժամանակակիցմոտեցում #Վաղախտորոշում #Արդյունավետկառավարում

22/04/2026

Այսօր մեզ հյուր էր եկել ՀՀ առողջապահության նախարարը։ Պացիենտները իրենց գոհունակությունը փոխանցեցին ներդրված առողջության համապարփակ ապահովագրության համակարգից, բուժաշխատողները` առկա խնդիրները, որոնք տիկին նախարարը գրանցեց` կարգավորման նպատակով։

17/04/2026

🔴 Զարկերակային գերճնշում․ «բուժու՞մ», թե՞ «կառավարում».
Զարկերակային գերճնշումը (ԶԳՃ) քրոնիկական վիճակ է։ Այն չի «բուժվում» ամբողջությամբ, այլ պահանջում է մշտական կառավարում։
✔️ Դեղերը չեն «վերացնում» հիվանդությունը, այլ նպաստում են ճնշման պահպանմանը անվտանգ մակարդակում և պաշտպանում են սիրտը, ուղեղը, երիկամներն ու աչքերը։
✔️ ԶԳՃ-ի դեղերը
❌ կախվածություն չեն առաջացնում
❌ «սովորել» չեն տալիս օրգանիզմին
Դեղաչափի փոփոխությունը պայմանավորված է հիվանդության զարգացմամբ, ոչ թե դեղի հանդեպ «վարժվելով»։
⚠️ Նույնիսկ առանց գանգատների՝ բարձր ճնշումը ամեն օր վնասում է օրգանները։
📊 Օրինակ՝
• ՍԶՃ ≈150 մմ ս.ս. բարձրացնում է ինսուլտի/ինֆարկտի ռիսկը ≈2 անգամ,
• ՍԶՃ ≈170 մմ ս.ս. բարձրացնում է ինսուլտի/ինֆարկտի ռիսկը ≈3–5 անգամ։
❗ Դեղերը «միայն երբ ճնշումը բարձր է» ընդունելը վտանգավոր է և կարող է բերել ծանր բարդությունների։
🌿 Ավանդական միջոցները կարող են ժամանակավոր օգնել, բայց չեն փոխարինում ապացուցահեն բուժմանը։
✅ Լավագույն մոտեցումը՝
առողջ կենսակերպ + կանոնավոր դեղորայք + բժշկական հսկողություն։
🩺Այնպես որ, 18 տարեկանից բարձր տարիքի անձինք առնվազն տարեկան մեկ անգամ պետք է չափեն զարկերակային ճնշումը` նույնիսկ գանգատների բացակայության դեպքում։ Իսկ առողջության համընդհանուր ապահովագրության շրջանակներում պացիենտներին դեղերը տրամադրվում են անվճար, կամ քիչ համավճարով։

04/04/2026

📌 «Անոթային» դեղեր՝ օգո՞ւտ, թե՞ բժշկական միֆ.
Շատ պացիենտներ վստահ են, որ
🔹 գլխացավը,
🔹 գլխապտույտը,
🔹 հիշողության վատացումը
պայմանավորված են «վատ արյան հոսքով» և պահանջում են «անոթ լայնացնող» դեղեր։
🔬 Սակայն ժամանակակից նյարդաբանությունը ցույց է տալիս՝
👉 ոչ բոլոր դեպքերում է խնդիրն անոթների մեջ,
👉 և առավել հաճախ նման դեղերը չունեն ապացուցված արդյունավետություն։
Օրինակ՝
• Միգրենի դեպքում անոթները արդեն լայնացած են, և «լայնացնողը» կարող է վատացնել ցավը
• Գլխապտույտների մեծ մասը ոչ անոթային ծագում ունեն
• Հիշողության խանգարումները հաճախ կապված են նեյրոդեգեներատիվ պրոցեսների, ոչ թե պարզապես «արյան պակասի» հետ։
✅ «Անոթային» թերապիան արդարացված է միայն այն դեպքում, երբ
կա ապացուցված անոթային պաթոլոգիա (օր.՝ ինսուլտ, անցողիկ իշեմիկ գրոհ, արտահայտված ստենոզ)
և կիրառվում է՝ որպես հիմնական բուժման լրացում, ոչ թե ինքնուրույն։
⚠️ «Կաթիլայիններով բուժել ամեն ինչ» մոտեցումը ոչ միայն անարդյունավետ է, այլ երբեմն նաև վտանգավոր՝
քանի որ կարող է շեղել իրական, ապացուցված բուժումից։
🎯 Ժամանակակից բժշկության հիմնական սկզբունքն է՝
բուժել ոչ թե «անոթները», այլ կոնկրետ հիվանդությունը, կառավարելով առկա ռիսկի գործոնները`զարկերակային ճնշումը, բարձր խոլեստերինի մակարդակը, շաքարային դիաբետի դեպքում` գլյուկոզայի մակարդակը։
#անոթալայնիչներ
#սիստեմաներ
#սնուցողդեղեր

01/04/2026

2 օր «Կարդիոմեդ Ընտանեկան Բժշկության Կենտրոն» ՍՊԸ–ում, «Սուրբ Գրիգոր Լուսավորիչ» ԲԿ-ի հետ համագործակցության շրջանակում, իրականացվեց
«Ինչպես գործել արտակարգ իրավիճակում. Սնհետաձգելի բուժօգնություն և հիմնական կենսապահովման հիմունքներ» դասընթացը ավագ և միջին բուժաշխատողների համար։ Թարմացվեցին տեսական գիտելիքներն ու գործնական հմտությունները` համաձայն 2025 թվականի միջազգային ուղեցույցերի։
Դասընթացը վարել է Սուրբ Գրիգոր Լուսավորիչ Բժշկական Կենտրոն ի կրթական ծրագրերի համակարգող, սիմուլյացիոն կենտրոնի ղեկավար Zara Khudoyan ը։
#Կարդիոմեդ #Վերապատրաստում #ԱնհետաձգելիԲուժօգնություն #ՀիմնականԿենսապահովում

26/03/2026

Խորը վշտով հայտնում ենք, որ կյանքից հեռացել է «Կարդիոմեդ ընտանեկան բժշկության կենտրոնի» նախկին ընտանեկան բժիշկ Լաուրա Հակոբյանը։
Տարիներ շարունակ նա իր մասնագիտական գիտելիքներով, հոգատարությամբ և մարդկային բարձր արժեքներով նվիրված ծառայել է իր պացիենտներին՝ արժանանալով նրանց վստահությանը և սիրուն։
Լաուրա Հակոբյանի լուսավոր հիշատակը միշտ կմնա մեր սրտերում։
«Կարդիոմեդ ԸԲԿ» անձնակազմը իր խորին ցավակցությունն է հայտնում հարազատներին և մերձավորներին։

Կան մարդիկ, ում հեռացումով աշխարհը մի պահ դատարկվում է, բայց նրանց թողած լույսը շարունակում է ապրել։ Նրա կյանքի ուղին նվիրումի պատմություն էր. որպես հմուտ և ...

20/03/2026

📢 «Կարդիոմեդ ընտանեկան բժշկության կենտրոնում» մատուցվում են բժշկական ծառայություններ՝ նաև համընդհանուր առողջապահական ապահովագրության շրջանակում։

👩‍⚕️👨‍⚕️ Բժշկական ծառայություններ՝

▪ ընտանեկան բժշկություն
▪ գինեկոլոգիա
▪ ակնաբուժություն
▪ մաշկաբանություն և վեներաբանություն
▪ հոգեթերապիա
▪ սրտաբանություն
▪ նյարդաբանություն
▪ ուռուցքաբանություն
▪ աղեստամոքսաբանական ծառայություններ
▪ էնդոկրինոլոգիա
▪ ուրոլոգիա
▪ ռևմատոլոգիա
▪ քիթ-կոկորդ-ականջաբանական ծառայություններ
▪️դիմածնոտային վիրաբուժություն
▪️անոթային վիրաբուժություն
▪ պալիատիվ խնամք

🩺 Ախտորոշիչ ծառայություններ՝

▪ ռենտգենաբանական հետազոտություններ
▪ ուլտրաձայնային հետազոտություն (ՈւՁՀ)
▪ գաստրոսկոպիա՝ Helicobacter pylori-ի որոշմամբ
▪️ էլեկտրասրտագրություն
▪ էխոսրտագրություն
▪ դուպլեքս հետազոտություն
▪ Հոլտեր ԷՍԳ մոնիթորինգ

📞 Նախապես անհրաժեշտ է գրանցվել
զանգահարելով՝ 093 203063

08/03/2026

🌷 Շնորհավոր Մարտի 8՝ Կանանց միջազգային օրը 🌷
Սիրելի՛ կանայք,
շնորհավորում ենք ձեզ այս գեղեցիկ օրվա առթիվ։
Թող ձեր օրերը լինեն լի առողջությամբ, ժպիտներով ու սիրով, ձեր հոգատարությունը՝ անսահման, իսկ ձեր ուժն ու նրբությունը միշտ լինեն այն ուժը, որ փոխում է աշխարհը դեպի լավը։
Մի փոքր բժշկական խորհուրդ Կարդիոմեդից 😉
միշտ հիշեք՝
լավ քունը, շարժումը, առողջ սնունդը և լավ տրամադրությունը ամենաարդյունավետ «դեղերից» են։
Եղե՛ք առողջ, երջանիկ և միշտ գնահատված։ 💐

Սիրով՝ Կարդիոմեդ ընտանեկան բժշկության կենտրոն

28/02/2026

📢 Հարգելի՛ ծնողներ,
Սույն թվականի մարտի 2-ին, ժամը 13:00-ին, տեղի կունենա առցանց հանդիպում (Zoom հարթակով)՝ նվիրված իմունականխարգելման գործընթացի իրազեկմանը։
Հանդիպման ընթացքում՝
🔹 Կներկայացվի կարճ պրեզենտացիա
🔹 Կպատասխանվեն հաճախ տրվող հարցերը
🔹 Կքննարկվեն պատվաստումների վերաբերյալ կարևոր և արդիական թեմաներ
🎯 Մեր նպատակն է տրամադրել վստահելի, ապացուցողական տեղեկատվություն և պատասխանել Ձեզ հետաքրքրող հարցերին։
🔗 Zoom-ի հղումը՝ ստորև
https://us02web.zoom.us/j/82463023576?pwd=tBjj4vAu2bdS5BHP7AF7tEgM8qajgN.1

Սիրով սպասում ենք Ձեր ակտիվ մասնակցությանը։
Կարդիոմեդ ԸԲԿ 💙

Zoom is the leader in modern enterprise cloud communications.